رشامة الحنة

البارت السابع عشر

➰رشـــــامـــة الـــــحنة 〰️
▪️البارت الــسابع عشر
بقلمي: جيهان مرعشلي 🥇

زينب كانت فالبيت جالسة و تفرج فالتيلي و تتضحك تا شوية سمعات الباب تحل و الحس تاهو كاين تبسمات و ناضت وقفات لقاتهم داخلين بتلاتة متابعين و حياة باينة عليها الفرحة اما هدى فكانت هادية
•حياة: سلام ختي زينب (هدرات و بغات تعنقها و هي تبعد منها زينب و لكن حياة راسها كبير تبسمات و متوقاتش عكس غسان لي شافيها بغضب )
•غسان: حياة سيرو بدلو عليكم و حطي عثمان فبلاصتو و اجيو بجوج انوريكم شيحاجة (هدر و اوماو ليه دخلو بدلو حوايجهم و تيهدرو)
•هدى: هاداك اش جابو لمقاطعة واش مالقا غا ايمتا يجي ؟؟(حياة تتببدل عليها و شافت ليها مبهوضة)
•حياة: ههه. شتك تبدلتي هادا هو لي كنتي تشكري فيه لبارح و الصباح هههه صافي كفرتي عليه هانية تا نتي جا واش بغيتين نجري عليه (هدرات و لبسات بيجامتها  و هدى مابقاتش جاوبات غا ضحكات ضحكة صفرة و طواو حوايجهم و خرجو عندو لقاوه واقف مقابل لزينب لي تتضحك)
•حياة: ها حناا ؟
•غسان: (تبسم) صراحة مكنتش ناوي مي مشيت خديت الضحية لعثمان و انشاءلله نديرو ليه سبوعو بيناتنا و نفرحو بيه انشاءلله (هدر و حياة خرجات عينيها و بدات تتضحك بالفرحة بحال الحمقة )
•حياة: حلللف بالله  (هدرات و بالفرحة شداتو من كتفو و تتنقز و هو غا تيشوف و بعد يديها غا بشوية  اوما ليها اه و دار ليها بيديه للسطاح)
•غسان: راااه الفوق سيري شوفي بعينيك (هدر و ماجا فين يكمل هدرتو بالفرحة شدات يدين هدى و طلعات تتحري فالدروج و هو بقا هكك تبسم و عاد تبعهم بشوية اما هوما سبقووه تا دخلات تعجبات حيت بان ليها حولي مذبوح و معلق و لكن تبسمات و هي دور عندو و هو مازالو طالع فالدروج
•حياة: تباركالله كبير و زويين و ميسحابلياش ذبحتيه بهاد السرعة ههه تباركالله عليك اغسان (هدرات و تتضحك معاه تا طلع تيجري اش تتقول هادي مدخلاتش ليه للدماغ تا طلع و شاف بعينيه الحولي كيتتقطر و مقاد)
•غسان: انا مذبحتووش (شافيها مني شافت فيه بريبة) انا خليتو هنا باش تاتجيو و نتافقو شنو نديررو و نفرحو جميع و لكن (خنزر) صافي صافي (بدا تيتنفس ثقيل و بدا يجري نازل من دوك الدروج و تيغوت بسمية زينب لي تتضحك و لقاها واقفة ليه فالدروج لتحت  و حياة و هدى وقفو حدا غسان لي عينيه ميكيشوفوش قدامو)
•زينب: اووه (شافت فحياة) هه كيجاتك المفاجاة احبيبة بداها غسان و كملتها اناا (هدرات بغضب و عينيها تيخرجوو الشر و هو يهز غسان يديه تااا هزها و جمعها معاها بتصرفييقة تا دارت )
•غسان: ياك هاد اللعب بيناتنا مدخليش فيه لبنات و عثمان عثمان مسيكين اش دار ليك تا ذبحتي ليه الضحية لي كنت ناوي نسبع ليه بيهاا
•زينب:(ثارت فوجهو) حييت انا بغييت حيت لا نتا و لا هي تتسواااو حاجة و بالزربة جات موسخة الخلا بغاات تدور بيك و نتا يا حسرة راجل مزوج و تتعرف بينك و بين الله كيفاش تسمح لراااسك تشوف فشي مراة اخرى اشماااتة(هدرات بغضب و هو يالاه ايعاودها بتصرفيقة خرا و هي تجي قدامها حياة تتغوت و تطلب على قبلها)
•حياة: لا لا عافاااك انا مزاااوگة مسحهاا فياا عافااك لاكانت شي معزة لعثمان فقلبك (نزل يديه بشوية و بقا تيدور حداهم شوية بشوية تا تهدن و دخل للبيت تا خرج لابس فوقية ديالو نزل يوذن و يصلي بالناس دالجامع ,اوا هنا دارت حياة عند زينب)
•حياة: صراحة و الله مافوجهك حيا , كنت نصحابك بعقلك ساعة والله متكساابيه وااش هاد شي كاامل و هاد الريگاطة كاملة دايراها على قبل غساان (خنزرات فيها) اشوفيي هاه راه انا منعقل لا عليك لا على شي حد اخر متسحابينيش دمدومة حيت حتارمتك و سكتت ليك راه نهزك  نطويك على عشرين واا شري عيشك معاياا  انا لاكنتي تقلبي على غسان فغاا تيقيني راك خسرتيه و ماشي حيت كيف قلتي دار عينيه علياا تئ تئ حيت معاملك خايبة معااه (ميقات فيها) منعرف كيفاش تا صبر هاد السنين لي عايشها معاك قسما بالله تا ولا يبقا فياا و سمعلياا نقوليك راه الراجل ابنتي تيحب المعاملة الزينة و النخوة لي فالبنت و ميتيحملش النكدة ديماا و الركزة فوق راسو , تيبغي ديما يكون برا معصب و يجي لدارو يلقا لي يطفي ليه العوافي الگادية فقلبو و هادشي ثيقيني والله غسان مالقاه فييك و لا غيلقاه  (هدرات و دخلات لبيتها هي و هدى و صدو عليهم مخليين زينب غا تتنفض غا بوحدها مارضاااتش مني طرا هادشي ليهااا)

سالا غسان الصلاة و دخل للدار دوش لالخف و بدل عليه و متلفتش لزينب لي حداه و جالسة و هو يخرج للصالون و تيعيط بسميتها
•غسان: حياة حياااااة(بدا تيعيط تا خرجات عندو متبسمة )
•حياة: بغتيني فشي حاجة؟؟
•غسان: يالاه غادي نمشيو للفيرمة و هاد المرة ختاري على ذوقك ضحية ولدك  صافي ااه و شوفي بلاماا تجيبي عثمان معاك خليه مع هدى حيت ايتكرفص معانا و انا ناوي ناخد شي حوايج اخرين للمناسبة و راه اتمشي معانا الجارة بغات تاخد شيحاجة و راه غاديين غاديين نمشيو كاملين  (هدر و ضحك بحالا ميكين والو و هي مقدراتش ترفض حيت شافت الفرحة فعينيه و واخا الفرحة اللولة خسراتها زينب و لكن حياة بغاتو يكمل الفرحة الثانية لدلك بالزربة لبسات و خرجات عندو لقات معاه مرة كبيرة فالعمر و تبسمات و دخلو بجوجهم جلسو  )

طلعو اللوطو و زينب تتشوف من الشرجم تا غابو على عويناتها و جلسات تا شوية بدات تسمع شي تيلي تيصونس لداخل متسوقاتش و لكن شوية شافت هدى خرجت من البيت  و هي تشوفها
•هدى:ااا عثمان ناعس لداخل خفت نفيقو انا انجاوب وانرجع(هدرات و دخلات لواحد الصالة بلدية لداخل و جلسات فالسداري و تتهدر و هنا زينب شدها فضضول خايب حيت لخرى بححات و صغران صوتها اوا لالة زينب تمشات بشوية و بدا تتصنت و ماجا فوذنيها غاا
•هدى: كوني هانية الحاجة رشيدة راه حياة خرجات و انا انجيب ليك ولد ولدك دابااا(هدرات و هنا زينب طاارت بسرعة جبدات تلفونها سجلاتها و رجعات فين جالسة حيت سمعات الحس بلي راجعة اوا هدى دازت من حداها خنزرات فيها و دخلات لبيت)
•زينب: ياااك النمرودة تتلعبي فالصقييل و ملبداهااا اوا لاماوزيتكش راني منتسماش زينب و نيت نشوفو ديك ختناا لي كنتي محابة معاها مني اتعرف بلي تتامري مع عدوزتها ضددها(هدرات بشوية حيت فهمات من خلال هدرتها قبيلة فالتيلي بلي ولد ولدك يعني عدوزة حياة هاادي)