طحت معا بزناز (مكتملة)

الجزء 76

هي كانت كتسمع ليه و كتبكي كتحس بقلبها كيضرهاا حيث كانت سباب في فراق بين جوج كيجيوها حاربو باش يكونو و يبينو عائلتهم مع بعضهم وفي نفس وقت كتأسف على راسها وعلى حالة لي وصلات ليهاا بدون ماتحس على راسهاا طلقات شهقة طويلة و نطقات بدون ماتحس : أنا بنت الليل هئ هئ أه تقدر تجيك غريبة ولكن كنعتارف بيهاا تعودت على بحال هاد كلام عاهرة هاربة قحبة ديماا كانت هند مصدر هاد ألقاب تربيت مع الأب سكايري مافقلبوش ذرة رحمة ولا شفقة جهتي ومع الأم كثر مني كتحل رجليهاا لبراني من وراا بابا غير كيخرج من دار كدخل رجالة و أناا كنشوف داكشي قدام عيني و كنحس بإشمئزاز (شهقاتهاا تزادو و يديها ولات كترعد بحال إلا جاتهاا شي حالة من خوف غير عادية) باقة كنعقل على داك نهار بحال إلا غير بارح كانت عندي 16 عام يله جيت من ليسي مع دخلة كنلقى دمايات هئ هئ في دار كاملة تخلعت و مع زدت خطوة كتبان ليا ماما عريانة و مذبوحة هئ هئ معاها هء هاء واحد راجل كانت مدخلااه بابا حصلهاا و قتلها هي وياااه هئ هئ غوت ربي لي خلقني و طحت مغيبة منين فقت لقيت راسي ماشي في دارناا كانت دار واحد مرآة صاحبت ماما شداتني عندهاا قالت ليا بلي ربع أيام و أنا ماكنفيقش سمعت بلي بابا تشد في حبس حكمو عليه بمؤبد مع عندو سوابق ولكن صدمة أنه قتل راسو وسط حبس حيث ماقدرش يستحمل عيشة تمااك و عذاب لي تعرض ليه هئ هئ مهم بقيت مع صاحبت ماما شي شهر بحال هكذاك شوية و أنا نتصدم للمرة ثانية منين لقيت حتى صاحبت ماما زانية و كتخدم في هادشي عرفتي كرهت راسي و عفت حياتي لي مطيحاني ديماا غير مع قحااب ولكن مكان عندي ماندير صبرت حيث ماعندي لا حنين لا رحيم و لا خرجت من دار غيضربوني الحيوط بقيت معاهاا حتى درت عشرين عام شوية شفتهاا ولات باغة تزيدني لهاد شي و كتحاول تقنعني تلبسني و تقاد لياا غير باش تستغلني و تجمع بياا الفلوس ولكن أناا ديما كنت كنرفض حتى جااا نهار لي هئ هئ هئ

نهارت ببكاء مابقاتش قادرة تكمل كتحس بموت طالعاها وهي كتفكر في هادشي ياسين كان كيسمع ليها بإصغاء مخليها تهضر على راحتها وجاه الفضول يعرف كمالت قصتهااا حك على دقنو ناطق بهدوء نوعاا ما : كملي أ هند ياك هند

هي أومات ليه راسها و حولات تمالك راسهاا خدات أنفاسها عاد كملات : واحد نهار جات عندي و صدماتني بلي باعتني لواحد لباس عليه وراتو تصاوري و عجبتو و قال غيتزوج بيااا زواج متعة حتى يكمل مني و يلوحني كيف بغااا و حتى إلا حملت ماشي سوقو نضبر راسي تصدمت ديال بصح بكيت غوت عايرت حيث ماشي من حقهااا تبيعني ولكن هي شنو دارت حبساتني لا خروج لا دروج سدات علياا في بيت و عيطات ليه يجي يديني هئ هئ منين جااا مابغيتش نخرج عندو ولكن هي جراتني من شعري ولاحتني عند رجليه بحال شي بضاعة رخيصة لكن صدمة أنه هزهني و حاوطني بين دراعو منين هزيت فيه عينياا سهيت فيه كان زوين بزااف و كيحمق لدرجة ترخيت بين يدو منين طمني بعينيه بلي كلشي غيكون بخير مهم تسمسر فياا هو وياهاا كيف بغااااو و داني معاه لدارو خوناا صدق بصح مرفح عليه ديور و ڤيلات طنوبيلات في الأول داني عند عائلتو قال ليهم غيتزوج بياا ولكن مقالش نوع زواج لي غنتزوجو حفظاا على هيبتو قدام عائلتو مانكذبش عليك رتاحيت ليه بزاف ماكملاتش سيمانة و تزوجنااا زواج متعة كيف قال هو ولكن تعاملو كان عكس ظريف معايا لواحد دراجة متصورهااش داير لياا كيف ماء قليل مع الأيام وليت كنحس بزواجنااا حقيقي كنااا فرحانين و عايشين حياة طولها على عرضها حتى نسيت طريقة لي تزوجناا بيهاا ولكن كلشي تقلب نهار جاا خوه من برااا كان في فرانساا و دخل المغرب خونا غير شافني حوال  ولا كيدير معايا شي تصروفات غراب كيتقرب مني بطريقة خايبة كيتلقى لياا و يبداا يتحرش بياا حتى مشيت وقلتهااا لراجلي و ديك ساعة مشاا ليه شبع فيه عصااا خوناا بحال إلا حقد عليااا و حلفهاا فيااا منين قلتهاا راجلي و داكشي لي كان نيت واحد مرة كان راجلي مسافر عندو خدمة برااا و عائلة ماكيناش في دار كنت أناا عيانة و فياا دوخة بقيت بوحدي في ڤيلة شداتني شحفة و مشيت الكوزينة نشرب شي حاجة لقيت ماء مقطوع مافهمت والو دار كبيرة و ماء مقطوع لكن صدمة لقيت خو راجلي كاين في دار و هاز في يدو قرعة ماء قال لياا بغيتي تشربي قلت ليه آه حيث ڤغي كنت عطشانة بزاف وفياا حرقة في معذتي خديت من عندو ماء غير شربتو طحت مابقيتش عاقلة على راسي حتى حليت عينياا و أناا كلي عريانة و ناعس حداياا خو راجلي هئ هئ كان غتاصبني ماجيت فين نستوعب حتى دخل هو راجلي منين شافناا هكذااك تصدم بحال لي وقع المراتك جرني من شعري و لاحني عريانة لزنقااا و أنا كنبكي كنطلبو و نرغبووو باش يحن فيااا حيث أنا بريئة لكن كان معمي عيط لديك صاحبت ماما جات داتني لدارها و أنا كنطلب و نرغب فيه بلي راه ماخنتوش ولكن هو تيق عينيه و موصيبة أنني لقيت راسي حاملة من بعد سيمانة أكيد هذا غيكون ولدي مع راجلي حيث منين مشيت عند طبيبة قالت ليااا عندي شهر و نص منين مشيت لعندو لدارو نقولهااا ليه لقيتو سافر و ستقر في بلاد خرى خلاني أنا من وراه كيف حمقة دازو شهورة و ولدت ولدي سميتو ليث من بعد حقدت كفرت على هاد دنياا لي معطاتني والو كل مرة كتلوحني لطريق وحدة وهي عهر و زنااا لدرجة تقبلت مكتوبي و دخلت لطريق الحارم باش نعيش ولدي واخة هدشي حرام ولكن الأهم هو نقري ولدي و نخليه يكون راجل ماشي بحال باه لي خلاني و لاحني لزنقة بدون مايسمع لياااا جمعت فلوس صحيحة مانكذبش ترفحت و شريت دار في منطقة زوينة و كملت قرايتي و خدمت على راسي في واحد شركة ولكن لي فيه شي فيز فيه ولي ولف شي طريق كينغامس فيهااا و طول وقت لي خدمت فيه حاولت نبعد كل إمكان من رجالة مزوجين باش مانفرتك شمل حتى واحد كيف درت معاك أنت و مرتك سمح ليااا ولكن داكشي لي عشتو هو سبابي حتى أنت كنتي ضحية داك زبل ديال مخدرات و غلطتي في حق مرتك و في آخير هادي هي قصتي شكرا حيث سمعتي لياا كنت محتاجة نخوي قلبي على شي واحد