قفزات من سهوتها فاش سمعات طرقات على باب و صوت ولدها كينده عليها باش تخرج
ليث : ماما ماما كليت فطوري خرجي لبسيني راه غادي نتعطلو على ليكول
هند وقفات من الأرض كتمسح دموعها ناطقة ببحة : و واخة أ أنا خارجة سبقني
تحركات لشاس حلات ماء كتغسل في وجها متأثر ببكاء هزات فوطة مسحاتو ؛ عاد خرجات عند ليث لقاتو جالس في بيتو كيتسنى فيها مشات باستو في خدو ناطقة بإعتذار : سمح ليا تعطلت عليك اليوم مغاديش نديك مدراسة عيانة أولدي ؛ راه وصيت مدراسة باش يدوزو ليك اليوم بطرنسبور أك
ليث بتاسم ليها بحب : أك
تحركات لماريو ديالو جبدات ليه حويجات مدرسية لبساتهم ليه و مشات جمعات ليه كتوبتو في شكارة ؛ سمعات طرنسبور كيصوني ؛ شداتو من يدو و هبطات معاه التحت ركباتو و عطاتو شكارة كتضحك ليه باستو و رجعات بلور كتودعو بيديها غير غبر من عينيها جمعات ضحكة متنهدة بهم دوزات يديها على شعرها لي كان مجموع بإهمال ... و دارت طالعة الدارها مخلية عدسة كاميرة كتلتاقط ليها بعض صور من بعيد ...
عند ياسمين لي كانت ناعسة بعمق وسط صدر أمجد لي كان رامي عليها يدو متبثها في حضنو ؛ داعبات أشعة شمس ملامح وجها مرتاحة ؛ كمشات عينيها بإنزعاج زايدة مخبية راسها في صدرو وهي كتناني بنعاس ؛ ما إلا دقائق قلال حتى تسمعو طرقات بشكل مستمر زفرات ساخطة كتقلب متجاهلة طارق حتى شوية سمعات صوت من برا كينده عليها
_ آنسة ياسمين ؛ آنسة ياسمين (طرق على باب) إلا كنتي فايقة جاوبيني شوشتيني من صباح و أنا كندق
ياسمين بالنعاس : شنو كاين آختى فاطمة على صباح خليني نعس أممم
فاطمة (خدامة) : صيفطاتني عندك مدام سلوى ؛ كتقول ليك فيقي باش تفطري معاهم و تمشي للجامعتك تعطلتي اليوم ماشي من عوايدك
ياسمين ساطت ساخطة : أمممم واخة أنا جاية سيري نتي دابة
تنهدات حالة عينيها بالشوية كتشوف في صقف بسهوة صباحية كتفوه بغات تنوض تحرك يديها وهي تلقى راسها مزيرة كمشات حجبانها وهبطات عينيها تشوف شنو كيان ديك ساعة خرجاتهم بالصدمة منين لقات راسها عريانة و أمجد و درعان ثقال مليوحين عليها ؛ شافت حداها لقات أمجد ناعس على كرشو شعرو طايح على وجهو صدرو عريان ديك ساعة حيدات ليه يديه و ناضت بزربة من فوق ناموسية كتشوف فيه بصدمة جرات فوطة لي كانت تحلات ليها بالليل بحكم نعاست بيها ؛ لواتها عليها ساترة راسها وهي كتشوف في أمجد مرفوعة كتحك في شعرها ؛ عاد بدات كتفكر تدريجا شنو وقع البارح وبلي بات معاها يسحاب ليها راسها غير كانت ناعسة و كتحلم ساعة صدقات بصح
تسمع دقان عوتاني و هاد مرة كانت سلوى لي كتدق معصبة : ياسمين ... أ ياسمين واش باقة ناعسة الله يهديك نوضي تكعدي راه باقة تبعاك لقراية يهاااد بنت
ياسمين سرطات ريقها كتشوف في أمجد قلبها كيضرب : م ما ما را راه .. كنبدل ح حوايجي أ .. أنا جاية
سلوى : وخلاص حتى نتي يله سربي بدلي و هبطي
ياسمين : آ آه واخة اماما سبقيني لتحت أنا جاية
سلوى : واخة آبنتي و يله ماتعطليش
أنت تقرأ
طحت معا بزناز (مكتملة)
Romantikبقلم : الكاتبة حسناء إس جي إم Hasnaa SGM قصة : طحت مع بزناز هااي لحيباانات صافا عليكم هنااا رجعت بقصة جديدة بقلمي أنا ✒ #Hasnaa_SGM ✒ 🚫لا أحلل نشر إلا بعد إذني مع إحتفاظ بالمقدمة و كوفر 🚫 هه شي حاااجة طوووب قصة...
