💦Hasnaa SGM💦
🔞طحت مع بزناز 🔞
شرقات شمس الصباح و بداية من عند ياسمين لي كانت ناعسة اليد في جيهة و رجل في جيهة و شعر مشعكك حتى حلات عليهاا سلوى باب بجهد : تبارك الله و صلى على نبي لالة ياسمين باقة نااعسة تبغي نطلعو ليك الفطور حتال لعندك ولا عرفتي نوكلوه ليك حسن بلاماا تمحني
ياسمين زفرات و هزات لمخدة دارتهاا فوق راسها و كتناني : صباحتو الله
سلوى كتنهض فيهاا مشاات حيدات عليهاا لغطاا : واقليلة دراع ولي مضحكة فياا جيران نوضي تgعدي برااكة منعااس راه لي قضاا شي حاجة راه قضاهاا و أنتي باقة مجبدة لياا هناا
ياسمين نضات كترطاا وقفات فوق سرير : أش كاين أش بغيتي مالناا على هاد نgير على صباح واش غير تفكيت من صداع حكيم خرجتي لياا أنت واش محرشك علياا
سلوى حتات عليهاا بقرصة من لفخض : تعالي ضربيني نيت وليت أناا بنت و أنتي مي يااك الكلبة خارجة لتريكت بااك كون خرجتي غير كتشبهي ليا ولا لختك
ياسمين شدات بلاصة قرصة : أحح وتي مالكي على صباح واا غير قولي لياا واش أنا مربيني هو يقول طلعتي لطاسيلات مك وأنتي تقولي طاسيلات باك هذا الله معاكم أحناا نضناا شنو بغيتي ..
سلوى : غسلي وجهك و زيدي تبعيني تسخري جيبي خبز باش نفطرو ..
ياسمين زفراات بغيض : وااعع واش منيتك فين هي إكرام سخريهاا أناا مافياا لي يتسخر أو راه هي تمشي
سلوى حطات يديهاا على خصرهاا : وااعقلي على هااد حالة لي درتي لياا مزيااان لماا نخرجهاا منك راه منتسماش سلوى بناني إيواا يالالة أنتي لي غتسخري إكراام مكيناش مشاات تسجل في لفاك هاذيك حيث باغة تقراا ماشي بحالك لقراية لا دراع ديال شقاا زناقي كاملين درتي عليهم و كون غير بعداا كنتي تجيبي شي نقاط مزياان ولا مأدبة بحال لالياتك ندوزوهاا ولكن معاك أنتي هذااا الله
ياسمين هبطات غادة في إتجاه حمام : وصافي أنتي سمعتيناا نثر و قصائد زجل هبطي أحنااا جايين
دخلات ياسمين الحمام غسلات وجهاا و خرجاات حسات بوجعة صغيرة في كرشهاا مدتهااش فيهاا و مشات لبسات سروال كيطمة في بيض و ميني بوط في نفس لون سماطي مغطي غير صدرهاا جمعات شعرهاا gرينات صغار على شكل كعكات مهملة و دارت كسكيطة حتى هي في بيض و لبسات كلاكيطة كحلة و هبطات لقات سلوى في كوزينة كتعمر أتاي خدات من عندهاا الفلوس و خرجات قاصدة مخبزة لي دازت من حداه تبقى شادة معاه لحتيت .. دخلات مخبزة و خدات شنو و بغات و مع خرجة تلقات مع أمجد داخل ليهاا كان لابس سروال كيطمة في كحل و قبية في نفس اللون و داير نظاظر في عينيه .. شافتو ياسمين سرطات ريقهاا و حدرات راسهاا حولات تفدااه و متدير حتى شي حاجة صغيرة لي تخليه يشد فيهاا عوتااني وقفات حلات ليه طريق خلاتو يدخل عاد تخرج .. هو وقف بقاا كيطلع فيهاا و يهبط حابس عليهاا طريق بخ دخان ديال سجائر في وجهاا حتى غمضات عينيهاا و حولات تبقى محافظة على هدوء ديالهاا .. أمجد عظ على شافيفو و ضحك بستهزاء قال مع راسو راه بدات كتربى شوية .. و زاح ليهاا طريق دخل هو و هي تمات خارجة رجع دور راسو فيهاا وهي خارجة كيشوف فيهاا وهي غاادة من لور حتى قشع شي حااجة حمرة في سروالهاا صغر عينيه مزياان شداتو ضحكة و مشااا تبعهاا و جرهاا من يديهاا غادي محيدهاا من حداا بشاار .. هي خرجات عينيهاا و قفقفة شداتهاا معرفاات مالو عوتاني حيث هاد مرة مدارت تحااجة داهاا لواحد القنت و وقفهاا حدا حيط .. و حيد قبية ديالو بقا بصدرو عريان و مدهاا ليهاا هي لي بقات غير حالة فمهاا فيه و في صدرو لمبودر حتى هضر معاها بصوت خشن : لبسي هاادي
ياسمين هزات فيه عينيهاا و كتشوف فيه بدون وعي : هاااا
أمجد حس براسو غادي تبداا طلع ليه دم : شدي لبسي زمر متصعرينيش صباح هذاا
ياسمين عاد فاقت على راسهاا و بدات تفتف في هضرة : و وعلاش
أنت تقرأ
طحت معا بزناز (مكتملة)
Romanceبقلم : الكاتبة حسناء إس جي إم Hasnaa SGM قصة : طحت مع بزناز هااي لحيباانات صافا عليكم هنااا رجعت بقصة جديدة بقلمي أنا ✒ #Hasnaa_SGM ✒ 🚫لا أحلل نشر إلا بعد إذني مع إحتفاظ بالمقدمة و كوفر 🚫 هه شي حاااجة طوووب قصة...
