" නූනා ඇයි ඉර බහින දිහා බලා ඉන්න මේ තරම්ම ආස .. ? "
" ආනී .. මම බලන් ඉන්නේ හඳ නගින දිහා .. "
අත්වැටෙන් ටිකක් මෑත් වෙලා කෙල්ල ලස්සනට හිනා වෙද්දි ටේහ්‍යුන් ඇස් ලොකු කරලා ඒ දිහා බැලුවා...
" මොහ්.. ? එතකොට මේ මෙච්චර දවසක් ඔයා හඳ නගිනකන් ද මෙතනට වෙලා බලා ඉන්නේ... ? "
" ඔව් .. ඇයි ? "
" චහ් .. ඔයත් මාරයි නේ.. දැන් නේ මට කිව්වෙ ඒක .. "
ටේහ්‍යුන් කට ඉරක් වගේ කරද්දි චේරින් හිනාවුනා...
" ඉතින් ඔයා දැන් නේ ඒක ඇහුවේ .. "
කෙල්ල අත්පුඩියක් ගහලා හයියෙන් හිනා උනේ පොඩි එකෙක් වගේ..
" නූනා හඳට ඒ තරම් ආසද .. ඉවසිල්ලක් නැතුව හඳ පායනවා බලා ඉන්න තරම් .. ? "
" හ්ම්ම් හේතුවක් නැතුවම මම හඳට ළං වෙලා... මම ආසයි හඳ වගේ තරු ගොඩක් තියෙන නිල් අහසක පායන්න .. පුංචි හඳ එළියක් වෙලා එළිය දෙන්න .. "
ඒ දුඹුරු ඇස් අමුතුම ලස්සනකින් දිළිසුනේ හඳ දිහා බලාගන ඇහිපිය ගහද්දි...
" ඉතින් ඉර නෙවෙයිද ලොකුම එළිය .. ? "
" ඉර කියන්නේ මට අල්ලන්න පුළුවන් දෙයක් නෙවේ නේ කොටි පැටියෝ .. මම ඒ තරම් ශක්තිමත් නෑ ... ඒත් මම ආසයි හඳ වගේ පිරිසිදු කෙනෙක් වෙන්න ..
ඒත් මම දන්නවා මට ඒකත් බැරි බව .. "
කෙල්ලගේ මූණ මැලවෙලා ගියා..
" නූනා අපිරිසිදු නැහැ නේ.. නූනාගේ හිත ගොඩක් පිරිසිදුයි නේ .. ඒ ඇති .. අනික නූනා ලස්සනයි .. හඳ වගේම එක පාරින් නොපෙනෙන ලස්සනක් නූනා ලගත් තියෙන්නේ ... "
ටේහ්‍යුන් ගේ හිනාව එක්ක කෙල්ලගේ හිත ටිකක් හැදුනා...
" මම හඳ උනොත් ඔයා කවුද වෙන්න ආස ... ම්ම් ඉර .. ? තරු .. ? "
" ම්ම්හූ .. මම ආස නූනා දිහා බලන් ඉන්න ... හැමදාම නූනව බලන්න එන්න ... මේ මම දැන් ඉන්නවා වගේ .... නූනා එක්ක කතා කරන්නත් මට ඕනි .. "
කටත් කරකවලා ටේහ්‍යුන් එහෙම කියද්දි චේරින් එයාගේ සිහින් දිග ඇගිලි වලින් ටේහ්‍යුන් ගේ ඔලුව අතගෑවා..
" මගෙ පුංචි මල්ලි එක්ක මම හැමදාම ඉන්නවා ... මම මැරුනත් හඳ වෙලා හරි ඔයා එක්ක ඉන්නම් හොදද.. "
චේරින් හිනා උනත් ඒ කතාවෙන් ටේහ්‍යුන් ගේ හිනාව නම් මැකිලා ගියා..
ESTÁS LEYENDO
Moon Eyes 🌒 - Taekook ( Completed )
Fantasíaඔහුට තමා මේ ලෝකයේ තියෙන ලස්සනම ඇස් දෙක තියෙන්නේ... සාගරයේ මුතු කැට වගේ නිල්පාටින් දිලිසෙන ඒ ඇස් දිහා එක පාරක් බලපු කෙනෙකුට ඒ ඇස්වල බැල්මෙන් මිදෙන්න තියා ඒ ගැන හිතන්න වත් බැරි වේවි... ඒත් ඒ හැම ලස්සන දෙයකම භයානක රහසක් සැගවිලා තියෙනවා... අපි ඒ රහස හො...
