رشامة الحنة

البارت الخامس

➰رشـــــامـــة الـــــحنة〰️
▪️البارت الــخامس
بقلمي: جيهان مرعشلي 🥇

غسان تبسم فوجههم و مد ليها دوك البلاستيكات لي كانو عامرين بليكوش و الحوايج ديال التربية و كانو فننين و باينين غاليين و الميكات لخرين فيهم داكشي ديال الغسيل لي بيبي و حتاا مانطة و وحدة اخرى خفيفة و الحليب تاهو مهم مامسا والوو و عااد تبسم و قرب منها و عطاها فيديها ساشية اخرى
•غسان: و هادي ديال ليك  (هدر و مدها ليها فتحت لقات بيجامة غليظة و لي كانت ملونة و هي تشوفيه بعدم فهم) نتي ولدتي اكيد ماغاديش تبقاي بلبيض راني قاري و فاهم هادشي

هي اومات ليه و هدى تبسمات و شافت داكشي كان زوين بيجامة بالبلنطوفة ديالها و البوندو داكشي ديال النافسات تيهبل و شي حويجات اخرين لي كان هاشيهم لتحت باش تبدل  و كولشي مهم مانسا ليها والو تا تزنگات و حدرات راسها
•حياة: شكرا اخريا نردها ليك فساعة لخير انشاءلله (تبسمات و حطات داكشي لتحت من الناموسية و ودعاتهم فاطمة و باست عثمان تاهو و خلاتهم يرتاحو و خرجات هي و غسان للصالون)

•فاطمة: اش هادشي
•غسان: لحاجة الله يسهل عليك و يكبر بيك متبدايش دابا الگاانة عندي هي هاديك بلاما نوصلوها الارض خليني و الا بغيتي يالاه نمشيو نمشيو داباا بغيت غا نرتاح (هدر و خرج نازل مع الدروج سابقها تا وصل اللوطو و هي جات دخلو بجوج اللوطو و قبل ميديماري
•غسان: هدرتي مع خالي يرد ليهم البال؟؟
•فاطمة: هدرت معاااه من وراك عوتاني فاش كنت فالكوزينة و قاليا كولشي هو هاداك
•غسان: عنداك غايجيو يهجمو عليهم دوك المكاريب (ديمارا و شد الطريق)
•فاطمة: لا منضنش و تا الا جاو راه انعرفو شنو واقع و ديك ساعة نشوفو لي معندو سيدو عندو لالاه
•غسان: انشاءلله(هدر بشوية و شد الطرييق لمدينة الرباط حيت هوما كانو فكازا في دار الفقيه اما دار غسان و فاطمة فكاينة فالرباط )

بقات حياة تتبسم و تلعب مع هدى و ولدها وهي تتضحك
•هدى: يختي هاد الراجل شحال حلاوة ممنوش جوج
•حياة: شكون؟؟(قوسات حواجبها) غسان؟
•هدى: اه اختي غسان شوفي مسكين اش دار معانا و شوفي اش جاب ليكم , صراحة باين طااح فيك يالملعووقة

(خنزرات فيها حياة و خرجات فيها عينيها ,هزات ولدها تترضعو و بقات ساهية)
•حياة: جمعي فمك اهدى ليسمعك الفقيه و نوليه خارجين دالعين فالزنقة فهاد الليل , و زايدون مسمعتيش قبيلا خاالتي فاطمة قالت لواحد المرة بلي غسان مزوج  و متنسايش انا هجالة و باقا ممكملاش العدة ديالي و (تنهدات) اصلا شكرن هادا لي يقبل بوحدة ميت ليها راجل و عندها ولد(هدرات بشوية و هدى خرجات عويناتها)
•هدى: كيددرتي سمعتيهاا ؟ زعما عليه هو ؟
•حياة: ااه سمعتها حيت كانو قراب غا هنا فالصالون , و اصلا واخا ميكونش مزوج واش كاين شي واحد ايشوف فوحدة فايت فيها الزواج و ميت ليها الراجل و زيد عليها هاربة من عائلة راجلها و عاد عندها ولد خدمي عقلك شوية و خليني هانية  (ضحكت باستهزاء) ههه تتحلمي نتي راه ماشي غا الاحلام الوردية هه نتي راه فتي االاحلام بالطرز لهيه و نبتيها بالعقيق

•هدى: اواا اختي متحگريش راسك و زايدون صافي نتي قابلي ولدك و مني نخرجو من هنا و نحيدو علينا مشكلة عائلة راجلك الله يرحمو غادي نضبرو على خدمة و نعيشو بلي قسم لينا الله راه تا انا عندي غا نتي فهاد الدنيا و لي فرحاتك تفرحني و العكس كدلك(تبسمات و عنقاتها ,حياة رضعات ولدها و حطاتو و ناضت خرجو من البيت بجوج و مشاو يسلمو على الفقيه حيت حشومة  )
•الفقيه: مرحبا و الف مرحبا ببنياتي صراحة كانت الدار خاوية عليا نتوما عمرتو عليا و زدتوها بهاد الملائكة ديال عثمان الله يحفضو و يخليه
•حياة: نتا لي شكرا ليك اسي الفقيه خليتي لينا باب دارك و قبلتي بيناا واخا مخاكش دخل الغراب و لكن نتا قبلتي بينا  (باست ليه يديه و هو رضا عليهم بجوج )
•هدى: انا انوض نطيب العشا اسي الفقيه ههه مانبقاوش غا جالسين هنا فابور
•الفقيه: اوا لي بان ليك ابنتي راه الكوزينة نيشان معاك من لهيه على يديك ليمن و راه كولشي موجود حسبو دار داركم  (هدر و اوماو ليه مشات هدى تتطيب العشا ليهم و بقا الفقيه تيهاود لحياة على الدنيا و كيف كيعيش و تاهي فتحات ليه قلبها و نصحها نصائح لي متسمعهم فحتا بلاصة)
•حياة: انشاءلله اسي الفقيه داكشي لي قلتي ليا انديرو (جات هدرتها مع دخول هدى لي جايا و فيديها العشا خطاتو و حطات معاه الخبز و جلسات)
•هدى: اش اديري اصحيبتي ههه
•حياة: لي كان خاصني ندير هادا زمان هههه (وزعات الخبز) كول اسي الفقيه  هه و مرحبا بينا عندك

(هدرات و بقاو تاياكلو تا كملو و شكرو طياب هدى البنين و الفقيه قاليها تبقاي مرة مرة طيبي هاد الطويجين على يديك تا غسلت الماعن هدى و مشاو تكاو فالبيت لي عطاهم الفقيه هي و عثمان و حياة