ارسلان : أنت متاكد من اللي تقوله ..
عفار : أي متأكد .. يوميا تروح عالم الإنس ..
ارسلان يشرب كاسه : عادي .. يمكن تتسلى أو تقضي وقت ..
عفار : حاولنا نتبعها للمكان اللي تروحه .. ما قدرنا .. حاطة spell لحماية المكان ..
ارسلان يبتسم : الظاهر أنها تحمي شخص ..
عفار : مثل ما قلت سيدي ..
ارسلان : تابع الموضوع عفار .. وخلني على اطلاع بكل ما يستجد عندك ..
عفار : أمرك سيدي ..
ينحني عفار ويختفي .. تدخل زليخة ( أم ارسلان )..
زليخة رافعة حاجبها : قلت لك ..
ارسلان التفت متفاجئ : أمي .. من متى أنت هنا ..
زليخة تقعد : من البداية ..
ارسلان : يعني سمعت الكلام كله ..
زليخة تهز راسها : أي سمعته ..
ارسلان : وش رايك ..
زليخة تحلل : ريماس كثرت زياراتها لعالم الأنس في الأسابيع الماضية .. ودام عفار يقول أنها حاطة spell حول المكان اللي تروح له .. يعني أنها تحمي شخص .. وبما انها تحميه .. يعني أنه شخص مهم بالنسبة لها ..
ارسلان بدون اهتمام : ما أدري .. ريماس تحب المغامرات .. ودايم تسافر لعوالم كثيرة ..
زليخة بحدة : أنت إلى متى بتظل غبي ..
ارسلان : وانا وش قلت ..
زليخة : واضحة مثل عين الشمس .. أكيد تحب أحد .. تعرف وش معنى هذا ..
ارسلان بحسرة : أدري ..
زليخة تضرب يد الكرسي : اخ بس لو ما كانت hybrid .. كنا أقنعنا عمك يزوجكم وننتهي من هالموضوع ..
ارسلان يضحك : اللي يضحك أن الإنسية هي اللي أنجبت hybrid ..
زليخة : وهذا اللي مخوفني أكثر .. تدري أن ريماس عمرها ما راح تنسى أنّا تسببنا في موت امها ..
ارسلان : وحنا وش دخلنا .. هذا قانون عندنا أي انسية تنجب ولد منا لازم تموت بعد الولادة مباشرة ..
زليخة : لكن عمك كان يحبها .. وكان مستعد يكسر القانون وقتها .. هي ظلت مع بنتها حوالي 7 شهور ..
ارسلان : وأنت ما قصرت .. هيجت كل البلاط ضده .. إلى ان قتلها ..
زليخة : وانا وش استفدت .. ما دريت ان بنتها hybrid ..
ارسلان يصب مشروب : أمي ما احد يدري إلا بعد السنة الثانية من الولادة ..
زليخة تعض اسنانها : انا كان كل قصدي أحرق قلب عمك عليها ..
ارسلان : أي مو واضح .. بنتها صارت أميرتنا وراح تصير ملكتنا مستقبلاً ..
زليخة تاشر على رقبتها : وأول شي راح تسويه لما تصير ملكة .. بتطير رقبتي ..
ارسلان يضحك .. التفتت عليه أمه بحدة : أنت اضحك وانبسط وخلها تشيل الجمل بما حمل ..
ارسلان بعصبية : وش تبيني أسوي ..
زليخة : لا تسوي شي .. يكفي أنها قعدتك في البيت .. لا شغلة ولا عملة ..
ارسلان يبرر : عمي مو راضي يسمع لي .. حتى ما سمح لي أبرر له موقفي ..
زليخة : أي موقف .. أنت تمرد بسيط مو قادر تقضي عليه .. ومعك جيش كبير بكامل عدته .. اهزموكم .. لا وأسروا ثلث الجيش ..
ارسلان بحرج : أمي عشيرة شيبان .. من أقوى العشاير في المنطقة على الرغم من قلة عددهم .. حتى عمي يتجنب مواجهتهم ..
زليخة : وهي راحت لهم بدون جيش .. بس مرافقتها .. وحلت معهم كل شي .. وصاروا من أقوى حلفائها ..
ارسلان يحط يده يفكر : هذا اللي مجنني .. كيف قدرت عليهم .. ما ادري..
زليخة تضرب يدها على فخذها : يا حظي .. مو كل الأمور تنحل بالسيف .. لازم تدخل السياسة في الموضوع .. شوف ريماس .. معظم البلاط يحترمها ويحسب لها ألف حساب .. وحتى اللي ما يحترمها يخاف منها ..
ارسلان : مو اميرتهم ..
زليخة : وأنت ليه ما تصير مثلها .. أنا ودي أنت تكون ولي عهد عمك مو هي ..
ارسلان : يعني وش تبغيني أسوي .. ما أقدر أكون مثلها .. شوفيها قدرت تلغي قانون صار له الاف السنين .. وما لقت معارضة شديدة ..
زليخة : أصلا حتى المعارضين قدرت تبعدهم عن البلاط .. كل يوم يزيد نفوذها أكثر وأكثر .. اليوم ألغت قانون قتل الإنسيات .. وبكرة ربك أعلم ..
ارسلان بقرف : ما تشوفينهم في شوارع المدينة ..
زليخة تلف وجهها : بلى كرهوني بالطلعة ..
ارسلان : كل وحدة تمشي ووراها أولادها .. تناظرنا كأننا أنداد لهم ..
زليخة : كله من ريماس .. من ألغت القانون .. كثير من رجالنا أنجبوا من بنات الإنس ..
ارسلان يضرب يد الكرسي : ودي بخطة أنسف ريماس نسف ..
زليخة تبتسم : هذا اللي أبغاك تفكر فيه دائما .. الملك من حقك .. أنت المفروض تكون ملك مو هي ..
ارسلان يتوعد : لا تحاتين إلا ما يجيها يوم ..
