إكرام : شكون قالك مفرحتش بلعكس أنا مكرهتش نكون معاه اليوم قبل من غذا ولكن نسيتي بابا ياك هو ماباغيش يزوجناا دابة و قالك حتى تكملو قرايتكم و كون كان مشكيل واقف غير هناا حيث أنا بقات لياا غير ربع شهور و نسالي ولكن هو باغي يزوجناا على دوقو
ياسمين ميقات فيهاا : شنااهو والله لا كانت ليه نتزوج أناا بلي بغيت و يسطح راسو مع حيط اجي انتي بعداا هضري معاه و شوفي اش يقول ماتعرفي يوافق
إكرام : واش كتضحكي علياا اصاحبتي ماسمعتيش لبارح اش قال منين جبدناا هاد موضوع و شوفي جاا غير بصدفة و ماعجبوش الحال أما لاقلتهاا ليه معرت شنو يدير
ياسين ضربات يد على يد : و هادي عندك فيهاا حق صافي سيري عند ياسين قولي ليه مابغاش و هني الوقت يصبر واحد خمس سنين خرى و يجي يخطب
إكرام بستهزاء : قلت ليه صبر غير ربع شهور بينماا كملت لفاك و مابغااش و تشوفي حالة لي دار لياا في صباح (فركات على يديها بتوتر) ياسمين هو بغانا نتزوجو بسر حتى واحد مايعرف غير أنا و هو
ياسمين خرجات عينيهاا بصدمة و حماس : شنوو و اش قلتي ليه ياك وافقتي
إكرام كمشات حجبانهاا بغرابة : لا في الأول رفضت ولكن هو طلب مني نعاود نفكر في موضوع و أكيد منقدرش انا بغيت يكون زواجناا كامل مااشي بسر نعيشو حياتناا طرونكيل منخاافو من حتى واحد و والديناا يكونو راضين عليااا
ياسمين ميقات فيهاا : يااتي نوضي ياهبيلة كون كنت في بلاصتك و شفت حكيم غادي يبدى يدير فيهاا حاكم و يدخل في حياتي حق ربي حتى نهرب معاه سيري أختي تزوجي بيه راه تدوم ليك غير دار راجلك شتي كون يجي عندي تايغر و يقول لياا تزوجي بياا ديك ساعة نشدو مانطلقو حتى يتكتب كتابناا (عوجات فمهاا بإنزعاج) كون ماتفرقناااش ...
إكرام وسعات فيهاا فمهاا بدهشة : ياسمين واش كتهضري من نيتك بغتيني نتزوح بيه بلا خبار ماما و بابا هاذ زواج ماغيكونش كامل راه يخالف شرع صحيح غيكون عقد زواج و شهود و غنكون مراتو على سنة الله و رسولو و لكن الله عز وجل أمر بموافقة والدين يعني غيكون زواجنات ناقص
ياسمين ضربات ليهاا كلامها كامل في حيط و حطات يديهاا على خدها : أنا شهد لك واخة معنديش لكارط دوزوني رحم ميمتك ولا خليوني نشوف غير من بعيد
إكرام : كتطنزي عليااا ياااك
ياسمين خنزرات فيهاا و تكات عطاتهاا بظهر : دوري اختي بحالك تزوجي بيه ولا متزوحيش ماااشي سوقي غير هو راك شفتي حبيبك كيضرب على شعاا خلي حتى تطيرو ليك شي وحدة لي تقد عليه يتزوج بيهاا هي نيت و انتي جلسي على قالب بقات في قانون توماا صحاب آداب و قانون اصلا كتكونو معقدين ياربي سلامة جميلنة في تفلسيف ديال والو
إكرام شدات من هضرتهاا غير يتزوج بشي وحدة آخرى حسات بدم سخن فيهاا و قلبهاا بغاا يخرج من بلاصتو عقدات حجبانهاا و تفكرات ديك وفاء لي بين الليلة و نهار جابهاا قدام عينيها تكات على ظهرهاا كتشوف في صقف و كتحرك في راسهاا بزربة كتهضر بينهاا و بين نفسهاا : شنو زعمة يعاودهاا و يجيب ديك خيتي لا ياسين مايديرهااش ولكن يقدر كيف دارها داك نهار يعاودهاا لا هو كيبغني و حناا مع بعض افف خوي راسك صافي نعسي هنن ياسين
أنت تقرأ
طحت معا بزناز (مكتملة)
Romanceبقلم : الكاتبة حسناء إس جي إم Hasnaa SGM قصة : طحت مع بزناز هااي لحيباانات صافا عليكم هنااا رجعت بقصة جديدة بقلمي أنا ✒ #Hasnaa_SGM ✒ 🚫لا أحلل نشر إلا بعد إذني مع إحتفاظ بالمقدمة و كوفر 🚫 هه شي حاااجة طوووب قصة...
