رشامة الحنة

البارت الثاني

➰رشـــــامـــة الـــــحنة 〰️
▪️البارت الــثاني
بقلمي: جيهان مرعشلي🥇

•فاطمة: ااه اوليدي ميت ليها الراجل و هي صغيرة و كيف شفت و فهمت خلاها حااملة حيت باقي جرحها ماطابش من خلال هدرتها
•غسان: و اش جابها لهناا ؟
•فاطمة: (شافت فيه ) معرفتش مي كتبان لياا هاربة لبنت(غسان لمح هدى لي واقفة و تتشوفيهم و هو يدور عند مو )
•غسان: هاديك كانت معاهاا عيطي ليها و سوليهاا منين جااو .؟ و شنو المشكل حيت ماباغيش الهم للفقيه و نتوما مدخلينها لدااارو فغيابو اما انا كون ما وقفت على حرارة صوتها و قريب موتها و الرجل اي تتحط بين الدنيا و الاخرة فالولادة مكنتش نحط عليها يدي  (فاطمة واقفات كلامو حيت فهلا هو ماشي فقيه ديال الجامع باش ميقدرش يقرب ليها و لا شيحاجة هو فقط عاونها و كان واخد احتياطو معاها و ماشافش فيها شوفة ناقصة و دارت شافت فهدى)
•فاطمة: بصح عندك الحق خويا خلا هاد لبلاصة فرقبتي انا وياك و لكن فنفس الوقت خاص تعااون و بانت ليا مسكينة مضلمة فحياتها
•غسان: مني تتضلام ربي تيضويها

دارت فاطمة عند هدى و دارت ليها بيديها اجي ,هدى تعترات و اومات ليها من بعيد و هي جاية بشوية تا وقفات حداهم قالت ليها السلام و نزلات عينيها
•فاطمة: ماديريهاش مني قلة الصواب ابنتي و لكن راه تشطنت عليك نتي و البنت لي لفوق تتولد اش وااقع .؟(هدى طلعات عينيها و بدات تشوفيهم بجوج و غسان غا ساكت و ملبدها)
•هدى: انا سميتي هدى و لبنت لخرى سميتها حياة (مني قالت سميتها غسان اوما و شد حدا لحيتو و تيسمعها باش تكمل ) كانت مزوجة و
•غسان: علاش مابقاتش مزوجة و لا شنو ؟؟ (طار فنص كلامها و فاطمة دورات عينيها )
•هدى: لا هي فالاوراق راه مزوجة و لكن راجلها مات هادي شهرين تلت اشهر تقريبا , و حياة بنت الاصل و الفصل مقدراتش تمشي من دار ناسها و تكمل بعيد عليهم لدلك بقات معاهم و كملات داكشي كيف كان راجلها و لكن مني بداو شهورها تيقربو للولادة , ناضو عائلة راجلها و قالوليها بلي غادي تتزوجي لوسك لهم فيه هو خو المرحوم منها يصونك و ميضيعش الولد لي غادي يتزاد و حقو يبقا مضمون , حيت شحال ما بقيتي اكيد غادي تبغي تتزوجي و تكملي حياتك مع راجل وحد اخر اوا من الاحسن لوسك و هو عم الولد راه ميبعيش ليه المضرة (غسان قوس حواجبو و قاطعها)
•غسان: على هادشي هي هربات (هدى اومات ليه و عينيها غرغرو )
•هدى: ااه و فاش جينا و دخلنا لهاد الڤيلاج كانو تابعينا من الطريق لي فالخرجة و لكن مني شفنا الجامع و الاذان قلنا راه اتكون الصلاة دبا و دخلنا باش ميعيقوش و يتبعوناا و الباقي راكم تتعرفووه (غسان اوما ليها و رحع يديه لعنقو)
•غسان: و نتي شكون ؟همم(دار عنذها على غفلة تا صدمها)
•هدى: انا بنت صاحبتهاا (هدرات تتشوفيه و شوية بداو تيسمعو صوت الغوات ديال حياة تقطع و هوما بتلاتة علاو راسهم للشرجم و مخلوعة هدى تاا سمعو صوت التربية صغيييور و فرحات و بدات تضحك)
•هدى: هههه ولدات ولدااات (تتضحك) مبروووك عليناا اخالتي مبروك ههه (عنقاتهم بالفرحة و خلاتهم مشات تجري و تتعكل فالدروج تا كانت اطيح و دخلات عندهم و فاطمة تتشوف فغسان و فرحانة)

•فاطمة: شوف سبحان الله كانو غا هاربين منهم تا وصلو عندنا و كتاب ليها تولد هنا , و حنا كذلك غاا حاضيين دار خويا و نتا تتوذن فغيابو و هانتاا ربي اش كتب على عينينا نشوفوو (غسان اوما ليها و تسند على باب اللوطو و تيفكر مغمض عينيه بتعب و مازال تابعاه الطريق و ممرتاحش)
•فاطمة: انا اندخل اوليدي نشوف حياة و تسناني تا نجي عنداك تمشي بوحدك راه صافي لفقيه ليوم ايجي يعني انرجع معاك كنضن
•غسان:(وقف مقاد و هي شافت فيه زعما فين ناوي يمشي و قاطع شوفاتها و قاليها) عندي عهد خاصني نكملو ماشي من صوالحي نخلي شغالي لوسط ( هدر و سبقها طالع فالدروج تا وصل للباب و خلاها تدخل هي لولة باش تقوليه واش سالاو و لا لاا و بقا هكك مدة تيساين عاد خرجات عندو و دخلاتوو , و ماجات غا عينيه فعينيهاا  اما هي فرحات و بدات تبكي فوسط دموعها حيت واخا غا حاجة بسيطة و لكن فرحاتها و هي تهز ولدها بين يديها و مداتو لفووق شوية باش ياخدو من عندها و النسا غا تيشوفو مافاهمين والوو )

•حياة: هاك شدو بين يديك اخويا  (مداتو ليه و هو تبسم وخداه بلاما يعارض و شدو تيشوفيه و بدا يشوف جامع ريقو بين لسانو و فاطمة غا تتشوف تبسمااات مني شافتو تيضحك معاه و هادا شحال مابقات شافت هاد الضحيكة تا شاف فحياة )
•غسان: شنو تختاري تسمييه ..؟