အပိုင်း ၂၀၉ : ငါတို့ရဲ့ လမ်းကြောင်းကို ပိတ်ချင်သူများ!
ထာဝရ တောင်တန်းဂိုဏ်းဟာ ခွန်းတောင်တောင်ခြေ တောင်ဘက်ပိုင်းရဲ့ အရှေ့ဘက်မှာ တည်ရှိတာဖြစ်ပြီး… မဟာချင် အင်ပါယာရဲ့ နယ်စပ်မှာ တည်ရှိပါတယ်။ သူဟာ တည်ထောင်ထားတာ နှစ်ပေါင်းတစ်ထောင်တောင် မရှိသေးပေမဲ့… သူရဲ့ အတိတ် အချိန်ကာလတုံးက အံ့ဩဖွယ်ရာ… လေနတ်ဘုရားဂိုဏ်းနဲ့တောင် ပခုံးချင်း ယှဉ်နိုင်ခဲ့တာပါ။
ဒါပေမဲ့လည်း နောက်ပိုင်းနှစ်တွေမှာ… သူဟာ မဟာချင် အင်ပါယာကို ဒေါသထွက်အောင် လုပ်မိခဲ့ပြီး… သူ့ရဲ့ ဖိနှိပ်ထားမှုကို ခံခဲ့ရကာ အခုလက်ရှိ အခြေအနေကို ရောက်ခဲ့ရတာပဲ ဖြစ်ပါတယ်။
ဂိုဏ်းရဲ့အထဲကနေ ထူးချွန်ပြောင်မြောက်တဲ့ ပုဂ္ဂိုလ်တွေဟာ ထွက်ရှိခဲ့ကြပေမဲ့… ပြင်ပကမ္ဘာက ဖိအားတွေနဲ့ ဂိုဏ်းအထဲက စိတ်ဝမ်းကွဲမှုတွေ ပေါင်းစည်းခဲ့ကာ… ထိပ်တန်းဂိုဏ်း အဖြစ်ကနေ အဆင့်လျှောကျခဲ့ပါတယ်။ သူတို့ဟာ လေနတ်ဘုရားဂိုဏ်းနဲ့ လုံးဝကို မယှဉ်ပြိုင်နိုင်တော့ပဲ… ပမွှားသာသာ အဖြစ်ကို ရောက်သွားခဲ့တာပါ။
ဒါပေမဲ့လည်း ကံဆိုးမှုတွေ ကြားက… ထာဝရ တောင်တန်းဂိုဏ်းဟာ ခေါင်းဆောင်အဖြစ်နဲ့ အခြေတည်ဝိညာဉ် အဆင့်က ကျင့်ကြံသူ တစ်ယောက်ကို ပိုင်ဆိုင်နိုင်သေးပါတယ်။ သူဟာ ခွန်းလွန်တောင်က အခြေအနေတွေကို တည်ငြိမ်အောင် ကြိုးစားပြီး… ဂိုဏ်းရဲ့ ကျဆင်းမှုကို နှေးကွေးအောင် လုပ်ဆောင်နိုင်ခဲ့ပါတယ်။
ထာဝရ တောင်တန်းဂိုဏ်းရဲ့ ခေါင်းဆောင်… ဝူယွမ်လန်ဟာ အသက် ၄၀.. ၅၀ကို ကျော်ပြီလို့ မထင်ရသေးပါဘူး။ သူဆီမှာ ဆံပင်ဖြူ တစ်ချို့ကို တွေ့နေရပြီး… သူ့ရဲ့ အပြုအမူဟာ လေးနက်ပြီး ခွင့်လွှတ်တဲ့ပုံ သိပ်မပေါ်ပါဘူး။
လင်းဖုန်းဟာ သူ့ကို သွားမတွေ့ခဲ့ပဲ… ခန်းနန်ဟွာကိုသာ စေ့စပ်ညှိနှိုင်းရေး ခေါင်းဆောင်အဖြစ်နဲ့ ခန့်အပ်ထားခဲ့ပါတယ်။
သူနဲ့ တွေ့ဆုံပြီးနောက်… ဝူယွမ်လန်ဟာ လင်းဖုန်းနဲ့ တွေ့ချင်တယ်လို့ တောင်းဆိုတာကြောင့်… ခန်းနန်ဟွာဟာ လင်းဖုန်းကို အကြောင်းကြားပြီး ခေါ်ဆောင်လာခဲ့ပါတယ်။
CZYTASZ
ဂန္တဝင်ဂိုဏ်းချုပ် အတွဲ (၂) Unicode
Przygodowe✓✓✓✓ MC က FAကြီး ✓✓✓✓ ဇာတ်လမ်းအကျဉ်း ------------- လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမ...
