رشامة الحنة

البارت السادس و عشرين

➰رشـــــامـــة الـــــحنة 〰️
▪️البارت الــسادس و عشرين
بقلمي: جيهان مرعشلي 🥇

العيالات رجعو للنزاهة و السبوع بداا و الدبيحة طابت و تحطات على طوابل و النسا بدات تزغرت و حياة حمرو ليها وجهها تا جلسات معاهم و بداو فالغنا و الرقص على رجليهم
•الزيانة: بنتي حياة طلبي شيحاجة خاطرك فيها و تبغيها تتحقق تيقوليك سبحان الله المراة النافسة و مع فكاكتها فالولادة ربي ميكيخيبش ليهاا لا دعات من قلبها اوا ديري ابنتي يدك على قلبك و طلبي الله لعلها تكون ساعة استجابة(هدرات بشوية و حياة تبسمات تا جات فخاطرها وحدة و فبالها و هي تطلب و ترجا الله بلاما تخلي شي حد يسمعها و تبسمات ليهم )
•حياة: شكرااا ليكم بزاااف والله منقدرش نواسيكم فخيركم و لا نرحع ليكم شوية من هادشي (هدرات و بدات تبكي و ولدها بين يديها تا بداو يزغرتو  و جلسو عوتاني على اتاي و التعاويييد ديال العيالات)
•المراة١: حاجة فاطمة فينهي كنتك زينب مابقاتش بانت من قبيلا فاش خرجنااا ياكما شيحاجة(هدرات بشوية و بداو شي عيالات تيتغامزو و حياة توترات و بدات تنزل راسها)
•فاطمة: ااا لا لاا راها فالبيت غا عيانة شوية و صافي راكم عارفين الشغل و العوين اوااا و صافي(هدرات و شربات من كاس ديالها و كملو امسيتهم على خير )

دازت النهار و زينب وصلات للرباط لدار لي كانت فيها هي و غسان و فاطمة حيت عندها الساروت و مع العشية مابغاتش تمشي لدارهم تيخرجو وراق الطلاق و تمشي تشوف
•زينب:(تقابلات مع المراية و تتشوف فراسها ) انا معمري اغسان بغيت نخسرك واخا زواجنا كان غا بزز مننا فالاول و لكن ديك المحنة لي فيك و هدرتك هي لي خلاتني نطيح ليك و لكن مع المدة بديت تنحس بالبرودة فعلاقتنا و مني جات هاد حياة لحياتناا تخربقات كتر من اللول و راه تا مراة متتبغي لي يشوفليها فحلالها و لا راجلها و هادشي لي درت ليها انا قليل فحقها و لا رجع لوقت نديرو غادي نعاودو و نعاود نعاودو و منادماش(تمشات لبيتهم و هي باقا تتهدر بوحدها) نتا اغسان انا بوحدي لي تنعرفك و نتا غا الولاد لي كانو مطيرين عليك العيشة معايا انا اما راك متشوف فحتا وحدة و حياة حيت لقيتي فيها عثمان و نتا جاتك مزيانة انااا اه كنعتارف انني مكاملاش و مقدرتش نعطيك بزاف الحوايج و لكن ماشي بيدي تا انا ماشي بيدي الا مان عندي مشكل ديال الولادة (تكات فسريرهم و بقات شوية تتشوف فالسقف تاا شوية ناضت طافجة و شدات حلقها و بغات ترد ...مشات تتحري الحمام لي عندهم و بدات ترض و تعاود تا سالات مسحات وجهها و فمها و خرجت )

•زينب: اويلي يا ربي ااا واقلة الاعصاب بداو يرجعو ليااا للمعدة تففووو كترة التفكير (هزات يديها للسما) سيري يا حياة كيما بغيتي تفرقيني على راجلي بغيتك عمرك تتهناي (شوية رجعات تكاا تا ناضت عوتاني مشات تترض و كرشها تتضرها و رجعات جلسات فوق الارض تتنهج)
•زينب: لا اويلي انمشي للطبيب دابا ماحد باقي الشعا باش متطرنيش بالليل و ناخد البراة لي موالفا(هزات صاكها و سوارت الدار وخرجات تتجري شدات طاكسي لي ماحطها غا قدام الكلينيك حمدلت الله ملي لقاتو خاوي و ماعليهش الزحام )
•زينب: سالام عافاك بغيت شي طبيبة ديال المعدة دابا اا تيشد عليا الحال لابقيت هكااا(هدرات مع لي لتحت و هي تبسم لهيا و عطاتها ورقة و مشات معاها لواحد الغرفة فيها طبيبة نسائية و خرجات)
•الطبيبة: سلام الالة (وقفات و سلمات عليها) تفضلييي
•زينب:سلام دكتورة ااا ربي يخلييك (تبسمات) المعدة عندي تتنوض ليا من شوية لشوية و لكن ليوم بزااف و دارت ليا حاشاك تا الرضة
•دكتورة:(ناضت و مشات للبلاصة فين تدوز للمرضى) اجي معاياا هناااا(زينب مشات معاها تكات فوق الباياص و عرات ليها كرشها و تتهدر معاها) مولفة تتاخدي غا الدوا و لا تتاخدي البرا ؟؟
•زينب: كنت فالاول غا دوا و مرة مرة تناهد البرا مي هادي مدة ديال ست اشهر حبستهاا (شافت فيها الطبيبة)
•دكتورة: علاش حبستيها (همهمات) كنضن هي لي دارت ليك هاد الاعرض مهم نتاكدو)
•زينب:(حشمات و مرگات) حيت كنت باغا نولد و كنت تناخد شي مكملات و فيتامينات لكن حبستهم مؤخرا حيت صافي منق...(يالاه اتكمل تا الطبيبة تتدوز عليها الايكو على كرشها و هي تتبسم)
•دكتورة: مبروك عليك الالة راكي حاملة (تتشوف ) و فالشهر الثاني (تتاكد) اااه فشهرك الثاني ههه فرحت ليك
•زينب:(تخلعات ) لا لا لا ادكتورة راكي غالطة انا مكنولدش
•دكتورة:شنو دابا انا تنكدب (دورات ليها التلفازة و مسعات ليها الصوت ديال النبضات) هانتي تأكدي بنفسك(زينب بقات غا تتشوف )
•زينب: و لكن ااا انا تتجين لاغيگل كل شهر كيفاش هادشي ممكن و انا زيد عليها متنولدش
•دكتورة:(عطاتها تتمسح الجيل و عاوناتها تا وقات و مشاو للبيرو) شوفي احبيبة ديالي راه ممكن نتي يكون كان عندك الرحم متضرر شوية و صعيب عليك انك تهزي بيبي و لكن دابا قلتيليا بلي مدة طويلة كنتي متبعة الفيتامينات ديال الحما ادا ممكن تكون الرحم ديالك كيتعالج شوية بشوية و بالنسبة للدورة الشهرية فراه كاينين نساء واخا بنسبة قليلة و هوما قلال مس كاين لي واخا تيحملو تتحسهم فالاشهر الاولى الدورة الشهرية ادا معندك مناش تخافي انا انعطيك فيتامينات باش الرحم ديال يتقوى و يصبر و غادي تبقاي تجي عندي كل شهر باش نشوف الاوضاع ديالك و ديال الجنين (كتبات ليه شي ادوية) و خاصك ترتاحي و راجلك تاهو يرد ليك البال و انشاءلله كولشي ايويلي مزيان بالعوين ديال الله اول حاجة و بديالك

زينب خرجات من عندها فرحانة مشات للدار و هي غادا طير بالفرحة تا جا وسط بالها الطلاق و وراقيه لي سينات
•زينب: الفرحة ماغاديش تكمل احبيبي (شدات كرشها) حنا تنطلقو و فات الفوت(تكات شوية و بدات تتبسم تا غوبشات) و لكن نقدر نهدر مع حياة حيت هي لي جاي. منها المشكيل و هي لي طاري هاد الصداع بمسبتها نقدر الا هدرت معاها و جبرتها تبعد غادي تفهم و هي تاهي ام كنضن اتفهمني (هدرات بشوية تا غفات بلاما تحس)

الليل دايز فالدار عند غسان و حياة  و فاطمة كلو فرحة و ضحك تاا تيتسمع ضحكتكم لفين و فين  وحياة شوية بدات تفكر فزينب و عينيها غرغرو غا لبارح و الصباح كانت معاهم و هاهي داباا قربات تاخد بلاصتها
•فاطمة: بنتي حياة مالك(حياة فاقت من شرودها)
•زينب: هااا لا لا اخالتي والو غا عييت ههه انوض ننعس واقلة (هزات عثمان من عند غسان و طلبات منهم السماحة و مشات للبيت بدلات عليها جلسات فالسرير تتنعس ولدها تا غفات و هو فجنبها معنقاه)
و هكا دازت الليلة بليلة جديددة و غادي تبدل معاها شلاا حوايج بحال نهارها