رشامة الحنة

البارت الحادي عشر

➰رشـــــامـــة الـــــحنة 〰️
▪️البارت الــحادي عشر
بقلمي: جيهان مرعشلي 🥇

كمل غسان ماكلتو و نزل داك البلاطو راسو للكوزينة و حطو ,جلس تما فالكرسي و تيفكر تا جات مو و جلسات فكرسي حداه
•فاطمة:(شدات بديه) ماالك ساهي اش عندك ؟
•غسان: (خسر وجهو لي كان عابس اصلا ) زينب امي معمرها غادي تگاااد رااه طبت و طيباتني معاهاا و راه مابقاش عندي الجهد لي يبقا يتلاح معاها قسما بالله يا ربي غا نعيش هاني فمخي ومانقصني مشاكل براكة عليا غا الستريس ديال الخدمة و هاد الكونجي تاهي زادت كملات لياا وليت نشوف فوجهها ليل و نهار ( غنض عينيه و شد راسو) عييت و مرضت مابغيتش نغلط معاهااا و ..
•فاطمة:(بقات تشوفيه و قاطعاتو) اوا لامكنتوش مفاهمين و بحوجكم هدرو و وصلو لشي حل واخا يكون الطلاق مهم تكونو مرتاحين حيت هادا هو المهم (غسان شافيها بمعنى لا )
•غسان: ماباغيش نضلمها معايا امي و الطلاق بغيتو يجي من عندها حيت انا عمري ندكر ليها الطلاق ماباغيش نقوي راسي عليهااا خليهاا هي لي تقرر انا راجل راه نصبر اما النسا متتصبرش  على الطلاق ضروري متتعثر بقلبها و تقول علاش و خصوصا هي  انا ماباغيش نذي ذنبها و هي بنت ختك

•فاطمة: اه بنت ختي علينا بالربح اولدي و لكن الخطا لاا و صراحة انا سبابكم فهادشي زواج العائلة ديما بعد منو و بعد من دمك ليطليك (تبسمات) ربيتك و عرفت كيف ربيتك كنت عارفاك ماغاديش دير شيحاجة خايبة ليهاا و لا لزواجكم
•غسان: مقصدتش هاكاا انا قصدت الطلاق فقط اما القلب ميتيعلم بيه غا مولانا امي (ناض ) يالاه خليتك فراحة الله انمشي ندوش و نتكا شوية باش نشد الطريق و هي دابا عرفات البنات كاينين تما راه ناغاديش تجلس فخارطها تنشدو الطريق لكازاا و انا ربي لي شاهد. عليا مقللت على وحدة فيهم العفة و لا قللت من قيمة مراتي راه واخا هكك تتبقا فيا و بنت خالتي و منيغيش ليها الشر و المضرة
•فاطمة: اوا الله يدير لي ليها الخير
•غسان: امين. (هدر مشا و خلاها طلع لبيتو مع الفتحة لقاها متكية و التيلي فيديها هز حوايجو و فوطة و دخل يدوش و يلبس تما نيييت و مني خرج تسطح غا على واحد الفوتوي تما و هي مسولاتوش لا علاش و لا كيفاش  و هادشي خلاه يبقا يفكر فمعاملتها معاه )

في كازا ورا المغرب  جالسين على براد اتاي و البغرير و الرغايف الزينين
•حياة: الله  شحال هادي مغلقت هاكا تباركالله عليك اهدى
•هدى: واراه نتي لي تتقوليلي شنو ندير  انا غا كنقيس العبارات حيت مقدرتيش تنوضي (هدرات و ضحكو بجوج و الفقيه تاهو)
•حياة: لاواه لاواه ههه البنة ديال اليد هي كولشي او لا اعمي
•الفقيه:  حياة عندها الحق(هدر بالضحكة فوجهو تا كيسمعو الحس برا الباب طل الفقيه من الشرجم بانت ليه اللوطو ديال غسان و هو يرجع جلس
•هدى: شكون اعمي؟
•الفقيه: هادا غا غسان و مراتو (هدر و حياة كحكحات بشوية و مسحات يديها من العسل ديال البغرير و حدرات عويناتها تا تحل الباب و دخلت زينب عاد غسان فيديه الصاك ديال الحوايج متوسط ديال زينب دخل حطو فواحد البيت عاد دخل سلم عليهم من بعيد و تبسم لحياة و هدى)
•زينب: سلاام البنات (شافت فحياة و هدى ) انا زينب مرات غسان (شدات يدين غسان)
•هدى: انا هدى و هادي لي حدايا حيااة (هدرات مني شافت حياة ساكتة و حادرة راسها)
•زينب: متشرفين اختي (تتقلب بعينيها على البيبي لي سمعات عليه و تسما بعثمان ساعا ملقاتوش حيت حياة كان منعساه و حاطاه فالبيت )