🔞طحت مع بزناز 🔞
من بعد ماكمل ياسين هضرة في تيليفون رجع جلس حداها كيحاول يبان هادئ أما حتى إكرام فامنين شافتو جاي نشفات عينيها بالزربة و تصرفات عادي مصغرة فيه عينيها : ظاهر كان هاد إتصال مهم غير تجاهلتيه في الأول شكون لي صوناا ليك
ياسين حنحن ببرود كيحك على ذقنو : ماشي شي حاجة غير داكشي ديال الخدمة و صافي
إكرام بلعات ريقها بغصة عاضة على شفايفها حيث كذب عليها كون قال ليها بعدا حقيقة كانت مغاديش تاخد موقف بهاد جدية ولكن قلبها بالسرعة لقى ليه عذر و قالت يمكن ماشي كيف كتخايل حيث هو راجلها دابة و كيبغيها ماشي كيف الأول و بلي ديك بنت رجع معاها غبر حيث كان معصب منها أما دابة حتى واحد مايقدر يفارقهم تنهدات تنهيدة طويلة و بتسمات رجعات كتهضر عادي بنفس حنيتهاا : أحم واخة ماشي مشكيل غير مرة جاية منين نخرجو مع بعضناا ولي خلي طيليفون في دار باش مايدورونجينا حتى واحد أكي
ياسين ضحك بحب و شد ليهاا يديها باسهاا : واخة ا زريقتي و نوارت قلبي
بقاو جالسين حتى جابو ليهم طلبية ديالهم لي كانت عبارة عن وجبة فطور و تشاركوها في جو لايخلو من ضحك و قهقهات ياسين متعالية و غزل ديالو بأنثى لي قدامو و هي بدورها كتبتاسم ليه بحب و خدودها قربو يطرطقو من الحشمة ...
..........
أمال هزات فيه عينيها بصدمة و نطقات بخفوث : شنوو
عثمان : كيفااش شنو أنا بغيت نجي نخطبك من داركم و نتزوجو و مريضناا ماعندو باس منها غادي نصلحو لغلاط ديالنا واخة أنا معتابر راسي ماغلطش و منها نيت نربح رهان لي ديرو بيني و بين نفسي بأنكي تولي ديالي
أمال شافت فيه بنظرات غريبة و قالت تحت سنانها كتورك على هضرة : هدشي مايمكنش أنا مانقدرش نتزوج بواحد بحالك و من فوق كتراهن بيااا اش هاد وقاحة فيك
عثمان ضحك بالسخرية : و صراحة أنتي هي متضرر وحيد من هاد القضية حيث اصلا رهاني ربحتو حيث حلفت حتى تكوني بين يدي (قرب منهاا و هز خصلة من شعرها سارد كيلعب بيها في صباعو و كيهضر بقمة استفزاز) و داكشي لي وقع نيت لعبت بجسمك كيف بغيت و سلبت منك شرافك و في آخير أنا كنبقى راجل أنتي لي بنت غادي يعيب عليك بنادم و انتي عارفة مجتمع ماكيرحمش و خصصا الا مرحموكش والديك هوما لولين هدشي علاش خاصك تقبلي بهاد زواج يا بخاطرك يا بزز منك حيث أزوينة (ضرب على نيفها بخفة و قال بالتهديد) و ليتي كتعرفيني الا حطيت حاجة بييو كنفدها
أمال بلعات ريقها كتنفس بجهد و عصبية : شنو كتقصد بكلامك واخة هدشي كامل لي درتي فيا مزال زيدهاا بتهديد اش عندك مادير
عثمان زفر بالعمق : فيديو غادي يشفوه والديك و لا أناا لي غادي نديه ليهم بنفسي و غندير فيهاا واحد بعقلي و بلي باغي نسترك و ديك ساعة بزز منك غادي توافقي و غتكون صورة ديالك خايبة بزاف في عينين والديك هدشي علاش ديري عقلك و وافقي بخاطرك و منهاا تجي لعندي بعزك ماشي وحدة مزوجة بواحد غلطات معاه
أمال تجمعو دموع في عينيها و شافت فيه بفقدان الأمل : شنو درت ليك علاش هدشي شنو غادي تربح الا تزوجتي بياا أنا بنت بسيطة و حتى انني مازويناش بزاف من فوقها كنكرهك اش من رباح عندك بيا علاش متشوفش شي وحدة عندها الفلوس و زوينة بزااف علاش أنا بضبط
عثمان جرها من خصرها ضارها في صدرو و نطق ببحة هادئة و هو محني عند وجها و هضر قدام شفايفها : غادي نربحك أنتي غادي نربح بنت لي دق ليها قلبي من نهار شفتهاا و نساتني في بنات عالم كامل (كيف كملهاا طبع قبلة سطحية على شفايفها بدون مايحركم أمال غمضات عينيها عاصرة دموعهاا بقهرة و هي كارزة على يديها حيث مابقى عندها حتى حل حاصرها من كل جيهات سواء وافق و لا رفضات غادي يكون آخر مسارها معاه تأكدات شحال هو شخص خبيث و بلي الا نطق بكلمة كينفدها و أكبر مثال هدشي لي وقع بيناتهم اليوم فصل قبلة و هي كيشوف في عينيها لمدمعين لي فتحاتهم مصات على شفايفها و حولات تكثم بكائها) : أنا غادي نوافق ولكن عندي شروطي
عثمان بتاسم بإنتصار و قلبو تهز من بلاصتو بقوة فرحة : تشرطي كيف بغيتي مهم تكوني ديالي
أمال خدات نفس عميق و نطقات بصوت مبحوح : غادي تمسح فيديو لي مصور ليناا حيث أنا وافقت و ماعندك مادير بيه مزال و دابة قدام عيني
عثمان صغر فيها عينيه و نطق بالسخرية حس بيها كتستغباه الا مسحو دابة غادي يخسر ورقتو رابحة و تقدر تقلب عليه وجهاا ضحك و قال بالجدية : غادي نمسحو مباشرة من بعد ما نتزوجو و براكة من هبال ديال والو راني ماشي مكلخ ازين
أمال كرزات على يديهاا بالعصبية و هضرات كتغدد : أمم واخة و شرطي ثاني بغيتك تطلقني من بعد عام ديال زواج حيث أنا مانقدرش نستحملك حياتي كاملة
عثمان هز فيها حاجبو بالجدية : بلامااا تحلمي طلاق هو لي عمرو يكون هدشي علاش غادي تضطري تصبري حياتك كاملة
أمال عوجات فمها و قوات راسهاا ناطقة ببرود كتلعب عليه : إذا دير لي بغيتي أنا مابقيتش موافقة غير سير وري فيديو لمن بغيتي (بغات تخرج من بيت و هو يشدها من يديها مرجعهاا شافت فيه بجمود و قالت ) شنووو كاين علاش شادني
عثمان كارز على فكو بالعصبية و نطق فوق خاطرو : وااخة
أمال بانت نصف إبتسامة على شفايفها بإنتصار : شنو لي واخة
عثمان بالعصبية : نطلقك من بعد عاااام
أمال بتسمات و حطات يديها على صدرو كتقاد ليه في سليبو لي تكمش و هي هازة فيه حاجب : إذاا متافقين غادي نهبط دابة نخليك
أنت تقرأ
طحت معا بزناز (مكتملة)
Romanceبقلم : الكاتبة حسناء إس جي إم Hasnaa SGM قصة : طحت مع بزناز هااي لحيباانات صافا عليكم هنااا رجعت بقصة جديدة بقلمي أنا ✒ #Hasnaa_SGM ✒ 🚫لا أحلل نشر إلا بعد إذني مع إحتفاظ بالمقدمة و كوفر 🚫 هه شي حاااجة طوووب قصة...
