[MUS3] Love In A Mess (PUBLISHED UNDER IMMAC PPH)

CHAPTER 36

Chapter 36

Finn Pov

Napabuntong hininga ako habang nakatingin sa tempura namin ni Frenny na unti-unti nang maluluto. Hindi ko na mabilang kung pang-ilang ulit ko na itong buntong hininga pero ang pakiramdam ko ang bigat-bigat ng dibdib. I really miss him. I really miss Desmond.

Tatlong araw na siya doon sa ibang bansa at kahit na pinapadalhan niya ako sa mga pictures niya doon kada oras. Miss na miss ko pa rin siya. Iba kapag nandidito siya.

Nilagay noong tindero ang tempura namin ni Frenny sa plastic cups at binigyan ng stick. Kung nandidito lang si Desmond ipapatikim ko sa kanya itong masarap na pagkain na ito. Bago lang namin na discover ito ni Frenny dito sa labas ng Marcet Village pero ang sarap pala.

"Two buko, kuya, please." rinig kong saad ni Frenny doon sa tindero.

"Ano ba 'yan Frenny! Tigilan mo na iyong kakabuntong hininga mo kung hindi ibubuhos ko itong buko sayo." suway na ni Frenny sa akin at binigay ang cup na may lamang buko.

Pumasok kami sa village at tumambay sa parang waiting shed na malapit lang sa exit at entrance ng MV. Sa tabi naman nito ay ang playground na may slide at sa tabi ay ang basketball court.

"Miss ko na si Desmond, Frenny." usal ko at tumusok sa tempura.

Narinig ko ang bayolenteng pagpakawala ng hininga ni Frenny.

"Bakit di mo sabihing miss mo na siya at gusto mo nang umuwi siya dito?"

"Ay? Trabaho naman kasi ang pinunta niya doon Frenny. Nakakahiya naman na sabihin ko iyon. Naiintindihan ko naman ang sitwasyon ni Desmond, Frenny, e. Kaso lang--"

"Wala nang hugs at kisses?"

Napanguso lang ako kay Frenny at kinain ang tempura ko. Tumingin ako doon sa playground at nakita ko ang mga bata doon na masayang-masaya na naglalaro.

Bigla nalang pumasok sa isip ko na paano kaya kung ipagpatuloy ko ang pag-aaral ko. Tapos gusto ko kapag nag college na ako. Gusto kong kunin na course ay iyong magtuturo ka. Iyong teacher, teacher ng mga grade school. Mas gusto ko kasi ang mga bata.

Dati tinanong ako ni Desmond kung ano ang gusto maging o ano ang pangarap ko pero wala akong masagot sa kanya kasi wala naman talagang pumasok noon sa isip ko. Ngayon meron na. Ngayon may pangarap na akong gusto. At gusto ko iyong sabihin sa kanya. Gusto kong ibalita iyon sa kanya dahil sinabi niya rin kasi sa akin n'ong nasa Boracay kami na kapag may dreams na ako ay sabihin ko daw sa kanya

"Frenny, what are you looking at? Don't tell me gusto mo nang magka-anak?"

Muntik na akong mabulunan sa kinakain ko dahil sa sinabi ni Frenny. Sinamaan ko siya ng tingin at ngumuso.

"Hindi 'no. Ayaw ko kaya. Iniisip ko lang na ipagpatuloy ang pag-aaral ko Frenny."

Nagpapunas siya sa gilid ng kanyang labi. "Really? Gusto mo nang mag-aral Frenny?"

Tumango ako. "Uhm!"

"That's good para ipagpatuloy ko na rin ang pag-aaral ko."

Oo nga pala tumigil si Frenny sa kanyang pag-aaral.

Masaya ang pag-uusap namin ni Frenny tungkol sa pag-aaral pero nang mabanggit niya ang pangalan ni Desmond ay bigla ko na naman naisip si Desmond at nalungkot. Ang tagal naman kasi niya. Sabi niya two weeks siya doon sa ibang bansa. Tapos ngayon na three days pa nga siyang waka dito halos gusto ko nang ngumuwa kapag nagc-call kami. Pakiramdam ko unti-unti na ngang nawawala ang amoy niya sa kanyang silid. Oo kahit na wala si Desmond ay doon ako natutulog. Sabi niya kasi at iyon din ang gusto ko.