ياسين إبتسامة مابقاتش باغة تفارقو و خصوصا فاش علنهم العدول بلي هوما ولاو زوج و زوجة تنهد بإرتياح و شد ليهاا في يديها يله غادي ينطق حتى تسمع صوت ياسمين كتهضر بنبرة منزعجة : ياسين أش كتجيك يارا الإدريسي
ياسين هز فيها عينو مكمش وجهو بإستغراب : شنوو
ياسمين رفعات من نبرة صوتها : كيفاش شنو أنت كنية ديالك إدريسي بحالهاا يعني كتجيك شي حاجة شنو رابط لي كيجمعكم
ياسين لبس قناع برود و وقف مقابل معاها : عفوا نسيبتي معرفتش علامن كتهضري
ياسمين ضحكات بستهزاء : مافهمتيش واخة أنفهمك سمعتك داك نهار بودني قلتي لأمجد في تيليفون بلي يارا ناعسة معاه و كاينة يارا وحدة كيعرفها أمجد هي يارا الإدريسي لي عندهاا نفس كنية ديالك أه و حتى داك نائل منسااوش هدشي كامل مايمكنش يكون صدفة
ناصر بغاا يتدخل حيث فهم موضوع على حد علمو ولكن وقفو ياسين بيدو : واليد أنت مااتدخلش (رجع شاف في ياسمين) و أنتي مالك سوقك اش دخل خنشوشك في موضوع فاش كيهمك يارا اش كتجيني و حتى لاكانت كتجيني أنتي مااالك مشات ليك شي حاجة
ياسمين عينيها غرغرو و هضارات بإنفعال : أه كيهمني حيث هي دايرة علاقة مع أمجد هء هء ماشي سوقي فيك انت تعرفهاا و لا لا ولكن بغيت نعرفهاا أش كتجي أمجد علاش ختارهاا هي و أنا لا شنو لي فيهاا هي و مافيااش هء هء
ياسين بحدة كيغزز على سنانو : فيهاا بزاف يارا فيهاا بزاف كيبغيهاا كثر من راسو كيموت فيهاا و يتجنن عليهاا كون مكانتش هي في حياتو و أمانتو في هاد دنياا عمرك كنتي تشوفي وجهو حيث غيكون قتل راسو شحال هااذي انتي والو قدامهاا والو فاش كيكون معاها كينسى راسو و تلقايه اصلا ماوخدكش في بالو أصلا .
ياسمين بدات كتبكي و تشهق كلام ياسين كان بحال سم لي سمم ليهاا قلبهاا كرهات راسهاا في هاد اللحظة علاش سولاتو علاش ياك تفارقو اش باغة مزال يدير لي بغاا و يكون مع لي بغاا ولكن هي أمجد صطهاا خداا منهاا عقلهاا ديماا كتفكر في نتفة بسيطة باش تجبدو في كلام
عينيها كيتقطرو بدموع شافت في ياسين بنظرة كلهاا آلم كتندمو بعينيها على كلامو ليهاا دفعات باب و خرجات كتنخصص ياسين للوهلة عاق على كلامو قاسي ليها شد هلى راسو بندم كيغزز على شفايفو سخط كون سمعو أمجد غوت عليها و خلاهاا كتبكي يقبرو في بلاصتو هاذي هي أمانة لي وصاه عليهاا باش يرد ليهاا بال
ناصر في هاد اللحظة صعبات عليه ياسمين مشاا تبعهاا كيجري لقهاا جالسة في دريجات براا غاطسة وجها بين يديها كتبكي و تشهق تنهد تنهيدة طويلة و جلس حداهاا ماحملش يشوفها هكذا كتبكي على واحد هو عارفو أش كيسوا مامخلي لبق منين يزهق جرها عندو كيهندهاا و يمسد ليها على شعرهاا و إحساس الأبوة تحرك فيه من جيهتها : صافي سكتي أبنتي ماتبكيش كتحرقي قلبك بحال هكذا
ياسمين زادت كرزات عليه مخشية في حضنو كتنخصص بدون ماتحس نطقات : بابا أنا كنبغيه بزاف هء هء كنموت عليه من نهار عرفتو و أنا كنتحرق بنار حب واش كلشي كيشوفو ماكيبغينيش علاش علاش أنا كنشوفو كيبغيني علاش
ناصر قبل راسهاا بحنان و هز ليها وجها كيمسح ليها دموعها : كيبغيك أ بنتي كيبغيك غير سكتي كيبغيك
ياسمين كتنخصص : علاش كتقول هكذا ولدك قال ليا كيبغي يارا و بصح كيبغيها حيث شوهني مع صحابي على قبلها و خلاهاا تضربي و طيح مني قدام كل هء هء و كان معاهاا البارح
ناصر بهدوء : بنتي واش أنتي عارفة يارا شكون هي و اش كتجي أمجد
ياسمين نيفهاا حمر و صدرها كيعلا بشهقاتها : لا بغيت نعرف قول لياا أنت شنو كيجمعهم واش كيبغيها و غيتزوجو ياااك عفااااك
ناصر بتاسم ليهاا بحنية : أنا مغادي نقول ليك والو خلي وقت تبين ليك شكون هي ولكن حاجة لي نبغيك تعرفيهاا قلبك عمرو يخيبك إلا كان عندك والو شوية ديال ثقة و واثقة بلي هو كيبغيك فااتيقي بداك شوية أمل لي عندك في الأول كان كيسحاب ليا حبك مراهقة ولكن هاد الحالة لي شفتها فيك دابة بينات لياا بلي حبك ليه هوس و جنون بحالو هو
ياسمين بدات كتمسح دموعهاا و تهدنات نوعا ما : شنو زعمة كتقول لياا مانتخلاش على حبي ليه هاا يعني نبقى نبغيه واخة هو مع وحدة آخرى كيستمتع معاهاا
ناصر ضحك بقهقه : وشكون قالك كيستمتع (تنهد تنهيدة طويلة) أنتي معارفة والو أبنتي على حياة داك سيد ولكن حب لي عندك لجيهتو محتاجو أمجد و بزاف
ياسمين بإنزعاج طفولي : علاش حب يارا ماكافيهش
ناصر ضحك و لعب ليهاا في شعرها : حب ديالك غير ماشي هو حب يارا ثيقني و غايجي نهار لي غتقولي ليا كان عندك حق عمو ناصر هه
ياسمين شافت في عينيه بتركيز : شنو نثيق فيك زعمة و مانديهااش في بزناز ديال ولدك
ناصر حرك ليهاا راسو بآه مجاريها في كلامها : تماماا داك بزناز ديال ولدي راه غير مسطي ماكيعرف والو واش هذاك يديو عليه نااس تلقايه كامي شي جوان قالبو
ياسمين ضحكات بخفة كتبان كيوت بعينيها لي باقين مانشوفو : هه أنت أحسن عمو عرفتو في حياتي جوطيم و الله
ناصر ضحك بخفة : أنا عجباتني بابا لي قلتي ليا في الأول حسن
ياسمين عنقاتو كتضحك : صافي نبقى نقول ليك بابا ناصر عرفتي أنت كتشبه لحكيم بزاف
ناصر : بسيف مانشبه ليه و أناا ص (قبل مايكمل كلامو وقف عليهم ياسين و إكرام لي خرجو ياسين جر ياسمين عندو معنقهاا خلاهاا غير مخرجة عينيها بدهشة ) : حق الله البرهوشة ماا قصدت نبكيك غير نتي لسانك مبري منك و ماكتدخليش سوق راسك
أنت تقرأ
طحت معا بزناز (مكتملة)
Romanceبقلم : الكاتبة حسناء إس جي إم Hasnaa SGM قصة : طحت مع بزناز هااي لحيباانات صافا عليكم هنااا رجعت بقصة جديدة بقلمي أنا ✒ #Hasnaa_SGM ✒ 🚫لا أحلل نشر إلا بعد إذني مع إحتفاظ بالمقدمة و كوفر 🚫 هه شي حاااجة طوووب قصة...
