رشامة الحنة

البارت العشرين

➰رشـــــامـــة الـــــحنة 〰️
▪️البارت الــعشرين
بقلمي: جيهان مرعشلي 🥇

•غسان: جيت على حاجة هه شوف فاش صدقت الباصي انحرقو ورايا و نضوي بيه لي جاي (وصلو للباب و باقين تيهدرو) داكشي لي اندير عييت مندير بجساب الناس و انا كشون يديرو ليااا
•المحامي: داكشي لي كنت نحاول نقوليك انا مني كنتي اتزوج بزينب كنت تنقوليك متفرضهاش على راسك و هانتا وصلتي لهدرتي راه تيقني المعقول و الزواج حاجة و القلب مني تيبغي حاجة خراا مكتبقا تهمك تاحاجة من غير راحتك نتا و هي ( ضحك ) اواا يالاه سير و جرب اش قلت لكي و انشاءلله يكون لخير و لكن تعرض علياا نعرسوو معاااك هه و نشطوو
•غسان:(تنهد) اوا مكرهناااش و لكن لي تمنى يتسنى يالاه نخليك نهدرو و نتقاشعو من بعد(خرج غسان من عندو و نو مفاجي على راسو و مطلوق تا وصل للوطو طلع تتبان ليه زينب جالسة و هانية
•زينب:على سلامتك (شافت فيه) شتك تعطلتي هادشي كلو غا تسوال و استشارة؟
•غسان: كنت نتوي نأجل و لا عرفتي زيدي  زيدي انمشيو جهة البحر و نهدروو ليوم نيييت قبل منشمي للدار و يوصل وقيتة الصلاة(كسيرا لجهة البحر و نزل دار حل ليها الباب تا نزلات تتخنزر فيه و ماحاملاهش و هو يوقف قدامها و دوك النسيمات تيضربو فيهم قلال )
•زينب: اش عندك متقول ؟؟
•غسان: مابقيتش قادر نكمل (هدر و شافيها دار جنب كتفو تاا هي دوراتو بيديها )
•زينب: شنو لي مابقيتيش قادر تكمل(بقات تتفكر تا تبسمات و كملات الضحكة) هههه ااه قول ديك النقاشة ديال حياة اوا مزيان بعدا مني عرفتي راسك معامن تتخلي الذهب و تمشي للنحاس , خليتي مراتتك و كنتي غادي فالهاوية اوا الحمدلله مني رجعتي لطريقك حيت هادي متلتلهلك لاهي و لا داك الولد (هدرات تتضحك و يديها على كتفو تا هو بقا ساكت و حيد ليها يديها)
•غسان: مابقيتش قادر نكمل معاك نتي اما حياة ماشفت منها غا لخير هاد الساعة و اما بالنسبة لواش ذهب ولا نحاس , الحديد حسن ليا من الصدا (زينب بقات غا تتشوفيه و بدات تتخنزر)
•زينب: ههه تتضحك واقلة ماشي اغسان غا سكتت ليك غادي تطلع لياا فوق راسي
•غسان: مابقيتش قادر نعيش معاك ازينب لا تعاملك زين و لا هدرتك زينة تاحاجة متنلقاها فيك وليت نبغي نهرب منك مابقيتش مرتاح راه لا كنت تنقوليك شيحاجة زوينة راه تنافق و انا راه مابقيتش لاعب نتي عارفاني معزيزش عليا الكدوب و التنافيق و متبقيتش قادر نكذب فوجهك  (طلع يديه ليها بمعنى استسلام)
•زينب: على قبلهاا يااك ؟؟(غوتات) هدرررر جاوبني وااش على قبلههاا
•غسان: شوفي ازينب انا ماشي انكدب و نقوليك لا و لكن انا متمنى الله يكتبها لياا مراة و مكنكرش هادشي و لكن انا قبل منشوفها و لا تجي كااع كنت تنفكر فهادشي حيت عييت و واحد فينا غادي يحماق و بلا شك اناا خيت نتي منسوقاش و انا باقي طامع فعمري و مي معندي لمن نخليها لامكنتش معاها انا و حداها
•زينب:(طلقات ملامحها و حابسة راسها) يعني انطلقوو ؟؟
•غسان: ااه حيت هادشي حسن ليك و لياا حتا اناا تاواحد فينا مامرتاح فهاد الزواج ادا لاش انكملوه
•حياة: اهههم دابا عاد ولا زواج  شحال هادي شنو كان مهم اندير راسي غادي نفكر واخا هادشي صعيب عليااا
•غسان: زينب بغيت نحلو هادشي كناس بعقلهم ماشي تبرهيش و شوفي راه ماغادي ضيعي فحتاحاجة لي بغيتيها ديالك عارفاني حاجتي ماشي ديالي و منعزهاش فيك راه واخا هكك عشت معاك مدة و ميكينشا العشرة غا ولل الحرام و راك بنت خالتي منبغيش لي يقلل منم واخا هكك ولكن الخير فجهة و هادشي فجهة اخرى اش قلتي (هدر و هي بعدات منو عاطياه بالضهر تتفكر تا و شوية دارت عندو بشوية و تبسمات و تحت ديك الابتسامة بزاااف)
•زينب: وااخاا (شافت فيه) ادا بغيتي نطلقو واخا موافقة و لكن غادي تكتب ليا الدار لي فطنجة و حتا لي فمراكش انا مابقا عندي جهد الخدمة و نبقا نتلاوح هنا و لهيه انبيع وحدة و انسكن وحدة(هدرات تتشوفيه اما هو عينيه حبشو فبلاصتهم و هي عارفاه دوك جوج ديور ديال باه الله يرحمو و غسان تلاح تا تلاح بالمصاريف و صعبات عليه الوقت و لكن معمرو فكر انه يبيعهم و دابا هادي تتقوليه يعطيهم لهاا)
•غسان: واش ضاحكة و لا تتفلاي ؟
•زينب: جوح ديور انسيني ميكينينش تا التوقيع ميكينش (دخلات اللوطو مني كملات هدرتها و خلاتو تياكل راسوو من الجدر على هاد الخطية تا دخل تابعها و ديمارا و قاليها)
•غسان: انفكر و مور السبوع مني يدوز بيخير وعلى خير غادي نقوليك شنو المعمول و هادشي ميتجبدش مع شي حد اخو بيناتنا و لا نساي الديور و كولشي و ديك الساعة غادي تطلقي بزز منك لدلك خليني مكالمي وعارفاني نديرها حيت لاساقت الحاجة لحبار اتوصل للسبيطار حيت تأزمت ديال المعقول و عمري فكرت نفرط فدوك جوج ديور ديال الحاج الله يرحمو (هدر و كسيرا لجهة دار الفقيه حيت قربات وقية الصلاة اما زينب غا تتشوف حيت عارفاه يديرها و يطلقها هو بمصاريفو و متصور منو تحاجة )