💦Hasnaa SGM💦
🔞طحت مع بزناز 🔞
مشاااات كتجري من قداامو كتنخصص و هو بقاا جامد في بلاصتو كلامهااا كامل كيدور في ودنيه و كيفااش دفعات على شرافهاا عمر شي واحد محط عليه يديه و هي دارتهاا للمرة ثاانية على توالي صحيح كلامهاا ضرو شوية في قلبو ولكن هذاا تايغر و كراامتو فوق جميع ضرب gااع كلامهااا في حيط و دار كيشوف من بلاصة لي مشات منهاا و نطق تحت سناانو عينيه كيخرجوو نااار : والله ماا تبقى فيك القح*بة نهاار طيحي بين يدي عوتااني حتى نكويك من ودنيك و نوريك دااك شراف عندك بشحال كيتقااام ... مشاا جلس حداا الحيط و جبد باكيت gاارو كيكمي واحد من وراا وااحد كيفرغ فيه لعصااب لي ركباات فيه وهو كيتوعد ليهااا بعذااب ..
عند ياسمين لي دخلات مع دربهم كتبكي و مخبية وجهاا بشعرهاا دازت على حليواا و أمال لي جااسين في رأس درب و أمال هازة منديل كتمسح ليه في جروح لي فوجهوو شافوهاا وقفو ولكن هي دازت عليهم بحاال ريح غوتوو عليهاا ولكن مداتهااش فيهم مشاات طايرة داخلة دارهم طلعاات لبيتهاا ديريكت جاب الله متلقاتش مع سلوى و إكراام .. دخلات و سدات عليهاا باب بساروت و جلساات كتغبن كلمااا كتفكروو طعنهااا في شاارفهااا ... دوزاات نهار كامل مخشية في البيت عيطو ليهاا تغداا مبغااتش و حتى لعشاا متعشااتوش .. غوتو عليهاا حليواا و أمال بغاوهاا تهبط عندهم و قالت لماماها تقول ليهم نااعسة خلاصة كلام .. أمجد ندمهاا على طيران لي فيهااا لي خلاتو ياخد عليهاا نظرة خايبة و هدشي غير باقي مشاافت منو واالو ..
جااا نهاار جديد و بأحداث جدااد كان ياسمين نااعسة حتى سمعاات حليواا كيغوت عليهاا طلات عليه و هي باقة مقلوبة بنعااس : أش كاين مالك كتغوت صبحنااا على الله .
حليواا كان وااقف لتحت كيتساناا فيهاا لابس كيطمة بيضة و قالب كسكيطة لجنب و هااز شكاارة صغيرة في كتاافو غير من شوفة تباان ليك خااوية مافيهاا حتى كتااب هو الأخر مالف يبقى يتسنااها حتى تهبط و يمشيو ليسي ولكن منين شافهاا تعطلات غوت عليهااا ..
ريضاا شاف فيهاا لقاهاا باقة بحوايج لبارح عرفهاا مموجداش راسهاا : وااش من نيتك أ صااطة راه 8 هاادي و نتي بااقة نااعسة رااه غنتعطلو و باقين خاصناا ندوزو عن أماال
ياسمين : غير سير أخوياا أناا مغدااش دارني رااسي
ريضاا شاف فيهاا بنظرة من نيتك : وااش تسطيتي لا رااه وااقيلا سنينااا لتزااام ديال غيااب راه إلا زدنااا سااعة وحدة غيجريو عليناااا من المدراسة
يااسمين ساطت بجهد : تفوو على بلان كيف دااير تسنااا واحد خمسة دقاايق أنااا هاابطة ..
ناضت مشاات غسلات وجهاا بزربة و مشاات لبساات سرواال ديال سبور في لبيض و قبية كحلة ممشطات gاع شعرهاا خلاتو مطلوق و دارت فوقو كسكيط بيضة و لبساات سبرديلة كحلة و هزاات شكاارتهاا و هبطاات مع دروج تلقاات مع سلوى في طريق قالت ليهاا صبح خير يااسمين راسهاا دارهاا مافيها لي جااوب .. حلات الباب و خرجاات خاشية يديهاا في جيبهااا دارت لريضاا إشاارة براسهاا زعمة يله و مشااو لدرب أمال لي لقااوهاا واقفة عند البااب كتسنى فيهم مشاااو مدرسة أماال و حليواا كيهضرو مبغاوش يسولوهاا أش وقع لبارح مع تاايغر حيث عارفينهااا ماغتقول ليهم والو غير منين مهدراتش معاهم البارح كانت درباهاا بسقلة وهاادي هي طبيعت ياسمين منين تقلق من شي حااجة كتسكت ... دخلو المدرسة لقااو بااب قريب يتسد مشااو كيجريوو دخلو القسم ديريكت كانت عندهم مادة ديال لفرنسي و كتقريهم وااحد أستااذة بااقة صغيرة و عااجبهاا رااسهاا و ديمااا حااطة على ياسمين سميتهاا فاطمة زهرة
هوماا دخلو ديريكت جلسو في طاويلات لخرين أمال حداا ياسمين و حليواا وراهم .. ياسمين كيف دخلات حطاات راسهاا على طااويلة مكملة نعاسهاا أستااذة بداات معااهم درس كتشرح فيه حتى قشعاات ياسمين نااعسة : هيهه أنت أ ديك برهوشة بغيتي تنعسي بقااي في داركم متنعسيش لياا هنااا .. فين هي ياسمين راه مشاات عند الله .. حتى نغزااتهاا أماال كتفيق فيهاا ناضت كتنتر : وزgااي أخرياا مالكي شدااتك الحالة
أمال بهمس : تكلمي لديك شاطة ماطة رااه كتهضر معااك
ياسمين هزاات راسهاا في أستااذة و خنزرات فيها : شنوو أ أستااذة كاين مانقضيو
فاطمة زهراء (أستااذة) : أه هزي عليااا شطيطك و خرجي علياا من هناا هادي ماشي بلاصت نعااس معلموكش وااقيلة
ياسمين حتى هي كانت طالبة عليهاا ناضت هزات شكراتهاا و دارتهاا في ضهرهاا حتى أدوات لي غتجمع ماجبداتهمش : أك ماطلبتي غير مجود أ مدااام ..
مشااات قااصدة بااب حتى سمعاات فاطمة زهراء كتهضر تحت فمهاا : برهوشة مشية بلا رجعة ..
ياسمين رجعات ليهاا مشربة : عااودي أش قلتي أمداام
فاطمة زهراء بصوت مرتاافع : خرجيي بحالك
ياسمين : لا لاا الأخر حااجة قلتي
فاطمة زهراء : مغنبقاش نتعااطا معااك في هضرة خرجي ولا غنعيط ليك على لحرااسة
ياسمين لاحت شكاارة في الأرض و كفداات : أجي لهناا نعطيك سباب نيت لي تعيطي ليه ..
تلاحت عليهاا ياسمين نتفاتهاا مزيان وجهاا كامل خربشااتو ليهاا بضفاارهااا .. قسم كامل ناااض فيه صدااع و صوت تلاميذ كيضحكو و يغوتوو منوضينهاا .. حليوااا و أماال بقااو جالسين دايرين رجل فوق رجل ماشي غريبة عليهم ديماا ياسمين مقربلاهااا مع هااد أستاااذة ... ياسمين خلاتهااا منشورة في الأرض و هزاات شكارتهااا و داارت شافت في ولاد قسمهاا و خصوصاا البناات أماا دراري ميقدرو يقولو والو حيث حليواا زامطهم : غيهضر فيكم شي وااحد ولا يجبد سميتي نخرجوو في صفااحات الأولى ديال جرائد بعنواان مبتسمون رغم إعااقة لا سولوكم مالهاا هاد خايتي طايحة هناا قولو ليهاا سخفاات ولاا جبداتني كذبوهاا مفهوممم .. هوماا هزو ليهاا راسمهم بأه وهي خرجاات كتجري مشاات لدااك بااب صغير لي كيدخلو منو أساتيذ حيث ديمااا كيكون محلول لقاات حارس ديال بااب مكااينش و خرجاااات ....
كاانت داايرة القب على راسهااا و كدوور بينماا وصل وقت لي كتخرج منوو المدرسة باش تمشي لدارهم باش ميشكوش فيهااا مكاانتش كتقراا بقاات كتمشااا حتى وقف ليهااا بمطور ديال عصر حجري كولو مخرشش عند رجليهاا هزات فيهاا راسهاا و بدات كتهلل : واا لعمالة من نيتك راه كنتي غتقتلناااا .. بقات كتحقق في ملامحوو معقلتش فين شاافتو
سكافندري كيشوف فيهاا و كيضحك : فين أزين صاافااا من لحفرة مبقيت شفتك .. ياسمين شافت فيه بنظرة منيتك : فين كنعرفك أخوياا باش ترجع تشووفني سير سير ديمااري بهااد ربع حديدة لي عندك و قيليني عليك لي فيااا مهنيني
سكفااندي : نااري شكون مقلق ليا هااد زين كااامل
ياسمين ميقاات فيه : شوف جيني gود بلاماا دخل عليااا هاد دخلة ديال تعنااب راه معنديش معااهاا
سكافندري عض على شفافو : شتي نتي غنفهمك و تفهميني مزيان
يااسمين ضرباات فيه و مشاات : أخويااا أناا مبااغة حد يفهمني عطييني غير تساااع الا كنتي كتفهم العربية
سكفاندري شدهاا من يديهاا مرجعهاا و هي نترات منو : وتي وقفي غير نهضرو معااك مالك على هااد تشاااكبر راه عندك زهر وقفت ليك و تواضعت معااك أماا نخرج في حبك
ياسمين ضحكات بستهزااء : وااو وقف عليااا طوم كرووز شخصياا و تاانوض برااكة من هضرة لخااوية راه حق رب تاا نخرج فيك طول عرض غاا لقيتيني مبردة
سكفاندري : حتى دابة ماقلنااا والو غتعطيني نمرة ديالك بكل رجوولة و غااتمشي بحالك
ياسمين هزاات فيه حاجب و بداات كتبعصص : لااااق معطياهااش ليك يله دوور بحلاتك مزيااانة هاااادي
سكاافندري هبط من على مطور و وقف قداامهاا : إيواا حتى أناا ممفاكش معااك تانااخودهااا
ياسمين زفراات بقلة صبر و تحركات من قداامو و هو بقاا تاابعهااا شي ربع سااعة بحال هكدااك فقصهااا دارت عندو معصبة كتغوت : وااش معندك حشيش تبيعوو معندك حااجة تقديهااا غتبقااا تابعني أناااا
#تتمة بارت 27
سكفااندري ضحك عليهاا من لأخر ياسمين دارهااا في راسو من نهاار شافهااا : حتى أنااا لاااق حتى ديري معايا شي حل
أنت تقرأ
طحت معا بزناز (مكتملة)
Romantikبقلم : الكاتبة حسناء إس جي إم Hasnaa SGM قصة : طحت مع بزناز هااي لحيباانات صافا عليكم هنااا رجعت بقصة جديدة بقلمي أنا ✒ #Hasnaa_SGM ✒ 🚫لا أحلل نشر إلا بعد إذني مع إحتفاظ بالمقدمة و كوفر 🚫 هه شي حاااجة طوووب قصة...
