رشامة الحنة

البارت السابع و عشرين

➰رشـــــامـــة الـــــحنة 〰️
▪️البارت الــسابع و عشرين
بقلمي: جيهان مرعشلي 🥇

صباح جديد زينب لبسات جليليبة و فطرات مزيان على قبل لي فكرشها و الصباح كلو و هي تتهدر معاه و تشد فبطنها تا قرات القران و خرجات باش تشد التران للكازااا و فعلا داكشي لي كان ماهي الا جوج سوايع وصلات و بقات تتسنى قدام الباب تا يبان ليها غسان خارج للجامع و شوية تا ماماه تبعاتو و دخلات للجامع النسا تصلي و تبسمات زينب و مشات بشوية للباب و دقات لقات حياة لي حلات عليها و كانت تتبسم و فرحات مني شافتها
•حياة:ختي زينب ااا فرحتيني مني شفتكم والله(هدرات و بغات تعنقها تا دفعاتها زينب و دخلات و دخلاتها معاها و سدو الباب)
•زينب:عندك الوجه لهاد الهدرة (بقات تتشوف فحياة لي نزلات راسها) شوفي احياة انا مراة و نتي مراة و انا متاكدة كون كنتي فبلاصتي و مزوجة مكنتي اتبغي تا وحدة دخلها راحلك و تهلا ليها و فولدها غا بالخير تجي  و تدي ليك راجلك و ضحكتك و فرحة دارك و تخرب عشة زواجك
•حياة: و لكن ان...
•زينب :(غوتت: خليني نكمممممل خلينيييي (غوتات و سكتت شوية هزات يدين حياة و دارتهم فوق كرشها) انا حاملة احياة حاااملة و هاد الفرحة حياتي كلها و انا تنتسناها انا و غسان و تيقيني مابغيتش نخسرها لا هي لا راجلي (حياة تبسمات و ضحكات تا بانو سنيناتها و هي تغمض عينيها و تفكرات الدعوة لي دعات لبارح من قلبها لزينب واخا داكشي لي دارت ليها)
•حياة: والله تا فرحت ليك ازينب ختي
•زينب: و لكن فرحتك هي تعاستي احياة(شافت ليها كتر) انا بغيت نولد و لكن بغيت تا راجلي فجنبي بغيت باات ولدي فجنبي و ماحدك نتي هنا ماغاديش نحقق هادشي (حياة حيدات يديها و بقات تتشوف )
•حياة:(عينيها غرغرو) شنو المطلوب مني انا اا راه واخا نقوليه يخليني ازينب هو ميبغيش
•زينب: و لكن الاا مشيتي ماغاديش يقلب عليك راجلي و انا تنعرفو
•حياة: ماغاديش يتييق ازييننننب
•زينب: غسان تنعرفوو مزيااااان قوليليه اي حاجة اا قوليلي ضحكتي عليه و اسغاليتيه باش تبقاي فالدار قوليليه شيحاجة مهم راجلي بغيتوو (شدات يديها و بدات تبكي) اهئ اهئ راااجلي احيااااة
•حياة:(شداتها من يديها و اومات ليها) ااا غا بشوية عليك اختي زينب نتي حاملة و الغوات منزيانش ليك (شافت فيها بجدية) انا غادي نمشي ليوم و انخلي كازا كاملة بلي فيها ورايا و ااا سمحيليا علا هادشي كامل لي طرا بمسبتي و لكن و ربي شاهد عليا معمري درت شي حاجة ماشي هي هاديك مع راجلك (هدرات ورسالات جلسات فالسداري و تتبكي تا شافت فيها زينب و اومات ليها و خرجات من الدار قبل ميجيو و فعلا ماشافها حد )

حياة دخلات للبيت و ببدات تتحمع حويجاتها لي كانو قلال و معدودين على رؤوس الاصابببع و هي تتبكي قالت
•حياة: ااه زينب غالطة و لكن انا غالطة كتر و ه
خاصني ندفع الثمن حيت شفت فراجل مزوج و لكن ربي لي شاهد عليا عمري دوت الخاجة الخايبة (جمعات حوايحها و بدات تشهق هزات ورقة و كتبات فيها حاجة مقنعة لي تخلي غسان ميتبعش طريقها ابدا و الرسالة كانت::: غسان انا غادي نمشي و نخليكم كاملين سمحيلا حيت انقوليك هادشي و لكن انا غا درتك طريق باش تحن فيا و ميخرجونيش برا الدار و صافي دابا عندي الفلوس لي عطاني الفقيه غادي يكفيوني باش نمشي لدار راجلي و راني قررت بلي غادي نتزوج لوسي هو اقرب ليا و اقرب لوللي لهم عمو و لا البراني اما نتا ممجربش الكبدة من قبل و طال الزمان و لا قصار غادي تعتايرو غا ولد مرتك و ولادك هوما لي كانو ايكونو مني و لكن انا مابغيتش معاك نتا :::

حياة فأخر هاد الرسالة كانت تتبكي الدم و لكن كان خاصها تقيسو فشي حاجة باش نفسو متخليهش يجي و يقلب عليها و حطات ديك الورقة فوق السرير و باينة باش غا يدخلو يقلبو يشوفوها و هزات ولدها بالخف حيت سمعات الصلاة بدات و هي تنوض تتحري ركبات ولدها هزات الصاك و الفلوس فيديها و خرجات تتجري غا فاتت الحومة شدات طاكسي باش ميشوفها حد و لا يسول عليها شي حد و شدات طريقها للمحطة وقفات تتشوف اينا مدينة اتبدا ليها حياتها مكانش فبالها بلي اتمشي و تبداها من طنجة و اختارت البعد باش تاحد مقلب ليها و غادي تنشي تما و تخدم و تتعرف شي بنات كانت خدمات ليهم النقش و كانت وحدة ليهم عنذها التريتور و كانت خذامة معاها تما و بلا شك غادي تدير عليها الييدين و الرجلين باش تشدهاا

غسان غا رجع للدار هو الحاجة فاطمة بداو تيعطيو لحياة و لكن تاحد ماحاوبهم حلو الباب ديال البيت مالقاو حد
•غسان: فين مشات ؟؟(دار عند مو) شوي الحاجة فالحمام لاتكون فيه و لا الطواليط(مشات هي تتشوف مالقات خد و هي ترحع عندو )
•فاطمة: ميكيناش اولدي (دخلو بجوج للبيت تيقلبو تا. لمح الورقة لي هزها و بدا يقراهاا و تيتصدم مع كل حرف و لكن لي صدمو كتر هي عايراتو بلي معمرو سمع كلمة بابا من قبل و ني عارفاه بلي كيولد و الديفو من زينب و كيفاش قدرات تعايرو هكا تا عينيه ولاو حووومر  خصوصا مني طكرت بلي غادي تتزوج لوسها  و يلاه جات فاطمة تاخد الورقة باش تقراها و هو يقطعها)
•فاطمة: مالها اولدي ياكً لاباس
•غسان: حياة مشات و مابقاتش اترجع هناا ابدا هي ختارت حياة جديدة بعيد علينا و قريب للوسها و عائلة راجلها(خرج من البيت) اخر مرة باقي يتذكر سميتها فهاد الدار (مشا جلس و بقا تيحرك رجليه بسرعة تا ناض تيجري خرج من الدار  طلع اللوطو و كسيرا جهة البحر ماحبس تا تقابل معاه و نزل و بذاا تيوشف تا بداااا يعرعر و يغوووووت
•غسان: حيااااااااااااااااااااااة(بدا يغوت غا بسميتها حيت متسرطاتش ليها شمتتها فيه و بقا تنزل الارض و جالس تيفكر)