رشامة الحنة

البارت الخامس عشر

➰رشـــــامـــة الـــــحنة 〰️
▪️البارت الــخامس عشر
بقلمي: جيهان مرعشلي 🥇

حياة و هدى مشاو المقاطعة بكري و دخلو لبلاصة فين كيقيدو الوليدات ديالهم و حياة شادا ولدها بين يديها و االصاك و هدى شوية جاها اتصال بدات تتقفز غا بوحدهااا
•حياة:(تلفتات ليها) مالكي ياك لاباس اويلي ؟
•هدى:( اومات ليها ب لا و تبسمات ) اا لاا لا هادي غا واحد النمرة غالطة من البارح و هي مصدعاني بلاتي انا انخرج برا نجاوب و نصبنو معيور و نجي ههه (هدرات و قلباتها ضحك و خرجات و خلات حياة غا تتشوف)

هدى شافت فالتيلي ديالها بانت ليها سمية ديال رشيدة و لي هي مامات المرحوم  لي هو راجل حياة ,سرطات ريقها و جاوبات
•هدى: الو خالتي
•رشيدة: الوو يخوي ليك الضراس اش هاد قلة الاداب و العرض وليتي تطفي عليا التيلفون فوجهي بغيت غاا نعرفكم فينكم داباا و لين وصلتوو(هدرات و هدى غا تتسمع و ترمش)
•هدى: وااا الحاجة رشيدة راه دابا حنا فالمقاطعة با نقيدو الوليد فالحالة المدنية
•رشيدة: الكبيرة ولا الصغيرة اينا هي (هدرات و هدى نعتات ليها فينا وحدة و هي تتبسم رشيدة) واا عرفتي شنو انا جااياا دابا ندي ولد ولدي منسمحش ليه يعيش مع ديك اللفعة من دار لدار واخا مابغيتيش تكولي ليا فين ساكنين و لكن دابا جيتو برجليكم (هدرات و هدى فعلا مابغاتش تقوليها بلي راهم استقرو فدار الفقيه و كدا حيت مابغاتش تجبد ليهم الصداع مع هاادو )
•هدى: و لكن اخالتي راه ولدها و راه ماغاديش يمكن ليك تديه ليها حيت قانونيا هي المسموحة بالحضانة
•رشيدة: دابا واش انا تنشريك بفلوسي باش تقابليها ليا ولا باش تفتي عليا الراي ديالك
•هدى: هانتي واخا غا صبري نلقا غاشي فجوة دابا مني تبغي تدخل اكيد اتعطيه ليا باش تدخل هي للمكتب و ديك ساعة انا لي غادي نجيب ليك حفيدك هادا وعد مني (هدرات و رشيدة تسمعات ضحكتها)
•رشيدة: انا تشويت فكبدتي و تاهي هاصها تحس ما حسيت بيييه يالاه مني تقتدي الامور عيطي ليا باش نشد الطريق و نجي عندك و ديك ساعة فلوسك كاملة اتاخديها و مضوبلة(هدرات و قطعات ليها فوجهها ,هدى رجعات عند هدى و هي وجهها كلو صفر)
•حياة: اويلي مال الدرية صفرة تيي مالكيي ؟؟(شداتها من وجهها و تتشوف فيهاا)
•هدى: لا لا والوو غا جاني الوجع و ضرني راسي صااافي (هدرات و حياة اومات ليهاا )
•حياة: يالاه راه اندخل دابا انا تسنايني راه بالزربة انخرج (هدرات بزربة و ولدها فيديها و بغات تدخل و هي تقاطعها هدى)
•هدى: اويلي اصاحبتي راه يقدر يبكي ليك لداخل و لا يصدعك اريه ليا و مني تسالي تخرجي و نمشيو اري اري اصحيبتي(هدرات و حياة قالت ليها عندك الحق و مداتو ليها و دخلات هي و من سوء حظ هدى كان البيرو مدرق و لكن غا بالزجاج و كانت مقابلة معاها حياة و مرة مرة تتشوفيها و تتبسم تال ومد لوقيتة حياة انغاميات فالحديث مع داك السيد لي لداخل و كان كيشرح ليها شيحاجة و هي تنوض وقفات هدى و تمشات واحد تلاتة الخطوات باش تزيد فداك الكولوار و تخرج تااا سمعاات حياة هدرات من اللور)
•حياة: افين غاداا نتي ؟؟(هدرات بشوية من وراهاا و هدى خرجات عينيها و هي دور شوية بشوية لقات حياة حداها)
•هدى: اا لا راه كان تيبكي شوية و قلت نتمشا ببه فهاد الكولوار(حياة صدقاتها و هي تاخدو من عندها)
•حياة: اري الولد احببيبتي راه خاصو يشوفو ضروري قالي نجيبو (اومات ليها هدى و دخلات حياة ,اما الاخرى فبقات تتفكر كيفاش اديير دازت واحد خمسة الدقايق و هي تبان ليها حياة خارجة عوتاني لكن مغوبشة و باينة فيها معصبة ديال بصح)
•هدى: ماالك اويلي؟؟ عاد كنتي فرحانة باش تقيديه
•حياة: مكنتش عارفا بلي خاصني شهادة الوفاة ديال الاب باش يتقيد حيت واخا دايرين الحالة المدنية فاش تزوجنا و لكن خاصني شهادة الوفاة و الورقة لي تنقلب عليها معنديش رااه عندهم هووما عند ديك مو و عائلتو و ماغاديش تبغي تعطيها ليااا انااا لي تنعرفهااااا (هدرات و بدات تبكي بشوية تااا هدى هدرات بزربة)
•هدى: انااا نجيبببها ليك احبيبة ااا
•حياة: كيفاش ؟ و كيغادي ديري ليهااا
•هدى: هي تثيق بيا و ماشافتنيش فاش هربت انا وياك ااا زعما انمشي و انجلس عادي انقوليهم بلي تنسول عليك و اندخل نقلب غا نتي قوليليا فين تتحط وراقيها انجيبها و نجي
•حياة: لا لاا احبيبة تقدر تطرا ليك شيحاجة انا منسحمش لرااسي (هدرات و هدى بدات تتمحلس عليهاا)
•هدى: اويلي و انا الا موقفتش مع صحيبتي و ختي فهاد المحنة فوقاش انوقف هااا ؟؟ هانتي انمشي انشوف كيندير و انجيبها ليك هانتي شوفي بقاي هنا و انا نصف ساعة انمشيو عندهم و انجي و دعي معايا نلقاهاا اجي فين تتخبي هي داكشي
•حياة:واخا على خاطرك ااه اا (تتفكر) شوفي هانتي راه البيت دالي انا و المرحوم كان تما واخد المكتب راه هي ديما تتحط فيه وراقييه مني ماات و مؤخرا كانت جدداتها هي و شي وراق و حطاتهم تما صافي غادي دخلي واتلقايها تما هزيها و خرجي متلفتيشش
•هدى: ااه صافي كووني هااانية احبيبة دياالي (عنقاتهاا و باستها و مشات خرجااات تتجري اما حياة فتبمسات مني ربي عطاها بحال هاد الصديقة )