رشامة الحنة

البارت الثالت و عشرين

➰رشـــــامـــة الـــــحنة 〰️
▪️البارت الــثالت و عشرين
بقلمي: جيهان مرعشلي 🥇

غسان لداخل لابس فوقية بيضة حرير  عادية و واقف فالشرجم و التيلي فيديه  و تيقرا شي وراق و كان تيهدر فالتيلي مع المحامي
•زينب:(دخلت عندو و هو بقا شوية و قطع ) معامن كنتي تتهدر؟
•غسان: مع مراد صاحبي المحامي راك تتعرفيه (دار عندها و شافيها) لبارت كنت بايت عندو جيت صباح صليت بالناس الفجر و رجعت عندو قبيلة و تافقت انا وياه على شيحاجة كتخصنا انا وياك
•زينب: كتخصنا انا وياك؟(هدرات و هو يمد ليها الوراق و بدات تتقرا لقاتهم وراق ديال الطلاق) اااه وراق الطلاق هادو ممم وانا تنقول السيد مالو غابر من الليل
•غسان: زينب بلاما تديري ليا فيها راسك ماعارفاش و لا صدمتك بالورقة فوجهك راه ديجا تافقنا لبارح و هدرنا فهادشي
•زينب: و. لكن ماشي بهاد الزربة اغسااان كنا ناويين نبدااو نصلحوو
•غسان: اش غتصلحيي الله يهديك ازينب رااه هادشي داير بحال الزجاج لا طاح ميكيتقاادش و رااه مابغيتش نبداو نوصلو لشي حوايج ماغاديش نخرجو منهم (مد يديه للوراق) مهم سيني ازينب و نساليو هاد اللعب ديال الدراري صغاو و كل واحد يشد طريقو و راه منخليكش انا و نسمح فيك لي بغيتيها مرحبا منتحاسبش معاك غا هو هاد الروينة مابقيتش قادر عليها تهلكت ديال المعقول
•زينب:(تتشوفيه و دورات عينيها للباب و تتفكر فحياة و باينك اتكون هي السباب فهادشي ) ايييه ماقلتي عيب و لكن راه متبدل صاحبك غا بما كرف منو
•غسان: الله يهديك على راسك (مد ليها الستيلو) سيني باش مني يجي مراد انعطيهم ليه (شداتو من عندو و بقات تتشوف )
•زينب: و علاش تافقنا الديور ؟؟
•غسان: زينب راك متتبعييش راسك باش نعطيك اناا و لكن ماغاديش نضيعك راه انخلي ليك الدار لي فيها ساكنين و شي بركة فالبنكة بداي بيها و انا و الحاجة راه انتحولو لدار اخرى و صاافي اش قلتيي (هدر تيوشفيها شنو اتقول تا اومات ليه و سينات الوراق كاملين و عطاتهم ليه)
•زينب: تجمعنا خوت نتفارقو خوت (شافت فيه تيشوف الوراق واش تسيناو هوما هادوك  لقاهم مزيانين و شافيها و عنقها )
•غسان: سمحيليا معمري كنت باغي هادشي يوصل هكا و لكن راه مابقيتيش قادر سمحيلياا (طلق منها و تبسم ليها و فاللخير باس ليها راسها) و لي حتاحيتيها ديالك غا قولي و مرحبا بيك ف اي بلاصة انا ليها راني ماشي ولد الحرام و نكار لخير  راه غادي نبقا ولد خالتك و الحاجة راه هالتك ولا سولات على الطلاق راه انقوليها انا لي بغيت معندك مناش تخافي و لا يلومك شي حد
•زينب: عارفاا لي كايين عاارفااا(هدرات و هو خرج بزربة و طلاقا مع مراد فالخرجة ديال الحومة مد ليه الوراق ديال الطلاق و رجع للدار بقا حياة يالاه خرجت من الكوزينة)

•حياة: غساان (هدرات بشوية و شداتو من كتفو انا هو دار عندها و بقا تيشوف)
•غسان: حيااة شي حاجة؟؟
•حياة: مالك معاياا اغسان من الصباح تا الشوفة متتشوفهاش فياا .(قربت منو) واش علا البارح اا راه والله تا تخلطو عليا العرارم و معرفت باش تبليت و لكن راه (شافت فحنكو و قربات منو و هو يبعد و تيشوفيها) ماكنتش باغا و ناوية ندير مادرت لبارح
•غسان: نسااي عليك هادشي (تبسم) انا نسيت كولشي (هي ضحكت و هو يهدر بينو و بين نفسو) كون كنت شاد فخاطري من جهتك منوضش هادشي على قبلك
•حياة: هاا ؟؟ قلتي شيحاجة مسمعتكش ههه(هدرات بالضحكة مني صفاا خاطرو عليها )
•غسان: ميكين والو نساي عليك يالاه انا انطلع دابا نبدا الدبيحة لبسي عليك شيحاجة خفيفة من داكشي لي شريتي حيت ايكونو شي رجال و جيبي عثمان معاك (تبمساا ليه و مشات طايرة للبيت و هو بقا متبع ليها لعين و ماشافش زينب لي كامت حاضياهم و تتشوف)

•زينب: اااه غسسان انمشي عند العيالات الجارات باش نأكد عليهم يجيو و نشوف هاديك الطيابة لي فالقنب راه عيطت لخالتي و قاليت ليا عادي لي اتطيب و نمشي نعلمهاا (تبسمات ليه و قربات منو و شوية سمعو الدقان حل غسان الباب كانو شي رجال جوج من الدرب باش يشدو معاه الخولي و يتصلخ بالزربة و عاد كاينين شي دراري صغاو راكم عارفين الفرحة بالحولي ديما كولشي تيبغي يشوف)
•غسان: زيدو مرحبااا بييكم (لمح ليهم للسطاح و هوما طلعو و هو يدور عند زينب) يالاه سيري نتي انا انخلي لباب محلول و متعطليش راه شوية و تجي لواليدة
•زينب: ميكون غا خاطرك(تبسمات و خرجات دارت على العيالات وحدة وحدة و قالت ليهم جيو لابسين و مغمغمين فذهبكم راه الليلة نزاهة واتكون النقاشة و لي بغا ينقش راه فابور على حسابها و دازت عند الطيابة لي دارت معاها من هنا ساعة تحي عندها باش تييقم الدجاج و يبدا يطيب و مني يتفصل الحولي تاهو يقدا فطيابو و يستفو داكشي )

و مني كانت راجع للدار بانو ليها الطوابل ديال التريتور تيدخلو تقريبا شي خمسة الطواب و الدراري معاونين و تيقداو فيهم فالصالة و الصالون بقات ساهية فداكشي و من بعد بانت ليها حياة خارجة من البيت و عثمان فييديها و غادا قاصدة الدروج , غسان خدا من عندها البيبي و سبقها و هي تابعاها و معاهم تا زينب من اللور)

غا طلعو عطاها غسان الولد و مشا فك الحبل للحولي لي كولشي عجبو و حماق عليه و شما بسمية عثمان و الضحية كانت ديال سبوعو و دوز عليه تا بدا يتركل و حياة تتبسم و صورهم معاه و كانت الفرحة فعينين الكل من غير زينب لي تتخنزر  و نزلات
•غسان: (شاف فحياة) هه مبروك احياة
•حياة: علينا كاااملين (نزلات هي و خلاتهم تيكملو و ماهي غا شوية تحاماو عليه و تصلخ و خلاو يتسقطر و نزل الدراري دور معاهم غسان واخا مابغاوش يشدو و لكن بقا معاهم تتا خداو و نزل لتحت لقا حياة جالسة تما هي و زينب و عثمان و تا مو لي شافتو ضحكات كانت حالتو تتضحك و فوقيتو بالد.م
•الحاجة: الله يا ولدي مالك على هاد الحالة (شافيها و ضحك تاهو)
•حياة: عاديك غا الفرحة اخالتي ههه (تبسمات تاهي معاه و مشا دخل هو يبدل حوايجو )
•زينب: خالتي واخا نهدر معاك لداخل بوحدناا (هدرات بشوية و ناضو بجوج دخلو للصالون لاخر و مع الطوابل كانو مستفين كانت لبلاصة مزيرة شوية)
•الحاجة: شنوو ماالك ازينب؟(زينب تتشوفيها و هي تعنقها )
•زينب: انا و غسان تنطلقو