رشامة الحنة

البارت التاسع عشر

➰رشـــــامـــة الـــــحنة 〰️
▪️البارت الــتاسع عشر
بقلمي: جيهان مرعشلي 🥇

داز الوقت شوية حياة خرجات من البيت و جلسات فالصالون تتفرج ولدها ناعس لداخل تا وقفات عليها زينب لابسة و مقادة
•زينب: كيجيتك (هدرات تتعوج حداها اما حياة غمضات عينيها بصبر )
•حياة: جيتي زوينة صاافي (هدرات بشوية تا دخل عليهم غسان مشا نيشان للبيت بدل عليك و قاد الحالة و عاد خرج عندهم لقا زينب تتعوج دور راسو لجهة حياة و تبسم ليها مني لقاها تتشوفيه)
•حياة: خارجين؟(غسان حك راسو و شافيهاا و قال اه)
•غسان: ااه غادي نمشيو نتقداو شيحاجة و نرجعو(جلس تقابل معاها و زينب دخلات لبيت تتقاد الماكياج ) ماشي مابغيناش نديوك معانا و لكن فكرت فيك قلت تقدري تبعي ترتاحي من بعد داكشي لي طراا (شافيها و هو كيقصد حاجة اخرى)  غا انمشيو نتقداو و نرجعو و زينب غا تعاونني حيت منعرفش بزاف فداكشي ديال السبوع(حياة تبسمات ليه و اومات ب واخا و هي فرحانة حيت كيجاهد على سبوع ولدها )
•غسان: و من تماك غادي ندوز عند واحد صاحبي محامي انشوف معاه هادشي ديالك (فرحات و شكراتو اما هو خرج هو و زينب و حياة بقات متبعاهم من الشرجم)

الطريق كلها و الخرجة كلها دوزاتها عليه زينب كحلة زحلة و صابر و واكل معاها الصبر فقلبو شراو لي شراو , و لي خداو تاخد بحالو تاهي و لي لحياة ليها تاهي و دازو عند الهري و العطار خداو گاع داكشي لي كيخص للسبوع للماكلة و باش ينسموها للناس و دازو عند واحد الطريطور كبير هزو من عندو شي لعيبات ديال السبوع و گاع داكشي لي كدير الام ديال التربية و الحنة و داكشي و عاد شراو الحلوة واجدة باش ميلقوو فاش يتشطنو من بعد تا كملو داكشي لي خاصهم و وقف غسان حدا واحد المكتب ديال المحاماة لصاحبو
•غسان:شوفي انا انمشي عند واحد صاحبي نسولو على شيحاجة لحياة و ن..
•زينب: و تتگولها براسك مرفوع (هدرات و هو دور وحهو للشرجم حداه عاد شافيها بقلة حيلة)
•غسان: زينب انا راه لابغيت ندير شيحاجة راه نديرها و تا حد فهاد الدنيا ميشم ليها غرام الريحة وااا خليني مرييق و خادم روحي حيت مني تتفلت ليا راه بربي لا عقلت عليك (خرج و زدح الباب مخليهغ غا تتبحلق)
•زينب: اوا انا انوريك اسي غسان اصلا هاد الماتش خاسران خاسراه اوا نخسروو كااامليين مالاعباش مالاعباش (جبدات تلفونها و تلقات الموسيقى و بدات تتفكر و تضحك تخيط و تفصل )

دخل غسان عند صاحبو لي اتقبلو بالحلاوة و الراحة , شحال هادا متشاوفو
•المحامي: افييين افلااان هههه اغبرتي تاا مابقيناش قشعناك(عنقو و جلسو مقابل بعضهم)
•غسان: اغاا لي تغبر اصحبييي ماطالعاش مع هاد البشر و الحياة لهم ضحك عليها كيما هي ضاحكة علينا كاملين (تبسم فاخر كلامو ) اواا و نتااا كيغادي مع الخدمة مزيان
•المحامي: هانتا تشوف الحمدلله الرزق مدفگ هه
•غسان: اوا هادشي لي بغينااا اصدييقيي هههه (حك نيفو) وااا سمععني دابا و كون معايا بعقلك مهم انلخص ليك البلان على حسابي دابا واحد البنت مزوجة و لا تقول كانت مزوجة و مات ليها راجلها و ولدات ورا المووت ديالو غا دابا شي سيمانة هكك و داباا عدوزتها لاصقاها تدي ليها الولد صحة و لا خاطر اوا شنو المعموول خوك دماغو هاوي فهادشي اش تقول نتااا؟؟(دار يديه فوق فخاضو و تيتسناه يجاوبو )
•المحامي: هادي اصلا باينة حيت الولد تيبقا مع مو هي لي عندها الحضانة و تا الا ماتت و لا طرات ليها شيحاجة و لا تخلات عليه و لا حيداتو ليها المحكمة راه تيمشي لماماها هي يعني ام الام و صافي و هناا تقدر جداه مامات باه الله يرحمو تااخدو الا هاد جوج وصيات ماتو و لا تخلاو على الحضانة يعني معندك مناش تخاف مادام اللم رافضة تعطي الحضانة ميكين لي يحيد ليها ولدهاا(هدر و مع كل كلمة تيخرجها كان غسان تيتبسم )
•غسان: مزياان هادشي لي بغيناا و اصلا لبنت ماشي ديال التكرفيص و تجرجير فالمحاكم معندها جهد تاهي اجي نقولك و اححم (تيبعد شوفتو) الا بغات هاد البنت تتزوج من جديد يمكن ليهاا؟؟
•المحامي: ااه اكيد و لكن تتكمل العدة ديالها يعني اربع شهور و عشر ايام و صاافي ديك ساعة يكمن ليها تكمل بحياتهاا للاحسن و كيف بغاات (غسان اوما ليه وتيفكر )
•غسان: ااه اه مزيان مزيان
•المحامي: (تبسم بضحك) اوا و شكون هاد الاخت لي شفنا الضحكة ديالك بمسبتها
•غسان: تنعرفها (ماحاولش يخبي عليه حيت كيف قلنا غسان من النوع لي معندو ميخسر و ميكبغيش الهدرة بزااف و يبرر للناس من غير الاقلية القليلة) سميتها حياة و وقعولها مشاكل كبيرة و باش منكدبش و نغر راسي بالحاجة الكحلة(شافيه و عيونو منكولين بالضياع) بديت تنحس من جيهتها بشيحاجة(عنيه غرغرو وضحك ) هي ماشي بديت نحس راه هادا شحال مني راتها عيني تنعشق ريحتها مني دوز من حدايا و تنزيد نسكر بصوتها تنعيش فالضلمة مني متنهدرش معاها و لا دوزني بلا تجبد معايا حديث (ضحك مني شاف صاحبو سها فيه و تيسمع ليه) اما زينها ماشافش منو جوج الشعر او الزين او العينين مجبدين كي الشاولين اما بنة يديها مابيد حتا مراة (قاد جلستو و ختم كلامو)
•المحامي: ماشي عيب اا ماشي عيب لواحد يحب و يعشق الا كانت شيحاجة نقية راه كنحسو بيها و مخاصناش نكبتوها لداخل (شافيه كتر) و لكن اصحبي نتا مزوج بزينب واش مفكرتيش مني شفتي هاد البنت ؟؟
•غسان: هادشي انا عارفو اصحبي و عييت منسمع فيه و لكن راه تبعت العقل و ماربحت و ناوي نتبع القلب دابا ,خاصني غا لي يزعمي كنقسم ليه برب العالي منتلفت وراياا بغيت غير لي يقوليا بلي متنغلطش و بلي من خقي تا انا نعيش حياتي حيت مع زينب مشفت غا ليام الكحلة و لسواد

المحامي بقا تيشوفيه و تبسم ليه حيت فعلا مني قالو الحب و العشق تيبدل راه مكدبوش
•المحامي: لي تلقا فيها راحتك ديرها حيت على حسابك نتا ماشي على حساب حياة واحد اخر و مادامك مكتقتل مكتسرق مكتعصي الله راك مكتغلطش (غوبش) و لكن هدر مع زينب و فهمها و تافقو على طلاقكم و ديك ساعة عطيها حقها لي طلبات و كمل نتا حياتك مع لي بغاها داك القلب المحروق عندك هه(ضحك و هو ينوض غسان و عنقو حيت فهلا كانو صحاااب من يامات صغرهم فالحومة)