بقات كتشوف في باب منين حطات يديها على صدرها لي قريب يسكت باغة تغوت بسباب إحساس لي شدهااا من جيهتو ولكن مقدراش شافت في شال لي عطاها بالتردد معرفاش شنو دير دوزات يديها على شعرها في آخير تنهدات قصدات حمام غسلات وجهااا باش ملامحها يبردو من بكااا و عودات جدادتو بطريقة خفيفة تنورو لاحت عليهااا داك كاب لي كان في أسود لامح مخبية كل من ظهرها و صدرها عراة عااد خرجات هزات بنتهاا وهي ناعسة عاد خرجات عندو لقاتو واقف براا كيخربق في تيليفون غير خرجات خشاه في جيبو و تقدم عندهااا خايد أريج من يديها برقة رماها في حضنو راسها على كتفو حط يدو على ظهر إكرام مزيدهاا قدامو غيى تمشات و بانو رجيلها و فخاضهااا عريانين من كسوة وقفهاا تحنى بالشوية ساد ليها فتحة شادها بين يديه هز فيها عينو بنظرة حادة نوعاا ماا : شدي زمر بقاي شاداها بين يديك ميبانوش رجليك
هي قلبات عينيها بملل كتغزز على سنانهاا شداتها و دفعات ليه يدو من على ظهرها بالنتير : نتمشى بوحدي كنعرف
الساعة تشير إلى 00.00
في وقت لي ظلام فيه الحال و أصبح فيه وقت متآخر الأمام فندق المقامة فيه الحفلة بحيث عتمات دنيا تماك بجاونبو فقط ضوء خفيف و ضجة جاية من داخل لي مستوحين مكان ختارق ديك ظلمة و سكون خارجي ضوء مجهد جاي من بعيد مع صوت عجلات سيارة قوية ... توقفات سيارة من نوع لمبغيرني في الأسود قاتم قدام فندق مباشرة حتى تسمع صوت إكتكاكها قوي مع سطح ... تحل بابها أمامي من جهة قيادة و تحطت رجل على الأرض بحذاء رسمي أسود و لامح ... باش يخرج منها ببنيتو ضخمة ككل بملابس رسمية سوداء كسوادو داخلي تحسينة شعرو منتاقضة مع زي ديالو بحيث محسن جناب و مخلي شعرو وسط راسم مجموعة من خطوط و أشكال غريبة على فروة راسو طايحين بعض من خصلاتو على جبينو حرك كتافو بإستقامة معوج عنقو يمين و يسار حتى تسمع صوت إنكسارو ... نفس وقفة نفس هيبة و نخوة نفس ملامح حادة و إقباض ملامحو خااسرة حجبان مكرونين سيفة خايبة عيون عسلية متوهجة ... سد باب سيارة من حداه تمشاا بخطوات لجهة ثانية من سيارة مد يدو خشنة بارزة بعروق للسيدة صغيرة موجودة داخل من بعد مافتح باب من جيهتهاا ... تحطات يديها رقيقة أنثوية فوق يدو شدد قبضتو عليها و زيدها معاه حتى خرجات بفستانها أبيض بارز معالم أنوثتهاا ناحثتها بشكل رائع بشرتها سمراء كتلمع و شعرها طويل بني نازل مع طولهاا حتال آواخر مآخرتها رافعة شوية من قصر قامتها بكعب عالي مزينة ملامحها بميكاب ترابي شافت في عينو و بإبتسامة بريئة على شفايفها .. غنكونو كنكذبو إلا قلنا أن هاد بنت غير هشة ... جااعندو شيفور لي من طرف عائلة ديالو كيجري خداا من عندو سوارت طنوبيل باش يتكلف بصفهاا .. أما هو فدور يدو على خصر محبوبتو صغيرة و تمشااا بيهاا داخل بخطوات وازنة ...
عند ياسمين لي كانت باقة واقفة معاهم بملل متبغاش يطلقها باهاا حلفها فيها حتى تبقى كتبتة حداه غير كتخنزر و ماعجبها حال ... محسات غير بشي واحد تلاح حداها مدور يدو على خصرها كيضحك قفزها : آخخ زين ولمن عطاااه الله
ياسمين شدات على قلبها بفزع : يعطيك ساحق و لاحق و رصاص متلاحق واش فينماا يزند عليك ضمير تجي تقفزني دير حس شوية أصااحبي
سليم : مال زين عالاااام مقلق مااالو
ياسمين حركات ليه عينيها جيهة حكيم و ظيفو ناطقة بهمس : آخويااا غير هاد حكيم باغي يطرطرق لياا مرارة و جايبني موقفي مع الناس مافيهاا مايصلاح
سليم دور عينو في فيهم و بتاسم ليهم بإحترام جات عينو في نائل لقااه كيخنزر
سليم بهمس لياسمين : مال داك خوناا كيخنزر
ياسمين بنفس نبرة رجعات تخنزيرة لنائل : هذااك راه همو هم و غمو غم غير خليني ساااكتة (شافت في حكيم لقاتو ملاهي في هضرة مع صحابو غمزات سليم بيديها) من حد بابا ملاهي سير جيب ليناا آحبي شي كويسات نبردو بيهم هاد حرقة لي وحلوها لياا هاادو
سليم هز ليها حاجبو بطنز : شتي منين كتبغي حاجتك كي كتولي حنينة و تعطيهاا لتبحليس حمدي الله عندك أنااا نخطاك ضربك تران سكران
ياسمين ضحكات ضاربة على كتفو بتشجيع : سير الله يرضي عليك آولد حورية رااك عزيز
سليم دور راسو كيضحك و مشاا جاب ليهم جوج كيسان ديال شراب و رجع عندهاا عطاهاا واحد و خداا واحد رجع دور يدو على خصرهاا مقربها لعندو : نشدك أبنت خالتي حدايا باش مايطمعوش فيك
ياسمين : ولكن غير تشوف شي شوقر دادي فسر طلقني خانشر جمال ديالي نصيد شي تيتيز و ندبر لخوياا في بلان ديال سوندوسااا
سليم طنااز و فين تلوعيب زهواني من دراجة عنيبة ولكن غير تجبد سميت سندس صاحبت ياسمين قلبو كيتزعزع كتعجبو و مسالية معاه من نهار كانت جات فاكونس جلسات مع ياسمين في رباط وهو حاط عليهاا العين
سليم قلوبة خرجو ليه من عينيه : الله حفظاك ليااااا
قرب ليهاا كيضحك طابع قبلة طويلة على حنكهااا وهي كتضحك وسط يدو مقربة كأس شراب لشفايفهاا سطح ديالو لامسهم بدون وعي عينيها هربو ليها جهة باب في ديك ثانية أو نصفها كأس طاح ليها من يديها حتى تشتت في الأرض قهقهتها و إبتسامتها واسعة بدات كتلاشى تدرجياا دقات قلبها صغير ولات كتخبط بالعنف و بشكل متسارع باغة تختارق جذار صدرها عينيها وساعو عند حدهم و صدمة بدات كتمكن منهاا ممزوجة برهاب لي حسات بيه أنفاسهااا مبقاتش منتاظمة تبعثرات مع مشاعرها رجليها فشلو عليها خارت قوة ديالهم كانت غادي تفقد توازنها طيح لولى تمسك سليم بخصرهاا وجها تخلطو فيه جميع آلوان طيف وهي كتعكس صورة ديالو بين عينيها
أنت تقرأ
طحت معا بزناز (مكتملة)
Romanceبقلم : الكاتبة حسناء إس جي إم Hasnaa SGM قصة : طحت مع بزناز هااي لحيباانات صافا عليكم هنااا رجعت بقصة جديدة بقلمي أنا ✒ #Hasnaa_SGM ✒ 🚫لا أحلل نشر إلا بعد إذني مع إحتفاظ بالمقدمة و كوفر 🚫 هه شي حاااجة طوووب قصة...
