رشامة الحنة

البارت الرابع عشر

➰رشـــــامـــة الـــــحنة 〰️
▪️البارت الــرابع عشر
بقلمي: جيهان مرعشلي 🥇

حياة تتفتح البلاستيكات لقات سروال جينز و تريكو سخون فالاسود  و البلاتيكة الاخرى فيها مونطو بالكاروات فاللون رمادي و كاين ليبوط اسود عادي و صاك  تبسمات حيت عجبهاا ذوقو و كدلك هدى لقات نفس الشكل فقط اللوان مختالفين
•حياة: عجبوني تباركالله عندو الذوق (هدرات و بدات تحيد الجلابة و تلبس هي و هدى)
•هدى: وايه يختي انا لي مراة و منعرفش نختار هادشي (تتشوفيها مني لبسااتههم و تتقاد ليبوط و وقفات) وااااو جيتي تهبلي هه و الله تا تحلفي على راسك جايا من الطبقة المخملية
•حياة: تا نتي جاك فنن

حياة تبسمات و تتشوف فالمرايا بصح عجبها راسها بزاف جمعات شعرها لور و هزات عثمان بين بديها و خرجات عندهم لقات غا الفقيه  و غسان لي وقف و تيشوفيهم بلاما يحس تامن البنات و الفقيه لاحضو هاد الشوفات
•الفقيه: ااا يلاه ابنياتي انا انمشي مهم لا خصاتكم شيحاجة مرحباا هاا غسان ولدي معاكم بينما نجي واخاا(هدر و اوماو ليه هوما )
•غسان: متخممش (تبسم ليهم) يالاه زيد اخالي و نتوما شدو طاكسي غا من هنا حدا الدار بلاما تمشيو تال بلاكة راه كيكونو عامرين(هدر و هز الصيكاه ديال الفقيه و يالاه بغا يخرج و تفكر شيحاجة دخل يديه لجيبو باش يجبد البزطام و يالاه ايبدا يحسب فالفلوس يمدهم ليهم و هي تقاطعو)
•حياة: لا لااا اا عطاني عمي الفقيه والله كافييين و موفيين الله يكتر خيرك درتو معايا بزاف منقدرش نقبل كتتتر (هدرات باداب و هو مازادش معاها الهدرة اوما ليها و خرج مع الفقيه و البنات بقاو غا تشوفو فبضعهم قلبو بعينيهم على زينب مابانتش ليهم و قالو باينة اتبقا غا فالدار. لدلك تاهوما خرجو و من زهرهم لقاو طاكسي يالاه حط شي ناس و ركبو هوما مشاو

غسان سايق و عينيه و عقلو مع الطريق لي قرب فيها المحطة و الفقيه غا تشوفيه
•الفقيه: اش دوك الشوفات لي كنتي تادير قبيلة(غسان وعا على راسو و ضرب واحد الفران صييييك )
•غسان: هاا؟؟ اينا شوفات
•الفقيه: فحياة اولدي راني شفت كولشي على عينيا (غسان زاد كمل الطريق و زفر بعدم ارتياح و دار  شوية عند الفقيه و علود رجع عينيه للطريق)
•غسان: انا براسي مابقيتش فاهم راسي اخالي كنتسننا من شيحد يفهمني حييت فعلا عييت و كنقول ميمكنش و هادي يالاه تلت ايام واقلة گااع باش شفتهاا و كيفاش هادشي تيوقع ليا كامل
•الفقيه:(تبسم ليه حيت معمرو شافو بهاد التوتر واخا ثطرا لي يطرا) هادي اولدي شوفة الحب و انا راني تنعرفها و لكن اولدي راك فنفس الوقت تتغلط حيت راك راجل مزوج و هادشي لي تادير فزينب حرام و عيب و نتا ماشي هكا وانا هاصني ننهيك على هادشي
•غسان: وداكشي لي تادير ليا هي حلال يااك و ديما منكداها عليا تا من العائلة مابقيتش قادر نهز فيهم العين حيت لالة العيالات معرفتهم انني ماشي راجل و ماقادش نولد(هدر و فاخر كلامو ضرب الڤولا)
•الفقيه: اولدي العقم راه ماشي عيب سوا منك سوا منها و ربي عليم بكل شيئ واخا زينب الله يهديها و لكن هادشي ميكيعنيش انك تخونها و تغدرها
•غسان: مابقيتش قادر اخالي راه وليت تنتسناها غا تجي منها و نرتاح حيت مابغيتش نضلمها معايا و اصلا زواجنا كان غا بزز مننا
•الفقيه:باقي عندك شي محبة ليهاا بصرااحة بلا كذوب حيت بحالا تكذب على روحك ؟؟ صارح راسك بعدا و صارحها معاك (هدر و هو قاصد زينب و غسان سكت مدة عاد دار عندو)
•غسان: صراحة لا مابقاش داك الشوق مني نخرج و  نبغي غا نوصل للدار باش نشوفها دابا وليت تنبغي غا نخرج و ندلع و زيد عليها هي متديرش مجهود و ...
•الفقيه:(قاطعو) صافي فهمتك فهمتك نتا اولدي كيفك كيف جمييييع الرجال تيبغيو الاهتمام و الراحة النفسية و مني تدخل لدارك تلقا لي تستقبلك بالبسمة و مني تصرا ليك شيحاجة تخاف عليك و تسولك كيبقيتي و مني تبغي تاكل تاكلو بجوج من نفس الطبسيل(هدر و غسان تبسم مني تفكر معاملة حياة معاه و فاش ضرباتو بكاس كيفاش خافت عليه و گاع ديك الماكلة لي قادات هاد التلت ايام مهم جميع هادشي لي دكر الفقيه. شافيه حياة ماشي زينب)
•غسان: ااه بصح (وصلو للمحطة و هو يحبس)
•الفقيه:اوا فكر و خود قرار لي متحسش فيه بلي ضلمتي راسك و و لا ضلمتي زينب يعني فكر فيكم بجوج و ربي غادي يوريك طريقك و اهم حاجة بعد من الحرام واخا غا بالشوفة نتا دابا غلطتي مني شفتي فحياة بديك الطري اوا سير طلب ربي يغفر ليك ذنبك و صلي جوج ركعات و لا بغيتي الحلال راه طريقو باينة (هدر و تبسم ليه غسان) فين غادي داباا؟ لكنتي اترجع للدار هدر مع زينب و حاول تشرف شنو عندها و من خلالا تجريبتك شوف و نتا لي بان ليك اولدي ديرو و متمسع لحتا واحد شوف قلبك و مدير تاحاجة خايبة راه ربي غادي يسهل عليك
•غسان: انشاءلله اخالي و. لقيتيني انمشي للفيرمة لي كنتقداو منها الحوالا انشوف شي حولي لعثمان راه قرب يكمل السبعيام و مازال مسكين ما سبع ندير معزه هاد الجيشت و ربي يخرجها ليا فطريقي خير انشاءلله (هدر متبسم و الفقيه قاليه اه بلي عندو الحق )
•الفقيه: اوا الله يسهل عليك اولدي سير يالاه انا انمشي(هدر و غسان باس ليه راسو و خرج  لاخر متاجه للمحطة اما غسان فكسيرا لجهة الفريمة لي نيت غا فكازا حيت مني تيعيدو تيعيدو هنا فكازا مع الفقيه و مشا يختار شي حولي مزيان و مليح)