تنهدات تنهيدة طويلة طاحو معاها قطرات من دموعها و شهقة منخفضة خلات سائق يشوف فيها بحسرة حولات تمسح دموعهاا بالسرعة و جبدات الفلوس مداتهم ليه بصوت مبحوح : هاك أ سيدي كارتي كوبا عفاك نتمنى تزرب شوية
سائق : طريق بعيدة بزاف أبنتي من هناا لهيه شي ساعة لاروب الا زربت نوصلو في نص ساعة
إكرام بتنهيدة حزينة : لا عفاك غير سوق على خاطرك متزربش راني حاملة و اصلا كنخاف من سرعة
سائق بإبتسامة : واخة أبنتي الله يكمل عليك و يثبتوو ليك ياربي
إكرام بعمق دورات راسها لنافدة : أمييييييييين
ياسين لي كان كيسوق طاير وقف بطونوبيل قدام باب دار ديالهم لي في كارتي ياسمين طلات من سرجم لقات راسهاا في كارتي هي تدور عند ياسين بالعصبية : واش تسطيتي علاش جايبناا الدار خااص نديوه لكنينك راه كيمووت و دم مابغاش يحبس
ياسين كيحد صمطة بنرفزة كيشوف فيهاا من مراية : لي لتسطيتي إلا ديناه لصبيطار بحال الا قلناا لبوليس أجيو حبسوه
ياسمين : وعلاش بسلامة يديوه بوليس اش دااير كااع
ياسين : لا مداير والو غير مضروب برصاصة لي غيجبدوهاا و يفتحو محضر عليهاا يعرفوهاا بسميت عصابة لي كيتعامل معاهم بزناز ديال صاحبك و نغرقووو كاملين و منهم أنا فهمتي دابة
ياسمين حركات ليه راسها بسرعة و شدات في يد أمجد : ولكن خاصناا طبيب لي يدااويه عيط على دااك باك بوليسي يدو واصلة في بلاد يشوف لينا شي حل
ياسين خرج من طونوبيل كيهضر بعصبية و تحت سنانو ماباغيش يغوت حيث ناس ناعسين ماشي راعاا ليهم ولكن حتى واحد مخاصو يقشع شنو واقع : متصعريش دين مي الله يرحم باك دابة نصدق فادي فيك عصاب لي ركبات فيااا ختك
حل باب كيحاول يوقف أمجد ساندو على كتافو و مدوى ليه يديه على عنقو هبطات معاه ياسمين و هي لاصقة في أمجد غير شداه عطاهاا ياسين سوارت حلات باب بزربة و هي كتقفقف أما ياسين غير كيدور عينيه في درب و سراجم ليكون شافهم شي واحد دخلو و ياسين طلع أمجد مباشرة لبيتو لاحو فوق ناموسية حتى جاا مهدود بحال شي جثة حيد ملابس ديالو فوق بقاا غير بسروال تجين أما ياسمين مسكينة طلعات حدا أمجد كتمسد ليه في راسو حتى تنهض فيهاا ياسين : هيه انتي نوضي تقلعي جيبي ليااا بانيو ديال ماء دافي و فوطة و جيبي حتى بريكة
ياسمين شافت فيه بتساؤول عينيها حمرين ببكاء : علاش شنو باغيهم
ياسين غوت عليهاا بقلة صبر : وااانوضي جيبي زمر إلا بغيتي زمرك يفيق
ياسمين قفزات و ناضت كتجري مشات تجيب ليه شنو طلب منهاا أما ياسين قاد أمجد فوق سرير و نعسو على كرشو جبد موص سبعة نقشات من جيبو و شرك ليه حوايجو فوق و حيدهم ليه حتى بقاا صدرو و ظهرو عريانين و ديك ضربة بانت جات بين ظهرو و كتفو غاارقة بزااف و كتنزف لتهبات بزااف حمد الله منين جات غير تماك و و قرطاسة مدخلاتش دابة أما حتى داك نبض ضعيف يوقف ناض لحمام بالسرعة غسل يدو و عقمهاا جبد علبة إسعافات عندم تماك و خرج راجع لعندو الأول حاجة دارها بداا كينظف ليه في جوانب و يمسح ليه دم باش يعرف منين غادي يبداا هادشي هوماا ماشي الأول مرة يتعرضو لهادشي الا بان لينا بلي ياسين مان مبرد مابينش عليه خوف بزاف حيث هادي هي حياتهم تضربو و تجرحو و ضواو راسهم و وقفو بوحدهم قلبهم تكلاصاا من جيهة هادشي و هوماا ديماا منوضينهاا مطيفات في دروبة بسيوفة و مااص عاد حفرة منطقة معروفة تماك بجميع أنواع إجرام كيدوروهاا مسباقات بيناتهم بجناوي كبار و لي لاح لحديد هو الأول كيحط الفلوس للمنافس ديالو هدشي عندهم عادي و ماكيخلعهمش و خصوصاا حاكم كارتي كوباا تايغر و من لا يعرفه عمرو يحني راس غير هاز راسو لسماء يقدر ينوض دابة و يمشي يخدم عندو عاادي نفسو حارة و مايخليش ضربة طيحوو
أنت تقرأ
طحت معا بزناز (مكتملة)
Romanceبقلم : الكاتبة حسناء إس جي إم Hasnaa SGM قصة : طحت مع بزناز هااي لحيباانات صافا عليكم هنااا رجعت بقصة جديدة بقلمي أنا ✒ #Hasnaa_SGM ✒ 🚫لا أحلل نشر إلا بعد إذني مع إحتفاظ بالمقدمة و كوفر 🚫 هه شي حاااجة طوووب قصة...
