خرجات و سدات باب وراها خلات هند متنهدة بقلة حيلة و ناضت دخلات دريسينك لي أصبح مقسم لجوح جوايه قسم ليه و قسم ليها خدات ليها كسوة قصيرة على شكل منطو كحلة و مخطة بصمطة ديالها لبساتها مع كعب عالي في الأسود طلقات شعرها الأسود ورا ظهرها و خرجات هابطة التحت كتمشى بإستقامة و ثبات ...
نازلة درجة درجة و من حدها كتنزل وهي كتوسع عينيها بالصدمة وهي كتشوف أسد واقف وسط صالة معاه جابر الإدريسي و نائل كيهضرو ...
تصمرات في بلاصتها مابقاتش قادرة تزيد خطوة تخنقات ؛ ولات كتفكر تقلب طريق و ترجع للبيت ولكن فضحها ليث لي كان خارج من جردة شافها و غوت ليها خلا كل يتلفتو لجيهتها
ليث لي مشا وقف حد باباه : ماااماااا
هند كرزات على يديها مغمضة عينينها بشدة عاضة على شفايفها بلعات ريقها بصعوبة و دارت شافت فيهم بملامح مخطوفة
أسد شافها و بتاسم هاز فيها حاجبو بتلاعب : هند مالك واقفة تما تعالي للهناا آ حبيبتي
جابر و نائل كانو كيرمقوهم بدهشة طاغية غير كيدرو عينيهم مافاهمين والو ؛ هند لي حدرات عينيها الأرض بتوتر خدات نفس عميق و كملات خطواتها نازلة للعندهم .. غادة في إتجاه أسد باش كتوقف حداه وهي و توتر واخد منها بسابو تفركلات في مشية مع كعب ؛ لي تلوى ليها تعكلات كانت غادي طيح جاب الله كانت قريبة للأسد و حكمها من خصرها قبل ماطيح ... تنصلات ليها فردة من حذائهاا
أسد عقد حجبانو بنوع من إنزعاج ممزوج بقلق : صافاا ؟؟
هند شافت فيه محركة راسها كانت باغية تحنى تلبس فردة حذائها ولكن وقفها أسد بيدو على بطنها ناطق : غير خليك أنا غادي نتكلف ؛ تحنى عند رجليها خايد فردة كعبها هز ليها رجليها بالشوية و لبسها مدوز يدو على حمورية بسيطة تكونات إثر إلتواء كعب (عظم) رجليها
وقف مدور يدو على خصرها : ياكمااا توعتي ؟
هند بهمس : لا لا عادي
حرك ليها براسو و شاف في جابر و نائل مزيد هند عندو بإبتسامة : كنقدم ليكم هند مراتي
نائل هز حاجبو معوج فمو بإندهاش : مراتك !!
أسد حرك ليه راسو بتأكيد : سي مراتي و مامات ولدي ليث (حط يدو على راس ليث) ولدي سلم على عمك
ليث بتاسم و تحرك عند جابر هاز فيه راسو : سلام عمو جابر ؛ نااائل بونجورنوو
جابر خربق ليه شعرو مبتاسم بتصنع باقي كيحاول يفهم شنو واقع أما واحد نائل باقي مصدوم
أسد مداعي جهل : آآ آه منين كيعرف سمياتكم هذااا ؟ ولدي منين كتعرفهم ؟؟
ليث ببراءة : جابر عمو لعمو ياسين و نائل خوه لعمو يااسين
أسد : ياااسين ؟؟
في هاد اللحظة هند ماكرهاتش الأرض تنشق و تبلعها قدمااا هي متوترة من ردة فعل جابر و نائل قدماا هي خايفة من أسد و شنو يقدر يدير فيها و طامة كبرى هي إلا جابر ولا نائل عاودو هادشي لياسين كظن أنها مغاديش يبقى عندها للوجه لي تشوف فيه بيه ...
جابر بحجرشة : ياسين ولد خوياااا
أسد بخشونة : ولكن منين كيعرف ولدي هاد ولد خوك
هند شدات يد اسد كارزة عليها ناطقة بنبرة ترجي خافثة : أسد عفاااك
أسد همس ليها بفحيح : ششش حبيبتي
هي حنات راسها الأرض ساكة بقا ليها بكا تبكيه من هاد موقف لي تحطات فيه ؛ شيئ لي لاحظو جابر و قراها طايرة بلي علاقتهم فيها نوع من ضغط و ديكتاتورية من جيهتو ديك ساعة نطق موضح : صراحة هند صديقة العائلة من هادي عاميين تقريبا تعرفنا عليها عن طريق ياسين ولد خويا ؛ تقدر تقول صديقتو
أسد بتاسم بغيض : صديقتوو ؟
نائل بالسرعة : صديقتو و بحال ختو ؛ أحم خويا مزوج و عندو بنت الله يصلح
ليث عوج فمو بالغيض طفولي : ديك مشة خايبة افف
نائل خرج عينو مبهور : الله و أكبر ديك مشة خايبة إلا غير بكيناها ناكلو عليهااا العصااا من عند باها أبااا ليث
أنت تقرأ
طحت معا بزناز (مكتملة)
Storie d'amoreبقلم : الكاتبة حسناء إس جي إم Hasnaa SGM قصة : طحت مع بزناز هااي لحيباانات صافا عليكم هنااا رجعت بقصة جديدة بقلمي أنا ✒ #Hasnaa_SGM ✒ 🚫لا أحلل نشر إلا بعد إذني مع إحتفاظ بالمقدمة و كوفر 🚫 هه شي حاااجة طوووب قصة...
