طحت معا بزناز (مكتملة)

الجزء 7

💦Hasnaa SGM💦
🔞طحت مع بزناز 🔞

حكيم لي كان جالس في طابق لعلوي مع شي رجالة مجمع معاهم كيشربو قهوة و كيلعبو لعبة طااولة حتى سمع صوتهاا لي داير بحاال زوااكة خلا  كلشي رجالة لي في قهوة يشوفو فيهاا و مشاا كيطل عليهاا من الفوق و كيفاش كتنتر غير بوحدهاا و منوضاهاا هي و سرباي لتحت خلاهاا حتى كملات و نزل ليهااا .
ومع ياسمين خفيفة وقدهاا قد كمشة جاا من وراها  وجر ليهاا كرسي جات طايحة على طوغمة ديالهااا و بدات كتوحوح : أح أح أش هاادشي شي زلزاال هذاا
حكيم نطق وهو باغي يقتلهاا على هاد طيران لي فيهاا شوهااتو في درب و مزال باغة تشوهو هناا : غتنوضي تهزي تمشي لدااركم و لا نوض فيك زلزال ديال بصح
ياسمين هزات فيه عينيها و تنهداات : أفف حكيم حشومة عليك شوف راه كنتي غترزيني في موخاا ديالي كنتي تقول لياا غير سيري نمشي (كلشي لي في قهوة بداا كيضحك و حاكيم حشم وهضر تحت سنانو) : غتنوضي تغبري تمشي بحالك ولا نطحن موك هناا قدام بشاار نفرجهم فيك حسن ليك سيري بكرامتك ولا تمشي بشوهتك
ياسمين ناضت من على الأرض وهي كتعوج : حكيم أ كنقصد بابا زين عالم شوف جبتلك ماا تحنجر أحم زعمة جبت ليك غدااك حتال هناا باش نااخد رضااك
حكيم خنزر فيهاا : مباان لياا والو غير أنتي واقفة هناا بحال أسبرو كترطااي (ياسمين دورات راسهاا لإكرام لي باقة واقفة تمااك و شيراات لباهاا ) : لا راه جبتو أناا و ختي الله يبارك
حكيم : شتي مولات لعقل ومرضية باها كيف واقفة تمااك متبتة ماشي بحالك فيك ميترو و فينماا مشيتي كتدي شوهتك معااك
ياسمين ميقات فيه و بدات تلعب بشعرهاا : و صافي أحكيم عيقتي براكة من حشياان لهضرة راه حناا كامليين كنعرفو ليه بغيناا غير نبانو زعمة راه كنحتارموك و زعمة راني مرضية على أقل يشوف فياا شي تيتيز في هااد قهوة يجي خطبني من عندك تهنا و نهنيكم معايا ولكن شكون خلاك منين خرجتي أنت الأول لعيب ماشي مشكيل دابة غتعطيني واحد خمسين درهم بغيت نطبع شي ورااق باش نحفظ و نمشي نغبر كماارتي
حكيم جر ياسمين من شعرهاا غادي مخرجهاا حتى وقف عليهم داك سرباي هاز كأس عصير و هي تنتر من حكيم : رحم بااك خليني غير نشرب هااد لكويس و نخرج بلا صداع بلا شوهة الله يسهل عليك آ أبي العزيز
حكيم هضر تحت سنانو : خوديه شربيه تشربي فيه سم
ياسمين نقزاات عليه باستو و خدات داك كأس لسرباي و خنزرات فيه : حكيم شوف جري على هااد خوناا راه غيهرب ليك لكلياان مكيعرفش كيفااش يتعاامل مع أنثى (حكيم بغاا يرجع يشدهاا و هي ترجع بلور و هزاات داك كأس ) صافي صافي غنشرب و نخرج  .. بدات كتجغم من داك عصير بشوية و تبنن فيك كتختابر صبر حكيم .. حتى جاات عينيهاا في عينو و ملامح وجهاا تلاشاات بشوية gاع ديك طيارة لي كانت فيهاا شافتو وهي تمشي مع ريح  .. طاح ليهاا كأس من يديهاا و بدات كتفتف غير بوحدها و هو بتااسم بخبث و دار ليهاا باي باي بيديه و رجع دوزهاا على عنقو بمعنى نشدك منرحمكش .. ياسمين بقاات كتشوف فيه و سرطات ريقهاا و مشاات نقزاات شدات في حكيم من يديه كارزة على دراعو وهي باقة حضيااه كيتحلف عليهاا براسو : ب با بابا ي يله يله نخرجوو من نااقص من شي عصير مبقاا عندو منين يدوز
في الحفرة كانت تمااك دنياا مقلوبة و دراري دايرين دائرة كبيرة بينااتهم و كيغوتو و كل وااحد هااز قراعة شراب في يديه و كاينين جوج دراري وسط ديك دائرة و هاازين سيوفة و لحمهم كامل كيشرشر دم كيضااربو ومع ولا عندهم هاااد نشاااط عاادي واحد كيتضرب لحمو و مكيحسش  ولوسط كان واقف حتى سكفاندري داير فيهاا حكاام و شراب مأثر فيه .. حتى تسمعو فرنااات ديال جوج ماطر كباااار جايين مكسيريين دراري لي كانو مجموعين فتحوو طريق ليهم حتى دخلو دائرة و عاد رجعو تجمعو .. هادوك جوج لي كاانو كيضاربو بسيوف لاحهم في الأرض و مشااو وقفو حداا الأخرين بقاا غير سكفاندري بوحدو واقف تمااك و كيشوف فيهم بحقد .. هوماا حيدو كاسك و هبطو من على لماااطر في دقة وحدة و وقفو قداامو مبااشرة تايغر كيف ديماا بملامح ديالو الحاادة و دون في وقت جدية راه مكيبقاش عندو مع ضحك ... مشااا دون هز دوك جوج سيوفة و قرب عند تايغر و لاح ليه واحد شقمو .. و بدااو كيدورو على سكفاندري بحال عقارب سااعة وهو مخدر بشرااب و كره ديالو كاامل باين وهو كيشوف فيهم  و تايغر كيلعب بسيف في يدو : سكفاندري يا سكفاندري مبغيتيش تجمع راسك و اليوم غنوري زا*مل بوك تايغر أش كيسوى باش تعلم ضرب كلامي في حيط و ترد لياا هااد البلاصة زريبة
سكفاندري دايخ و كيهضر غير بزز : شتي أنت وااحد ولد قح*بة و أناا مكتخلعنيش ههههه أنت مبغيتهمش يبدااو يشريو من عندي خاايف على سلعتك ياااك خايف ندي ليك بلاصتك كيف جيتي أنت و خديتي لياا بلاصتي هادي سنين ..
دون كان غادي قاصدو و هو يشدو تايغر بدراعو و دور ليه راسو بلا : طلق مني خليني نوريه لقح*ااب بشحال كيتقااامو
تايغر تنفس بعمق و شااف فيه بملامح حاادة : مااشي وقتهاا أ ياسين ماشي وقتهاا عندنااا وقت كامل باش نصفيوهاا لمو ولكن ماشي دابة مزاال وقيتو موصلاتش
رجع شااف في سكفاندري و لاح دااك سيف الأرض و حيد تجاكيطة بقاا بصدروو عرياان و مشاا قاصدو حتى وقف قدامو مبااشرة كيتبادلو نظراات حاادة سكفاندري شااف في تايغر شوفة ديال لغدر و خشاا يدو في جيب لورااني ديال سروال وجبد موص و دربو بيه لجنبو و بداا كيضحك بحال لمصطي دون شافو فاش ضرب تايغر جااكيجري حتى حبسو بكلامو : بقااا في بلاصتك أ ياسين متقربش إلا مقتلنيش هاااد زاا*مل أنااا لي غنصفيهاا ليه ...
هو شااف سكفاندي منين جبد موص و مبغاش يحبسو كيجمع ليه حتى يفيض كأس و يفدي فيه لقديم و جديد .. هدشي علاش بقااا واقف كيشوف فيه بجمود ديك ضربة ديال موص جاتو غير بحال نغزة حيث هوماا مالفين هدشي ...
تايغر دور وجهو لجنب و خداا نفس عميق و جمع يدو على شكل قبضة و ديك دورة لي غيدور هز يدوو و ضرب بيهاا سكفااندي لحنك حتااا جاا طايح و حس بفمو تشتت .. معطاهش فرصة يستوعب رجع هزو من حوايجو حتى جاا واقف و مشادش توازن و بقااا كيدخل ليه في لكروشيااات حتى ولا دم كيخرج ليه من فمو خرج داك موص من جنبو و و شاف في سكفاندري بنظرات قاتلة و تحنى كيخسر ليه صدرو بلموص خلاه كامل دمياات و مليوح في الأرض و رجع هز تجاكيتو و شااف في دراري و بدااا كيغوت : شتييي أي ولقد ق*ح*بة سخن عليه رااسو و بغاااا يلعبهااا من وراااياا حق ربي خالق من رحمووو (شير لسكفاندري بيديه) و هااد شمااتة لي قدااامكم طال زماان ولا قصاار غنقتل حبوو و نخلييه عبرة لأي تااامل رباااا بيدراات و بغااا يدير فيهاا كاين و عقلو على هااد كماارة مزيااان يله فرتكووو جقلة ..
لبس تايغر تجاكيطتو  و شد في جنبو وعطاا إشاارة لياسين بااش يتبعو مشااا ياسين في إتجاه سكفاندري لي طايح هز رجليه حتال لسماء و ضربو لكرشو حتى غوت خلاه تماك طايح كيتمرغ و مشاا ركب في مطور و تبع تايغر لي كاان سبقو ..
داازوو ساعات و غربات شمس كانت نااعسة في بيتهاا حتى صوناا ليهاا تيليفون برقم مكتعرفوش كمشاات حجبانهاا و جوباات : آلو ..