طحت معا بزناز (مكتملة)

الجزء 37

ياسمين بقات مخرجة عينيهاا كتشوف ياسين أش غايدير حتى جاا وراه مباشرة وهي تدور عيشة عينيهاا لجنبهاا بان ليهاا ياسين و هي تبداا تغوت على ولدهاا : عبمولاا عنداااك شوف وراااك
ديك دورة لي غادي يدور و موص في يدو دوز بيهاا على صدر ياسين لي بسرعة تصرف و شد ليه يديه لاويهاا ليه و ضربو لحجرو بركبتو حتى جاا طايح الأرض كيتوجع ياسمين غير تفكات مشات تلاحت على عيشة جابتهاا طايحة و طلعات فوقهاا هزات براد ديال أتاي كقلوب في الأرض و نزلات بيهاا عليه لراس بقات كتعطيهاا و عيشة كتغوت عاد ياسمين لاحت براد و دارت فيهاا يديهاا كتريش فيهاا و ناضت سلوى تاهي واقفة شعرهاا مشنتف و دموع باقين في عينيهاا هزات صندالة ديال ميكة و بدات كتخبط فيهاا و تغوت : حكرتي عليا أ شرافة هنن حكرتي علياا أناا نوريك كلبة آخرى
بقاو كينزلو عليهاا بجوجات ماخلاو فيهاا غير لي نسااو أما داك عبمولا بااغى ينوض و هو ينزل عليه ياسين بي gبدة ديال موص لراسو دوخو حتى جا طايح رجع شدو من قردافتو جارو وراه و قبل مايخرج شاف في ياسمين عاقد حواجبو : عيطو لديك مرآة لبوليس و خليوني أناا غانغرق لمهاا دوصي ماتخليوهااش تخرج حتى يجي بوليس
خرج مع باب دار و هو جار معاه عبمولا يله غادي يزيد خطوة حتى كتبان ليه جوقة في درب مجمعين على شي واحد و كيتغااوتو "بنت ماكتنفسش عيطو لابيلونص" ياسين دور عينو في زنقة كيقلب على إكرام بعينو ملقهااش تخلع و خصوصاا من ديك جوقة لاح عبمولا في الأرض لي أصلا داايخ و مشى كيتجارا داخل وسط جماعة حتى كتبان ليه إكرام طايحة في الأرض و حاطة يديهاا عل عنقهاا كتحاول تطلع نفس و والو بسرعة تحنى عندهاا حاضنهاا بين يدو و وجهو صفار بخلعة : إ إ إكرام مالك إكرااام واش كتسمعيني
هي كانو عينيهاا كيتغمضة و هضرة ماكتخرج ليهاا غير بزز و هزات يديهاا كدير بيهاا إشارة على شكل رابوز كتشير لفمهاا هو ماقدرش يفهم عليهاا و هي دموع في طرف عينيهاا كتشهق ياسين بغى يتصطى حيث ماقدر يدير والو بغى يهزهاا يديهاا لمستشفى حتى نطقات واحد مرآة : ولدي البنت واقيلا فيهاا ديقة حيث حتى أنا كيوقع لياا بحالهاا عتق شوف شي واحد عندو حيث ماغتجي توصل لسبيطار حتى تموت ليك بنت بين يديك
ياسين تصعق منين سمع ديقة بقى غير حال فمو حتى حركات ليه إكرام راسهاا بآه وهي كتلتاقط أنفاسهاا آخيرة الأول حاحة طاحت ليه على بالو هي دارهم أكيد غيكونو عارفين فين هاد رابوز لي كيهضرو عليه نااض كيجري داز على عبمولا ركلو و دخل كينهج بانت ليه ياسمين باقة كتضرب في عيشة مشى هزهاا من كتفهاا منوضهاا و كيغوت : رااابوز فين راااابوز
ياسمين : أي المرض طلق من يدي اش كتخربق اشمن رابوز
ياسين غوت بالعصبية حتى قفزهااا : و رااابوز ديال ختك فين رااه كتموت
هي خرجات عينيهاا بصدمة : ك كيفااش إكرام وااش عوتاني
ياسين نفضهاا بين يدو : وااقلا_&_وي سيري جيبي زمر و خرجيه ليااا براا متعطليش
سلوى ناضت كتضرب على فخااضهاا بخوف : أويلي إكرام بنتي فين هي اويلي بنتي
بسرعة تبعات ياسين لي رجع عند إكرام و جلس في الأرض خااشيهاا بين أحضانو كيطبطب ليهاا على حناكهاا باش تبقى فايقة : صبري هي غتجيبو صبري صبري صبري
إكرام حطات يديهاا فوق يدو لي في حنكهاا : غ غ غن غنموت هااء هااء