رشامة الحنة

البارت الثامن و عشرين

➰رشـــــامـــة الـــــحنة 〰️
▪️البارت الــثامن و عشرين
بقلمي: جيهان مرعشلي 🥇

داز الاسبوع على الكل صعييب من غير زينب لي كانت فرحانة و جالسة فالدار تتاكل و تتشرب و توحم كيبغات و تطيب لي تشهات وًمشات اخر مرة للحومة فكازا تأكدات بلي حياة مشات و دايرا فبالها غدا غادي تتأكد و عرفات كدلك بلي الفقيه مازال ماجا حيت كون جا الفقيه لكازا كون راه فاطمة و غسان جاو للرباط و لقاوها هي هنااا
اما غسان فدازت عليه السيمانة حالتها كان باغي غا شيحاجة تفوج عليه و تنسيه همو و كانت الصلاة الحمدلله تتخرجو من ديك السهوة ديالو و تاهو ماحاولش يقلب عليهاا

حياة بدات فطنجة حياتها حيت ديك التريتور لي كانت خدامة معاها و كرات دويرة على قد الحال و بدات تتخرج تنقش للناس و تتخلي ولدها مع بنت التريتور و مني تسالي تتحسبو ليها تا كتضور مزيان حيت كولشي تيشكر نقيشها و في كل فرحة كانت تتفكر غسان و تبدا تبكي تا تشبع و تسكت و تحمد الله بلي غادي تكمل حياتها لولدها و توهب حياتها لولدها و عمر شي راجل ايدخل لحياتها خست صافي كفرات ديال بصح و مابغاتش تزيد تصدم

نهار جديد على كل واحد فهادو
غسان جالس فالدار هو الحاجة فاطمة تيتغداو غا يجوجهم و عينيهم فالفراغ حيت فعلا بقات بلاصة الكل فهاد الدار غا ديك السيمانة كامت عامرة و مفوجة و دابا ولات كحلة زحلة تا شوية سمعو الدقان ناضت فاطمة تشوف شكون و غسان ناض يعسل يديه
•فاطمة: غسان اجيي اولدييي(هدرات و سدات الباب )
•غسان: شكون الحاااجة(هدر من قلب الكوزينة و هو يجي تيمسح يديه تا شافها قدامو و لاح الفوطة من يديه )
•غسان: زينب ...؟؟؟؟(قرب منها و تيشوفيها مفهمهاش لاش جات ) جلسي مرحباا بيك انا انخرج عندي شيحاجة مندير (هدر و هي توقفو شداتو من يديه)
•غسان: يالاه كنت انعيط ليك على قبل وراق الطلاق خاصنا نعاودو ندفعوهم حيت مراد قاليا بلي فيهم شي غلط و ترفضو من قبل المحكمة مراد الله يهديه كتب الاسم العائلي ديالي غالط و فهاد الحالة تترفض و خاصنا نعاودو وحدين جداد(زينب تبسمات و قالت بلي سيدي ربي واقف معاها)
•زينب: فيها خير اغسان ههه
•غسان:مفهمتش...؟
•زينب: بغيت نهدر معاك(شافيها بمعنى شنو)
•فاطمة:انا انخليكمً و هدروو
•زينب:لاا خليك تا نني اخالتي باش تشهدي على كولشي (هزات الصاك ديالها وجبدات الايكو ديال البيبي و عطاتهم لغسان لي تيشوف مفهمتش و هي تهز ليه يديه و دارتهم على كرشها)
•غسان: ششش شنو ؟؟
•زينب: انا حاملة ااا انا عارفا بلي مينكنش و لكن ربي اغسان ربي كبير (هدرات و بدات تعاود ليه كولشي وًهنا فاطمك بدات تزغرت و عنقات ولدها غسان لي باقي نصدوم و بدا يضحك مني تيشوف فالايكو و حيد يديه من كرش زينب و تيوشف فالصورة و تيتسبم و يعاود)
•فاطمة: كنتي اولدي تتقلب على فرحة هاد السيمانة كانلة اوا. هاهي جاتك اوا متضيعهاش من يديك و عاود كولشي من اللول و خطي خطوة جديدة و نسا عليك الماضي و حياة تاهي (زينب تبنشات بلاما يشوفوها و هي تدير راسها مفاجاة و هدرات)