إكرام حنات راسهاا مقلقة منو هو تنهد و شد ليهاا يديهاا باسهاا و جرهاا معاه يله غادي يتحركو حتى سمعو صوت كينده عليهم إكرام قلبهاا تهز من بلاصتو في هاد لحظة دارو يشوفو شكون لقااوهاا ياسمين كطل عليهم من السرجم : هيييه نتوماا تزيدو خطوة نشوهكم تسنااو الكفارة بلاه تسنااو أناا هابطة ليكم
بقاو كيشوفو فيهاا بإستغراب و هي دخلات من سرجم هزات بوليرة طويلة لبساتهاا فوق بيجامة لي كانت عبارة عن شورط حد لفخاض و ميني بوط ديالو هبطات بدرديكة مسابقة مع ريح حلات باب و خرجات عندهم
هي صونات ليها ساعة تيليفون لي كتفيقهاا لمدراسة حيث ديما كتحققها على داك وقت و اليوم مقرياااش صونات ليهاا فيقاتهاا من نعاس دورات عيينهاا في بيت مالقاتش ختهاا ستغربات حيث حتى إكرام معندهااش لفااك اليوم سمعات وشوشاات في زنقة و زاد إستغرابها حيث هاد وقت كيكون كلشي ناعس و درب كيكون خاوي طلات و هي تقشعهم كحلات بالعماا ...
و قفات عليهم خاطة يديها على خصرها كطلع فيهم و تهبط مصغرة فيهم عينيها : لفين أ براد و أنجليناا المغرب
ياسين ببرود : سوقك ياكماا نتشاورو معاك بااش نخرج مع مداام
ياسمين ضحكات بستهزاء : هاايو على مدام و تاانوض تكعد شفتك رجعتيهاا مدام ديالك عندك عليهاا شي وثيقة (شافت في إكرام بحسرة مصطنة) توك توك توك صافي تربية حكيم ضاعت هبئااا حتى لدرتهاا أناا جات معايا أما أنتي أ إكرام أنتي باغة تهربي معااه مع هااد راس برويطة غير ضحكت معاك داك نهار درتيهاا بصح
إكرام حنحنات بغات تجاوب قاطعهاا ياسين موجه كلامو لياسمين : ساليتي
ياسمين قلبات عينيها بزعااف : لا مساليتش و مغااديش نسالي فين غااادين حق الله ماتحركو حتى تقولو لياا لفين
إكرام بلعات ريقهاا بتوتر : حتى بلاصة غير خارجين مع بعض ندورو
ياسين ضحك بفقصة : علاش تكذبي على هااد زطيو نح غير قولي ليهاا راه غادين تزوجو متخلعكش هااذي أناا نعرف نسد ليهاا فمهاا و لا نعيط على لي يسدو ليهاا
ياسمين وسعات عينيهاا و نقزات من بلاصتهاا كتضحك و تصفق بيديها : متقوليش ليا غادين تزوجهو آح (تلاحت على إكرام كتعنق و تبوس فيهاا بهمجية و تهضر) قولوهاا من الأول يختي مبروك مبروك و آلف مبروك باللوليدات إن شاء الله (مشات حتى عند ياسين طيبات ليه حناكو بي بوسان و تعناق) الله على راجل خيتي الله بسم الله عليكم راجل و سيد رجالة لي خدات الله يحفظكم من عين غادي تبكيوني
ماطلقات منو حتى غفر ليه الله ذنوب بقاو كيشوفو فيهاا مستغربين من حالتهاا حيث يله كانت كتخاصم و ماعجبهاا حال و باش كملتهاا بدات كتدمع و تمسح في دموعها : أحح قلبي طايب و الله صافي و آخيراا غادي تفرحونا بشي عراسية أخخ و آخيراا الحب نتاصر في قصتكم ماشي بحالي أنا و ديك زغبية ديال أمال زهرناا في طغمتناا
ياسين هز فيهاا حاجب بدهشة و نص إبتسامة على شفايفو : وااش مامعرضااش أنتي هاد زواج ياك في خبارك تواحد مغايسيق لخبار
ياسمين شداتو من كتفو جراه معاهاا مبعدين من إكرام لي ربعات يديهاا بزعل و نطقات ياسمين بهمس : في خبارك أ راجل ختي أناا لي خليتهاا تعتارف ليك بلي كتبغيك واش في خبارك أ راجل ختي بقيت كنوسوس ليهاا بحال شيطان بلي غادي تمشي عند بنت آخرى و تخليهاا باش دير عقلهاا و تجمعو وااش في خبارك أ راجل ختي قلت ليهاا الا مابغاش حكيم يزوجكم تهرب ماك و تزوجو
ياسين ضحك بقهقه و باس ليهاا على شعرهاا : ههه الله يكثر نسيبات بحالك أ خت مراتي الله يرضي عليك
ياسمين ضربات بشعرهاا ورا ظهرهاا بفخر : أكيد الله يكثر بحالي حيث أصلا أنا نادرة وجود مني وحدة و هي لي واقفة معاك دابة
ياسين خربق ليهاا شعرهاا كيضحك : يله سيري خلينا نمشيو نضربو لحديد ماحدو سخون (بغاا يمشي وهي تشدو مرجعاه جامعة خوباشتهاا) : شنااهوو كيفاش سيري تاابربي حتى نمشي معاكم على شكون غادي يشهد ليكم
ياسين تنهد حرك ليهاا براسو : علاش أ خت مراتي عندك شي لكارط محسوبة على دولة باش تشهدي زائد أنا موجد كلشي بلاماا تمحني لينا راسك
ياسمين بتسمات ببلاهة : دابة هو ماعنديش ولكن غاتديوني نشوف ياك عفااك
ياسين حرك ليهاا راسو بنفي : تو تو غير سمحي لياا أنسيبتي عارفك اش تسوااي و تقولي تضربي معانا ضربة شتي الا مابغيتش نتزوج انا و إكرام نديك معايا
ياسمين رمشات فيه عينيها ببرائة مصطنة كتلبد فيهم : حشومة عليكم و الله كلشي غالط فياا و أنا غير عبدة مظلومة خت وحدة لي عندي و بغيت نحضر لعقد قران ديالهاا عفاااك خليوني نمشي معاكم حق الله ماندير شي حاجة نربع يدي و نسكت و الله (غمزاتو و نطقات بهمس) و شوف راك غتولي راجل ختي نبقى ديما نصوفيكم و نغطي عليهاا منين تكون معاك
ياسين صغر فيها عينيه بشك : من عند الله مامرتاحش لهاد ضرافة لي ولات فيك
ياسمين زادت كترمش ببرائة أكثر و إبتسامة على شفايفها : يليييز راجل ختي رحم ميمتك خليني هكذا ضريفة مابغيتش نلتاجأ لتهديد كارتي كوبا يسيقو خبارك أدون تزوجتي بختي هادشي الا ماقلتهاش لحكيكيم ديالي و و لالة سلوى
ياسين تنهد بزعااف : قالتهاا إكرام أ حمد الفرشة زيدي قداامي زيدي
ياسمين بتسمات بفرح و بدات كتمشى بعجرفة وهي لابسة غير كلاكيطة و جهاا خالي من اي نقطة ميكاب عاد ديك بيجامة وقفات هي و ياسين حدا إكرام لي كتخنزر فيهم : أش كنتو كتقولو
ياسمين ضحكات تحت سنانهاا و خبطات على كتف ياسين بجهد حتى حمر فيها : هيهي شي حاجة بيني و بين نسيبي يله نمشيو غادي نتعطلو
إكرام بإستغراب : علاش انتي غادة معاناا
ياسمين بإماء : أه ماشي نسيبي مسكين رغبني قال لياا والو تحضري لعقدي مع ختك و أنا مع عزيز علياا ندير خير في مساكين بحالكم قبلت
أنت تقرأ
طحت معا بزناز (مكتملة)
Romanceبقلم : الكاتبة حسناء إس جي إم Hasnaa SGM قصة : طحت مع بزناز هااي لحيباانات صافا عليكم هنااا رجعت بقصة جديدة بقلمي أنا ✒ #Hasnaa_SGM ✒ 🚫لا أحلل نشر إلا بعد إذني مع إحتفاظ بالمقدمة و كوفر 🚫 هه شي حاااجة طوووب قصة...
