داز نهار فيه تعشااا الليل و جااا صباح جديد كانو كيتمشاو وسط مول وهو مازين بزاف ديال أكياس في يديهم من مركات مختلفة مشهورة ياسمين بكسوة قصيرة زرقةمع سبادري و تجاكيط من فوق طالقة شعرها بإهمال غادة و كتنفخ عينيها كيدورو على محلات جنبها إكرام بكيطمة في غوز جامعة شعرها كوت شوفات من تعابير وجها باينة مفقوصة ديال بصح
إكرام : أختي واش مكتعيايش و لاوااه زتي فيه نهار كامل مجرجراني معاك مول كامل شريتيه
ياسمين : زيدي أختي وسكتي مزال مالقيت شنو بغيت و أون بليس باقي غاي ندوز لصالون نشد ليناا موعد لغذااا يله سربي سربي راك غير ماكتزيدي تعطلي فينااا
إكرام وقفات سخفانة : أختي إلا باقي عندك في جهد ماتزيدي غير زيدي أنا عيت هذاا الله أطط نوريك (حطات ليها أكياس ديالهاا كاملين في الأرض بقات محتافظة غير بجوج لي شرات هي) أنا خديت غير هاد بيسات مابقى عندي ماندير لهنااا غانمشي أختي بحلاتي و نتي كملي دورانك بوحدك مخليه بنتي مع ماما
بوحدهاا غتكون نوضات فيهااا شيب الله يعااون
قلبات طريق غادة وهي كتنفخ خلات ياسمين كتنكر من وراهااا ركبات طنوبيلتها و زادت الدار
منين صبح صباح وهوما كيدورو في مول ياسمين لي شافتهااا تشريهااا و مشكلة باقي ملقات ذوقهااا ضربات رجليها مع أرض بالتدمر شافت في شسيات لي في الأرض : وشكون يعاوني في هزات هاذو أنا أفففف
تحنات معنكشة هزاهم بتعافير غادة و كتعكل غير بوحدها بقات كدور من جهة لجهة تشوف و تشري حتى صافي مابقى عندهاا فين تزيد خرجات حطات أكياس في كوفر و دارت ركبات طنوبيل قاصدة أحسن و أشهر صالون تجميل تما ولي كتعامل معاها خدات موعد للغذاا مع العشية باش تقاد كلشي تماا تعرف غير تلبس و تزيد ...
هكذا دوزات نهار مشغولة توجد لهاد حفلة باغة تدير فيها يدين و رجلين وحلفهاا في حكيم حتى تدير عكس هضرتو و تخسر عليه نهاااارو ...
ظلام الحال كانت في بيتها جالسة فوق بيرو ديالهاا لي عندها تمااا لابسة بيجامة خفيفة صيفية جامعة شعرها بإهمال و دايرة نظرات شوف لعينيهاا محنية على دفتر تصاميمها كترسم فيه بدقة و تركيز قاطع صمت لي هي فيه صوت دخان عقادات حجبانها بإنزعاج ماكتحمش يصدعها شي واحد وهي خدامة كتقاد في تصاميمها حيدات نضاضر و ناضت على وعدها و سعدها حلات باب لقاتها خدامة هازة في ييديها بوكس في الأسود مع سينتاا في بيض شافت فيهم بإستغراب موجهة كلامها الخدامة
ياسمين: شنو هدشي واش ديالي
خدامة : آه ختي ياسمين وصلك قبيلة و نسيت ماجبتوش ليك يله تفكرت سمحي لياا
ياسمين خداتو من عندها كترمقو بفضول : ماشي مشكل واش عرفتي من عندمن
خدامة نفات ليها بلااا و ياسمين حركات ليها براسها باش تمشي : أك صافي سيري
دخلات سادة باب من وراهاا توجهات لسرير حطات بوكس و جلسات حداه كتحاول تكتاشفو من برا عاد من لداخل منين ملقات والو لتجآت تحلو و مع حلاتو و هزات داكشي ليه عينيها توسعو بالصدمة شاهقة بعدم تصديق : لااا مايمكنش
أنت تقرأ
طحت معا بزناز (مكتملة)
Romanceبقلم : الكاتبة حسناء إس جي إم Hasnaa SGM قصة : طحت مع بزناز هااي لحيباانات صافا عليكم هنااا رجعت بقصة جديدة بقلمي أنا ✒ #Hasnaa_SGM ✒ 🚫لا أحلل نشر إلا بعد إذني مع إحتفاظ بالمقدمة و كوفر 🚫 هه شي حاااجة طوووب قصة...
