طحت معا بزناز (مكتملة)

الجزء 71

دوز يدو على نيفو بالهمجية كينهج بجهد ذاتو ولات كترعد بحال إلا كيتسيف وقف وهو تالف معارف منين يدوز شد على راسو كيحاول يتكالماا ولكن والو وقف صامد شحال و ياسين و ناصر كيشوفو فيه بالترقب عارفين مرحلة لي وصل ليهاا ... أمجد فقد سيطرة على راسو هز ديك طابلة ديال زاج حتى هزهاا و خبطهاا مع الأرض حتى تشتات طالق غوة بحال زئير تنوض ميت من قبرو : إلا هاااذيييي لااااااا إلااااا هاااذي نقتلك نقتلااااااااااك

وقف كينهج بجهد ولا كيتقطر بعرق وجهو حمررر و عضلات جسمو تنفضو حتى من عروقة يدو برزو ولا كيف وحش جااعر ياسين و ناصر وقفو مصدومين من حالو ماقدروش يهضرو حيث عارفينو فاش كيوصل لهاد مرحلة ديال الأعصاب يقدر يدوز فيك كيف طراام مشتتك
أمجد دوز يدو على وجهو ولا بحال مسطي ملامح وجهو ممفرزين كيبدلهم كل ثانية كأنه وسط حرب من إنفصام تخلطو عليه لعرارم و عينيه تعمات ولا كيحس بزمة طالعة معاه بلع ريقو حتى تحركات تفاحة آدم في حلقو يدو كترعد هز بيها سوارت طونوبيل قشع واحد سلاح في صمطة ديال سروال ناصر خداه بالسرعة و خرج كيسارع في خطواتو ركب طنوبيل و تحرك بيهاا بالسرعة حتى عواجت في طريق مخلي غير العجاج وراه خرجو ياسين و ناصر كيجريو وراه لقااو غير ريح
ياسين شد على راسو كَيْنَيَرْ غادي جاي : نــــــاري نــــــاري نــــــاري صافي قفارت خوناا ناوي على شي بلان مقود

ناصر حك على دقنو ڭارن حجبانو : كاينة شي حاجة تماا نخاف يتهور و يستعمل سلاح ديال المخزن نصدق واحل فيها غير أناا

ياسين شاف فيه بالعصبية : الله يهديك أ لواليد حتى انت هدشي فاش كتفكر و ماعرت خونا معامن منوضهاا عوتاني غير وصلوه شي تويشيات في تيليفونو شافهم كحل بالعماا

ناصر ضرب برجلو مع حيط كاره : زهر مريض عندي لي بلاني بقوادة بحالكم أنت بضبط كون عرفت راسي غنولد بحالك بربي مانح__وي مك

ياسين : تااجمع راسك أ واليد براكة من تخصار هضرة و قيل عليك مُيِ خليناا نفكو حريرة أمجد لي باينة فيه ناوي يطيح شي روح هاد نهاار غير الله يسر و صافي

ناصر رجع المحال و تبعو ياسين هز لافيست ديالو لبسهاا خداا سوارتو و بزطامو ناطق : انا ممساليش نفك هاد لحريرة ديالو عندي شلا مطارق خاصني نضربهم منين يرجع لكيدار صوني ليا حيث باينة ماغيرجعش دابة غنحاول نشوف كيف ندير نعرفو فين مشا باش ما كان تيليفون بيناتنا خدمة عند راسي هاد الأيام
ياسين مد ليه يدو تسالمو سلام رجالي حار

ناطق فيه ياسين : يله سير الله يعاون و سلم لياا على جميلة و داك سكايري ديال ولدك

ناصر تنهد بفقدان الأمل : كلكم سكيرية من صغيركم لكبيركم

ياسين ضرب على كتفو بطز : كنشبهو ليك أ كبيرنااا

ناااصر حرك راسو بلا حولا و خرج ركب في طونوبيلتو تحرك خاوي بلاصة أماا ياسين تلاح فوق فوطوي كيفكر في بلان ديال أمجد جبد تيليفون صونا ليه ولكن ماكيجاوبش طالع ليه طافي ؛ في آخير وقف باش حتى هو يخوي حفرة حيث هو بوحدو لي باقي كيدور فيها قبل مايخرج طاحت عينو على داك فانييد لي جاب ناصر بقاا كيشوف فيه شحال هز كتافو بعدم إصغاء و مشاا هز واحد خمسة حبات كمشهم في يدو دارهم في واحد بلاستيكة صغيرة خشاهم في جيبو و خرج ساد محلات ديالو و ديال أمجد قالب دورة مكمل على رجليه من حفرة حتال الدار ....