رشامة الحنة

البارت الرابع و عشرين

➰رشـــــامـــة الـــــحنة 〰️
▪️البارت الــرابع و عشرين
بقلمي: جيهان مرعشلي 🥇

بقات الحاجة فاطمة غا تتشوف و هي تبعد منها و تتشوف فوجهها
•فاطمة: كيفاش الطلاق واش هبلتو و لا شنو؟ مبان ليكم تال داباا؟
•زينب: اوا اخالتي على لي تدخل ليه لفعة لدارو اش غادي يتبنسا من خليان عشو (هدرات تتقصد فحياة )
•فاطمة: و لكن شوفي ابنتي ماتلومي تاواحد على هادشي الا كان خاصك تلرمي شي حد هو نتي و راجلك لي هو ولدي انا ماغادي نجي لا منك لا منو ، و انا كلام الحق حياة مشغتش منها سي قلة العفة و لا تتبغي تلوح راسها على غسان ( شدات يديها) الراجل ديما تيميل للمراة لي تتحن ليه و تخاف عليه ماشي لي تنكذها عليه و ياك قلتها ليك ازينب قلتها و لا مقلتهاش (غوبشت) و زدت كملت ليك بلي انا مع ولدي ف اي حاجة دارها منقدرش نخسر ليه و لا نبعد من على قبلك نتي و لا على قبل اي وحدة حيت علمتك و قريتك و نهيتك و لكن نتي عاد مازدتي فيه(زينب بقات غا تتشوف كانت متوقعاها تعاونها)
•زينب:الله يكتر خيرك اخالتي وانا كنت حاطا فبالي اتجي مني
•فاطمة: شوفي ابنتي انا منجي لا منك لا منو ،وا من نهار تزوجتو و نتوما من شد ليا نقطع ليك و صراحة ابنتي كولشي تيجي منك نتي وااه عيينا منزوقو لك مابغيتي تعيقي اوا هاهوو حبد ليك الطلاق داباا وا فكوها راسكم انا لي عليا خاصمت عليكم و نبهتكم و لكن هاديك حياتكم (هدرات و مشات للكوزينة تتقاد مع الطيابة داكشي  حيتاش كاينت الكوزينة واسعة بزاف و متيسعة قداتهم فداكشي ديال الماكلة و كانت فيها تا البالكون و مفوهة

زينب بقات هكك تتشوف تا بانت ليها حياة واقفة مع غسان
•زينب:اوووه اوا دبا اش نقولو ليك ههه لالة لعروسة و لا مامات لي غادي يتختن غا تخيري و عزلي ليناا (هدرات و حياة غوبشات حيت مفهمتش)
•حياة: سميتي حياة و الا تلفتي قولي غا رشامة الحنة انفهمك (هدرات و زينب تبسمات ليها ديك التبسيمة دالضحكة الصفرة )
•زينب:ااااه اوا فكرتيني فالحنة اهههه دخلي تلبسي حوايجك
•غسان: باقي لحال لاش انبدا من دابا ؟؟ (حياة اومات ليهم ب اه)
•زينب: ارا راني عرضت على الجيران من دابا و جابة ليهم و لحياة النقاشة على حسابي شوية يوصل الماتيريال ديال النقيش و النقاشة شوية و عاد اتجي
•غسان: اوا شغل لعيالات هاداا(شاف فحياة مالقا ميقول)
•حياة: ااه بصصح زينب عندها الحق حشوما هي دايرة هادشي على قبلي على الاقل لعيالات يفرحو و ينشطوو
•زينب: اوا دخلي لبسي و انا انخرج نشوف واش داكشي ديال النقيش جاا و نيت اتجي مع العيالات نيشان هوما و النقاشة هه سيري سيري اختي(هدرات تتضحك و غسان غا تبشوفيها عاد المحنة دالغفلة كينزلات هكاا و خصوصا من وحدة عاد سينات على ورقة الطلاق 

دازت شي ساعة هكك بالحساب و الدنيا ساقلة فالدار حياة دخلات تبدل عليها و  غسان مشا طلع للسطح يفصل الحواي حيت الطيابة قالت ليهم يالاه جهدو باش يطيب من هنا العشية و كانت يقمات الدجاج و رضاتو يطيــب اوا طلع يفصلو و كينزل ليها فالبانيوات تا كمل و دخل نيشان هز حوايجو من البيت لقا زينب نيت تما و مشا تيحري يدوش عليه حيت ولات ريحتو كلها لحم

زينب غا سالات و هي شادة فيديها التيلي و تتحسب السوايع بحالا تتسنا شي حاجة اتفرگع و شوية خرجات حياة لابسة الخضيضر لي شرا ليها غسان مني كانت هي وياه نييت و ملبسا عثمان داكشي لي خداو ليه
•زينب: تباركالله عليك واتااك اللون شيحاجة ماشاءالله
•حياة: عويناتك اختي تا نتي ماشاءالله الفنة بين لعيالات (حياك ضحكات معاها و زينب تاهي و موراها خرجات مني جاها اتصال انه داكشي ديال الحنة علا كانت موصية راه وصل اوا خرجات هي تجيبو و فهاد الاثناء كان غسان خارج من الحمام و كان مبدل من الداخل ،لابس جبادور الفوق و التحت بالكحل و الاخضر ملكي سروالها و فوقي ديالها و الفوطة على يديه ،. و تمشى لجهتها غادي يقرب و التبسيمة تتزيد تبان على فمو
•غسان: (قرب من وذنيها و تنهد عاد قال) زيدي فذنوبي

حياة حسات بالسخانة وصلات بيها للقمة و مابقات عارفا تا كيفاش تشد ولدها عاد خداه من عندها و تبسم
•غسان: كولشي لابس لخضر ليوم (شافيها طلعها و هبطها) جيتي معاه زوين و و لخضر ماواتاك غا نتي (هاز عثمان بيديه و لمحو ليها) ها انا لداخل فالبيت و عثمان معايا خودي راحتك مع النسا (تبسم و دخل للبيت اما هي غير غاب على عينيها و هي تشد فالسداري تتحسس تا جلسات  و بدات تسوط
•حياة: كلامو بحال لسهام تضرب على قلبي اوووووف (تنهدات و شوية بانت ليها زينب داخلة و هازا فيديها ديك الطبلة ديال الحنة و حطاتها قدامها )
•زينب: هاهو هادشي ديال الحنة ههه اوا غا قبلي عليااً
•حياة: نتي مولات لخير ازينب اااههه شكراا (هدرات و زينب جلسات حداها تا شوية بداو يجيو العيالات و البنات ديال الحومة و كان كولشي لابس و معول اوا جلسو بعدا فالصالون لي لوسط حيت هو لي مكانش ليه الطوابل نيت خلاو التيساع باش يحنيو العيالات
•زينب: اواا مرحبااا بيكم العيالاااات اوا لي بغااات تحني تمد يديها الحنننة داباا نيت باش نشطوو و نفرحووو (هدرات تتبسم و حياة تاهي تتبسم تا ضحكات زينب باستهزاء و خرجات على فمها السم المسموم) و لكن للاسف حياة ماغاديش تقدر تحني كيف متتعرفو هي هجالة و المراة الهجالة تتكون حازنة على راجلها و مع مازال مكملتش ربع اشهر و عشر ايام ( تتمتل انها بقات فيها) اوا غا عذروهاا و لكن ها البنات النسا كاينين نتوما تحنيو لرين انشءالله (زينب تبسمات بانتصار اما حياة فتمنات الارض تنشق و تبلعها على هاد الموقف لي حطاتها فيه تا نقزات وحد البنت بغات تحني و مدات يديها على نيتها)
•البنت: ااانا بغيت نحني اختي على الله يتسگم ليا سعدي و يتنزنگ ههه فينهي النقاشة (هدرات و رمات عينيها على زينب تا تبسمات زينب بضحك كانها غادي تعاود تمرگ حياة)
•زينب: اااه  نسييت النقاشة عاد دابااا نيت سيفطات ليا مساج و خبراتني بلي جاها شي عرس على غفلة اوا مشاات تحني ليهم (ضحكت و شافت فالبنت و من موراها شافت فحياة) و لكن ميبقاش فيك الحال احبيبتي حناا معانا نقاشة و تنقلبو على نقاشة اخرى اويليي هه تال هادي منقبلهااااش غا هو خلصوها باش تخدم من نيتهاا راكم عارفين النقيش صعييب و تيدي الوقت اوا تهلاو فيها باش توكل داك الوليد مسكين  (شافت لحياة) او لا ارشامة الحنة؟؟