ياسمين : ولكن خوك لي ضرب معايا حياتي ماقدرش يعرف بلي أنا ماديرة والو
يارا : عذريه فاش كيتعصب كتعمى ليه بصيرة و ماكيبقى يفرق لا بين الكذوب و لا بين حقيقة
ياسمين ضحكات محركة راسها بلا : توك توك توك آزين خوك ماشي كتعمى ليه بصيرة خوك واحد مريض بسيكو باط و خاصو يتعالج و أنا مغاديش نغامر براسي معاه حيث ديجا غامرت و خسرت
يارا بقات ساكة شحال كتشوف فيها في آخير تنهدات كتحك على شعرها : نساي عليك أمجد دابة داكشي بينك و بينو دابة جيت نهضر معاك أنا واش سمحتي ليا
ياسمين مشات جلسات في ناموسية متنهدة : الله يهديك أ يارا علاش غادي نسمح ليك حتى نتي
يارا : حيث هزيتي دقة عليا و كلشي سحاب ليهم نتي لي خرجتيني لكلوب و كذبتي على باباك على قبلي حتى طحتي في مشاكل كثاار سمحي ليا
ياسمين شافت فيها شحال راسها كيدور عليها باغة غير ترجع تحط راسها على مخدة و تنعس
يارا لبدات فيها عينيها : أحم أحم ماجوبتنيش صاافية يا لبن
ياسمين ضحكات واخة ماعند جد بو باباها كانة : عسل يا قشطة
يارا تلاحت عليها معنقاها : تصالحناا ياك صافي زيرو عداواا دابة
ياسمين : ههه واخة غير نوضي من عليا هرستيني أ طحبة
يارا ناضت من فوق منها كتضحك حتى شوية تفكرات شي حاجة وهي تعقدهم : أجي علاش بارح مادفعتيش عليا منين كان داك دري باغي يتعدى علياا بقيتي واقفة و كتشوفي فيا ماحشوماش
ياسمين زفرات كتحك على راسها : أختي تصدمت نكذب عليك راه فشلت سخفة شداتني عقلتي قلت ليك صدعني شي حد في تيليفون نوض نشوف شكون هداك راه أمجد غوت طيح فيا نص جيت باش نقولها ليك و نمشيو ساعة شفت لي شفت تبلوكيت موت شداتني
يارا بزعل : واخة هكذاك كان عليك تعاونيني
ياسمين ميقات فيها و ركلاتها برجليها مع كانت متكية لاحتها من فوق ناموسية : شوف ليك طحبة أنا كنقول ليها فشلت و موت شداتني وهي كتفشش عليا نوضي خرجي عليا من هنا عصبتيني نوضي خرجي
يارا وقفات كتحك في ظهرها : آ بالشوية عليك هرستيني (دورات عينيها في بيت) و زايدون غادي نبقى هنا نشوف شنو عندك هناا و نبقشش مع راسي كيف جيتي نتي و فليتي ليا بيتي داك نهار غندير بحالك
ياسمين جرات عليها غطى كتهضر : ديري لي بغيتي فوتيني غير عليك و خليني نعس يرحم باباك
يارا لاحت ليها بيزو في سماء : آكي مابيل
كانت جالسة في بيرو ديالها من بعد ماسلات آخر دوصي عندها هاد نهار واخة هكذاك كان عقلها مشوش و مامركزاش مزيان في خدمتها شافت شحال في ساعة لقاتها ستة و نص ديال العشية قبل ماتنوض باش تخرج طلات على سجل ديال ليزابيل لي كان عامر غير بمكلماتها ليه لي ماجوبهمش عليها أبدا خصة شداتها ماعرفاتش كيفاش غادي تقدر تواجه الموضوع حملها بوحدها تنهدات بشكل مطول يله هزات فيسة ديالها و سوارتها باش تخرج حتى تحال باي و دخلات منو سكرتيرة ناطقة
- مدام إكرام شي واحد بغا يشوفك
إكرام بإستغراب : شكون
- ماعرفتش مهم واحد سيدة قالت باغة تهضر معاك ضروري و صراحة هادي ثلاثيام وهي كتجي لهنا و ماكتلقاكش
إكرام حركات ليها براسها : دخليها
جلسات شادة على راسها من تعب ما إلا ثواني قلال حتى سمعات صوت طرقات خفاف على باب قالت دخل و هزات راسها تشوف شكون حتى كتصدم واقفة موسعة عينيها على حدهم منين شافت هند هي لي جات عندها ديك ساعة نفعلات وجها بدا كيتلون بالآحمر
إكرام : نتي شنو كديري هنا شنوو جابك
هند حنحات بخفوث : أحم جيت بغيت نهضر معاك في واحد موضوع إلا سمحتي مغاديش ناخد من وقتك بزاف
إكرام : لا ماعندنا فاش نهضرو خرجي علياا من هنااا دااابة يله سري بحالك
هند بلين : عفاك آ إكرام غير شوية عرفاك خايدة مني موقف و هدشي من حقك ولكن حتى أنا من حقي نهضر و نقول ليك داكشي لي كاين باش ماشي يبقى بالك ماشي بعيد و تطيحي في نفس غلاط لي وقعت فيه أنا شحال هاذي
إكرام كرزات على يديها مغددة : الله لا يحيك حتى نطيح في داكشي لي طحتي فيه و نولي كنبيع راسي برخيص ونخرج على عائلات عباد الله
هند بلعات غصة في حلقها وجها تبدل حولات ماتخدش في خطرها تنهدات ناطقة : أي حاجة قلتيها و إلا عندك حق فيها لي بغيت أنا دابة هو تسمعيني شنو غادي نقول ليك أصلا مغاديش نطول عليك بزاف (عوجات فيها راسها بهمس) إكرام عفاك
إكرام شافت حتى شافت وفي لخر جلسات مشيرة ليها تجلس .. هند بتسمات و جلسات بإستقامة حاطة رجل على رجل و يديها ناعمين فوق فخاضها خلاو عينين إكرام يمشيو لا إراديا لداك خاتم راقي و فخم لي لبساه في يديها يسرى .. من عند الله تقرصات و بدا كيدخلها شك مع ياسين مابقاش كيهضر معاها و لا يجاوبها في تيليفون حسات بزايد تزاد معاها ...
أنت تقرأ
طحت معا بزناز (مكتملة)
Romanceبقلم : الكاتبة حسناء إس جي إم Hasnaa SGM قصة : طحت مع بزناز هااي لحيباانات صافا عليكم هنااا رجعت بقصة جديدة بقلمي أنا ✒ #Hasnaa_SGM ✒ 🚫لا أحلل نشر إلا بعد إذني مع إحتفاظ بالمقدمة و كوفر 🚫 هه شي حاااجة طوووب قصة...
