رشامة الحنة

البارت الثاني و عشرين

➰رشـــــامـــة الـــــحنة 〰️
▪️البارت الــثاني و عشرين
بقلمي: جيهان مرعشلي 🥇

دخلات حياة لبيتها لقات عثمان فايق و تيلعب بيديداتو جلسات فوق السرير و هي تتفكر شنو طراا بيناتهم عاد داباا و الكارثة هي شنو دارت ليه و كيفاش يديها تا قربو لوجهو
•حياة: نااااري على خر يامي ايتخلا دار عشتي (وقفات و بقات غادا جايا فالبيت بحال الحمقة) اما الا ساقت زينب لخبااااار هاي هاااي(ربعات فالارض و بدات تخرح عينيها مني تتفكر) امااا لاجا الفقيه و عرف اش وقققفف صاافي مشيييت فيهاا(وهي تنوض) و لكن انا مدرت والو و اصلا واخا ك غسان ولد الناس و مربي مايقدرش يمشي و يقول ليهم اش طرا و اش درت لييه هو ااه مادار فيها ميصلاح و لكن ممبرهشش لديك الدرجة

بقات حياة تدور من جهة لجهة تا نعسات و خاصها غدا صباح تفيق بكري باش تشوف مناش تبدا و شنو دار غسان فالسبوع ديال عثمان

غسان كمل العشا فالجامع و خرج دخل غا اللوطو بدل عليه لحوايج لي كان لابس و بقا متكي فيها و تسفكر و عينيه على الشرجم ديال حياة لي كان طافي فالبيت
•غسان: اياياي احياة و اش تاديري فيااا (هدر و بدا يفكر دازو سويعات تا وصلات 12ديال الليل و وتلو ماغفاش لييه الجفن تا هز التيلي ديالو و عيط لصاحبو المحامي شوية بدا يصوني تا جاوب
•غسان: فييين امراااد فين شادها داباا ؟(هدر و تيشوف فالمراية لي قدامو و تيقاد فيهاا )
•مراد المحامي: فين انكون اغسان الله يهديك راني غا معشش فالدار غدا عندي ميدااار و صافي جيت جلست
•غسان:(ديمارا اللوطو) وا عرفتي شنوو خليك خليك انا جاي عندك تغيز ليا واحد الشغل(هدر و من بعد ما تافقو قطع و زاد كمل طريقو للدار ديال مراد

زينب طاح عليها الليل و هي فبيتها غا تتشوف و تتفكر مقابلة مع المرايا و لابسة كسوة طويلة كحلة و مفتوحة طلات من الشرجم مابانتش ليها اللوطو تعجبات شوية و هي تنوض نصلات ديك الكسوة و لبسات بيجامتها و رجعات نعسات بحالا ماواقع والو بدم باردة

غسان غا وصل عند مراد لقاه كيستناه فالباب ديال الدار و دخلو بجوج موانسين
•مراد: تشرب شيحاجة؟؟ (دخل غسان و تكسل على الفوتوي)
•غسان: لا اخااي غا اجي قدامي و جلس نهدروو ماجبتش باش ناكل و لا نشرب (عينيه فالسقف و تيهدر)
•مراد: هاني تنسمع
•غسان: بغيت نطلق اخوياا شوف كيدير لياا (ناض قاد الجلسة) راه مابقيتش قادر عليها
•مراد: اش طرا عوتاني (هدر و بقا غسان ساكت و تيشوف تا عاود ليه كولشي و خلا مراد اا تيشوف)
•مراد: دابا باغي تطلق زينب باش تزوج بحياة؟؟
•غسان: لا ماشي نفس الشي و الحاجة و لكن موضوعي مع زينب لا علاقة معاه حياة انا باغي نطلق حيت انا بغيت و عييت ماشي على قبل حياة اصحبي معمري كناخد حاجة من حد و نعطيها لاخر (شافيه) اما موضوع حياة باقي مابداش اصلا و خاصني نقصر هادشي حيت بدا يطلع ليا فالراس مهم نتا غا زگي ليا الاوراق باش نعطيهم لزينب تسني و من الاحسن نديرو طلاق اتفاقي بزربة
•مراد: واجااي حاافط صوالحك العزيز هه وامعليكش مهم غدا يكونو عندك الاوراق ديال الطلاق
•غسان: حاول دوزهم ليا صباح بكري حيت عشية اتكون دار عامرة كاين السبوع و موحال نسالي اصلا ماحيلتي للذبيحة ماحلتي لبزاف الحوايج و عاد الجامع خاصني نمشي ليه حيت هو الاول فهادشي كامل
•مراد: اوا الله يسخر اخااي ميكون غا الخير (هدر و غسان تبسم) اوااا اشنو ادير داباا بلاما ترجع الطريق كاملة جلس بات هناا راد الدار دارك
•غسان: علا مالي انتشاوا معاك اصلا انا جاي عوااال(ناض وقف و بدا كيتمشغ للبيت لي فين مولف ينعس فيه لاجا عند مراد و قبل ميدخل دار عندو قاليه) يالاه تهلااا غداا صبااح بكري انخرج عاا بلاما تسنااني
•مراد: واخاااا (غوت تاهو من بعيد و مشا لبيت لي كان حدا ديال غسان)

صباااح جديد باني عليه شلا فعال و قوال لي غادي يبدلو حياة الكثير
حياة فاقت مع السبعة ديال الصباح دخلات نيشان دوشات و لبسات فلحمام لداخل نيت و بقات فبيتها طلات فالشرحم بانت ليها اللوطو ديالو و قالت بلي غادي يكون فالدار حيت بالليل مني ضرباتها الفيقة طلات من الشرجم مابانتش ليها اللوطو
خوجات للكوزينة بدات توجد الفطور و حطاتو فالطبلة و جلست تتسناهم يجي تا بانت ليها زينب خرجات من البيت و كانت تتشوف فحياة و من بعد دارت للحمام تغسل وجهها
•حياة: الله يستر و الله يدوز هاد الصباح على خيير (كبات اتاي ليها و لزينب و حطات فطبيسلات صغار المسمن و شي حلوة من لي جايو هوما لبارح حطات غا شوية باش يذوقو و بقات هي تتشوف فالباب ديال البيت واش غادي يبان ليها و لا لاا شاعة والو مسمعت لا حس و لا شافت صورة
•حياة: باينة غادي يكون فالجامع ااا و لكن راه ميأذن بكري بزاف و دابا راه الثمنية (هدرات بشوية و ماحات غا فزينب لي خرجات من الحمام و تتشوفيها)
•زينب: هدرتي معاياا ؟؟ و لا حماقيتي(تتمسح وجهها و جلسات تتفطر )
•حياة:لا حماقييت(تبسمات عادي و شوية بان ليهم الباب تحل تلفتو بجوج لجهتو و ماكان غا هو لي دخل و حياة يالاه بدات تتكب ليه لقهوة حيت عارفاه تتعجبو قهوتها و هو يتلفت بشوية )
•غسان: فطرت فالزنقة (شافيها) الله يخلف و يقوي لخير لما كثر (دخل للبيتو هو و زينب و بقات حياة غا تتشوف و زينب تبسمات )
•زينب: اجي نقوليك احبيبة ديالي اا نتي ليوم مامات البيبي لي غادي يتختن  و ضروري خاصك تحني اوا اش قلتي همم ؟؟(بقات حياة تتشوف فهاد الطيبة لي طاحت عليها على غفلة)
•حياة: واخا انشاءلله اوا الحنة راه محَنّة و كتدخل المحنة و لمحبة للدار
•زينب: اوا يا لااة متساليني غا النقاشة على حسابي اوا راني غادي نوض دابا نيت نأكد على العيالات ديال الحومة باش يجيو و نيت نسول غسان ايمتاش غادي تتبدح الذبيحة حيت يالاه يالاه تستقطر و يبدا الطياب لليل او لاا؟؟(هدرت و حياة اومات ليها ب اه و هي عقلها كلو مع غسان و مشات زينب. خلاتها مكملت تا فطورها و بدات تجمع الطبلة)