كانت ريماس ضامة يارا في حضنها .. وتحاول تصحيها .. مو قادرة .. كانت يارا تجر نفس ورى النفس بصعوبة .. وشفايفها ترجف ..
ريماس تصيح : يارا حبي .. قومي .. أنا أسفة .. يارا لا تخليني ..
يارا بصعوبة : ما .. ماي ..
سدحت ريماس يارا على السرير .. وراحت الى الثلاجة .. افتحتها وناظرت قارورات الماء .. ترددت تمد يدها .. لكنها أخذتها .. ورجعت ليارا .. افتحت قارورة الماء .. واسندت يارا وارفعت راسها .. وقربت الماء منها .. وشربتها .. يارا بصعوبة تبلع الماء .. لكنها شربت قليل .. وانكب شوي على يد ريماس .. اللي غمضت عينها واكتمت ألمها.. أصابعها تحرقها .. لكنها ما اهتمت لها ..
فتحت يارا عيونها بصعوبة .. وشافت ريماس .. خافت حاولت تبعد .. لكن ما فيها حيل تتحرك .. ضمتها ريماس الى صدرها .. رفعت يارا يدها الى صدر ريماس تبعدها .. حست ريماس بيد يارا .. لكنها أضعف من أن تبعد ذبابة .. " أنا وش سويت " .. أسندت يارا الى المخدة .. وغطتها باللحاف .. رفعت يدها الى راس يارا تبعد خصلات شعرها من على وجهها .. لفت يارا وجهها عنها .. حست ريماس بغصة في قلبها " لا تكرهيني يارا .. أتحمل أي شيء الا أن نظرات عيونك هذه لي "..
بعدت ريماس عن يارا .. واقعدت على طرف السرير .. ما كانت تقدر تحط عينها بعين يارا .. نزلت راسها وانتبهت ليدها المحترقة من الماء .. ( ماء عالمنا بالنسبة لعالم الصحرا .. مثل الاسيد بالنسبة لنا ) .. " أنا وش سويت " .. قبضت ريماس يدينها رغم ألمها .. ورجعت تذكر وش صار قبل أسبوع لما رجعت من جبل خيدان ....
قبل اسبوع ...
أول ما وصلوا الى مدينتهم .. كانت ارينا ودارينا في استقبالهم .. ارينا ناظرت عيون ريماس .. متغيرة .. فيها شيء .. انحنوا لها ..
ريماس تكلم دارينا : حمامي جاهز ..
دارينا : طبعاً مولاتي ..
ريماس بتعب : good.. أبغى استرخي ..
ارينا : مولاي بيعقد اجتماع في الليل ..
ريماس تهز راسها : أدري ..
وصلوا الى جناح ريماس .. كانت مارينا موجودة .. وتجهز الحمام للأميرة .. شافتها ريماس ناظرتها بشزر .. " أوف بس " ..
مارينا انحنت لها : مرحبا بعودتك مولاتي ..
ريماس ما ردت عليها .. ومشت الى غرفة الحمام .. اللي كانت تشبه الحمامات الرومانية القديمة.. بحوض استحمام مربع كبير .. ملئ بالماء الساخن .. افصخت ملابسها .. ورمت نفسها في الحوض .. وغطست مدة تحت الماء .. ادخلت ارينا وراها .. واقعدت على الكرسي الحجري.. تنتظرها تطلع .. طلعت ريماس راسها من تحت الماء .. وصارت تطفو على ظهرها.. ومغمضة عينها ..
كانت ارينا تراقبها .. ريماس متعودة على المعارك والحروب .. ولا هي اول مرة ترجع من معركة .. لكن هالمرة غير .. باين أنها تعبانة .. وعيونها متغير لونها .. ما هي طبيعية ..
ريماس بوله : لو أكون عندها ..
ارينا : برنسيس ..
ريماس بدون ما تلتف عليها : نعم ..
ارينا بهدوء : حالك مو طبيعي ..
ريماس تضحك : أدري .. كل اللي أفكر فيه الحين هو يارا .. أبغاها أكثر من أي شيء ثاني ..
ارينا تقوم : راح أسوي لك شيء تشربينه .. يمكن يخفف من اللي أنتِ فيه ..
ريماس تغطس : ما أظن ..
ارتاحت ريماس لساعات قليلة .. بعدين قامت تلبس وتستعد علشان اجتماع الملك .. وأثناء هالوقت قالت لأرينا كل شيء صار لهم في جبل خيدان .. وعن شكها أن ابوها الملك يعرف أن ايفانا ما ماتت وقتها ..
ارينا تصب لريماس كاس ثاني : مثل ما توقعنا ايفانا ..
ريماس تأشر بيدها : ما ابغاه ..
ارينا رافعة حاجبها : ما أبغاك تفقدين أعصابك في الاجتماع .. مو ناقصك ..
أخذته ريماس واشربته على مضض : وش حاطة فيه ..
ارينا تبتسم : أحسن لك ما تعرفين ..
ساعدتها دارينا في لبس ملابسها .. ولبست اسوارة يارا .. وارفعتها لشفايفها تبوسها .. ناظرتها ارينا وشافت عيونها تتغير .. قربت منها بحذر ..
ارينا بهدوء : برنسيس ..
ريماس التفتت عليها .. ارينا بحذر : وش رايك ما تحضرين الاجتماع ..
ريماس : لازم أحضره .. علشان أشرح لهم وش شفنا ..
ارينا : الأفضل تعتذرين .. ما أظن بحالتك هذه .. ومع اجتماع مثل هذا .. تقدرين .. ( اسكتت )..
ريماس رافعة حاجبها : أقدر على ايش ..
ارينا : أنت في mating frenzy ( frenzy = نوبة ) .. الأفضل ترتاحين الى ان تمر بسلام..
ريماس قربت منها وناظرتها بحدة : تظنين ما أقدر أحكم نفسي ..
ارينا ابلعت ريقها : لا مولاتي .. لكن ...
قاطعتها ريماس : لكن ايش ..
ناظرت ريماس ارينا .. كانت ارينا خايفة من ردة فعل ريماس .. لأول مرة تشوفها في هالحالة.. ريماس تذكرت اللي صار مع ريهانا .. وصلت إلى مرحلة ممكن تفقد أعصابها وما تتحكم في نفسها .. نزلت راسها ولفت ..
ريماس بهدوء : علاجك بيخفف علي شوي ..
ارينا باهتمام : لو حسيتي أنك ما راح تقدرين تتحملين .. انسحبي بهدوء .. بليز ..
هزت ريماس راسها : حاضر .. راح انسحب بمجرد ما احس نفسي تعبانة ..
دق باب الجناح .. وراحت دارينا تفتحه .. كان جفار ودميترس ينتظرون الأميرة ..
ريماس بصوت سلطوي : خلينا نواجه الوحوش الحقيقية ..
