رشامة الحنة

البارت الثامن عشر

➰رشـــــامـــة الـــــحنة 〰️
▪️البارت الــثامن عشر
بقلمي: جيهان مرعشلي 🥇

غسان و حياة فالطريق و غاديين مرة و هي غاا تتضحك بالفرحة , وصلو للفيرمة لي جا ليها اول مرة مرة فالصباح نزلو تيشوفو و تيتخيرو
•حياة: هادشي زوين تباركالله (هدرات و تتقيس فالحوالة و تشوف فعسان لي حاضيها تا نيشات على واحد و عجبهها بزاااف)
•غسان: هادااا ؟؟ ناخدووه
•حياة: انا عجبني ههه و لكن شوف نتا لي بان ليك (هدرات بالحشمة شوية حيت عيقات عليه و هو يعيط للمول الفيرمة و قاليه بلي بغا هادا ,عطاه الثمن المناسب و خلصو غسان فالبلاصة و حطوه اللور فالكوفر ديال اللوطو و زادو للمدينة لوسط
•حياة: فين غاديين ؟؟
•غسان: اندوزو لواحد البلاصة تيبيعو فيها الحوايج بلدية حيت غادي يخص عثمان شي جبادور زوينة على قدو و تا نتيي(شافيها) اكيد ماغاديش تبقاي دوري بجلابتك (اومات ليه و خلاتو على خاطرو و ماقصدو غا واحد المحال كبيييير و بدا تيشوفو و شراو لي شراااو و تغداو براا و غسان بغا يرجع بالزربة باش يمشي حيت قرب عليهم العصر و نيت حياة عيات شوية و المراة لي معاهم تاهي شرات داكشي لي خاصها و شكرات غسان حيت غينما تبغي تبعد لشي بلاصة تيديها )

زينب جالسة تا بانت ليها شوية هدى خرجات من البيت لابسة و هازا صاك صغيور و فيديها الاخرى عثمان
•زينب:(وقفات زينب و شافت فيها) فين غادااا ؟؟
•هدى: متنسولكش متسولينيش و زايدون غادا غا هنا قنطت و بغيت نخرج شوية و اكيد ماغاديش نخلي عثمان معاك هنا بوحدو
•زينب: و لكن الدري مازال تا ماربعن فين غادا بيه تاضوري (هدرات و هدى بغات تخرج و هي تحبسها زينب و طيرات ليها الدري من يديها)
•زينب: غادي تحطي الدري و تنسااي عليك هاد الدار و لا كنقسم ليك انملخك هناا نييت و نوريك الشفرة كيدايرا راني سمعتك تتهدري مع شيوحدة سميتها رشيدة و باغا دي ليها عثمان (هدرات شادا البيبي فيديها و كارزا عليه اما هدى فشلات و بدات تفتف)
•هدى: (بغات تاخدو ليها) عافاك اختي زينب اري اري ليا الولد و خرجي نتي من هاد السوق ياك باغا حياة تخرج من حياتكم نتي و غسان اوا هادي هي الفرصة راه مني غادي تسيق الخبار ولدها عند جداه و جدو و عمامو راه غادي تبعو و غادي تتزوج بخو المرحوم اري عافاك اختي خليني تا انا نمشي بحالي (هدرات و زينب هنا دخلات معاها البرودة و على شوية كانت غادي تعطيه ليها تا خنزرات و شدات الدري كتر من اللول)
•زينب: ديك ساعة متجي فين تهربي نتي انا غادي نوقع فمشكيل و ميغادي يسمح ليا لا غسان و لا ديك حياة و ماباغا نتحرجر فالحباسات على خر يامي (خنزرات) شوفي انقوليك جوج كلمات اتجمعي قشك و اتخرجي دابا نيييت و لا انعيط للبوليس انقوليهم كولشي حيت مسجلاك فاش كنتي تهدري يالاااه براااااااا
•هدى: واخا ااه و قولي لحياة راه ناوييين يدعيوك فالمحكمة و يديو ليك الولد قوليها جري على راسسسك ماحد كاين الوقت (هدى بدااات تبكي و خرجات حيت معندها تا حيلة و دابا يالاه تهرب من مازا باش متقفلش عليها رشيدة و العائلة خيت لاساقو ليها الخباااار غادي يقبروها)
بقات زينب شادا عثمان و شو حطاتو و بدات تخنزر فيه
•زينب: هادشي درتو على قبلي ماشي على قبلك نتا و مك يخخخ گنس قصييف وجهك يا ربي ماشي وجه درايت صغاو يخخخخ كرهتيني بالبراهش  (بدات تلعب فالتيلي و الولد حداها حاطاه فوق السداري تيغوت متسوقتش ليه تا ورا ديك نصف ساعة دخلو عليها غسان و حياة لي حاملين و محملين بالبلاستيكات حطهم مع حياة عااد مشاا رجع خرج جاب الحولي و دااه للسطاح من الجهة الاخرى باش ميشوفش الضحية لي مذبوحة لي اكيد تاهوما تيحسو و عاد نزل لتخت لقا حياة هزات عثمان تتضحك معاه عاد سولتت)
•حياة: فين هدى ؟؟ واش خرجات و خلات عثمان معاك؟؟

•زينب:(بدات تضحك باستهزاء و وراتها الفيديو لي طلقات ليها و حياة خرجات  عينيها بصدمة و وحلات ليها هدرتها فحلقها) كنت عارفاك ماغاديش تيقيني الا قلتها ليك عليها سجلتها و هاد صحيبتك راه حصلتها باغا تهرب الولد جاب ربي حيدتو ليها من يديها و راها هرباات مشااات (هدرات و حياة بدات تتبكي بحر جهدها فوق السداري و تتبكي و تشوف فولدها اما غسان فتيشوف فيها حيت فعلا كان حاس بلي هدى ماصافياش لكن ماشي لهاد الدرجة)
•حياة: اهئ اهئ وانا تنقول مع راسي كيفاش جابت ليا الورقة لي حتاجيت و قوليا هي من اللول جات معايا هنا غا باش نولد و تدي ليااا الولد عندهم و انا نتبعها و نتزوج بداك ولد رشيدة اهئ الله يا ربي اش هادشي ولييت تنحطط فييه يا ربي را عييت من هادشي وليت باغا غا عيشة مستورة و مزيانة مع ولدي (ناضت تتبكي و بغات تدخل للبيتها تا وقفاتها زينب بهدرتها)
•زينب: مني كانت غادا قالت ليك بلي راه غادي تدعيك رشيدة فالمحكمة على قبل الحضانة(هدرات و حياة عينيها ذبالو و شافت فغسان)
•غسان: معندها مادير ليك حيت الحضانة اللولى ديما تتكون الام و من وراها الام ديال الام دونك غا رتاخي معندها مادير ليك هادي راح قانونيا و ماغاديش تقدر تدعييك غا تهناااي (هدر و هي اومات ليه و شكراتو واخا غا طمنها مي حيد عليها الثقل شوية و دخلات هي ترتاح و هز ليها غسان الميكات ديالها و خرح سد عليها الباب و دار عند زينب لي تتشوفيه و هو يتبسم ليهاا
•غسان: برافوو ليك ازينب حيت مخليتيهاش تدي الولد ( تبسم ليها و هي تبسمات و عنقاااتو انا هو مادار والو حدو قاليهاا) ماديش عليا على الصباح معمري كنت نفكر نهز يدي عليك و لكن غلطتي مني قلتي هكك ميكيعجبنيش نغوت عليك و لا نمد يدي عليك و لكن صباح درتي حاجة خايبة و هاداك را غا ملائكة و زيدي عليها يتيم و توصينا على اليتيم باش نتهلاو فيه
•زينب: تا انا علطت مهم (تبسمات) ننساو كولشي دابااا نساا صافي(هدرات و زادت عنقاتو اما هو ماحاوبهااش حدو تيشوف فالباب دالبيت ديال حياة و تيتفكر الصباح لي دوزو مجموعين )

طلق منها و دخل بدل عليه بفوقية جديدة و دار شاف فزينب
•غسان: انا غادي نخرج نوذن و نصلي راه حنا تغدينا براا حيت الوقت تعطل و ماجاتش نخليهم هكك  حيت مشات معانا تالحاجة تاجة مهم لابغيتي شحاجة قرليلي نحيب ليك معايا و لا شنو بان ليك نديك تغداي برا انا وياك شوفي فاش رتاحيتي
•زينب: كنت عارفاكم اتبقاو مقسرين برا (وعات و شافت فيه ) لا تا انا تغدييت قبييلا  (تبسمات و جلست)
•غسان: واخاا مهم راه غادي نديرو السبوع انشاءلله هاد السيمانة و مني نرجع راه غادي نخرج انا وياك نمشيو نتقدااو داكشي ديال الماكلة و كولشي لي خااص انا منعرفش فهادشي (هدر و اومات ليه و خرج للجاامع )
•زينب: گاااع هادشي لي درت  فيها باش تبعد و باقي تتفكر فيهاااا اااااخ اااااخ