ظهرت ريماس في جناحهم وهي شايلة يارا .. استدعت ارينا تحضر لها حالاً .. دارينا كانت في الجناح بعد حضور ريماس مباشرة .. دخلت غرفة النوم واشهقت من المنظر اللي شافته .. كانت ريماس ضامة يارا وتحاول تصيحها .. تحاول تعالج جرحها لكن ما في فايدة ..
ريماس تصيح : روحي يارا ..
أخذت دارينا قطع قماش وفوط .. وصارت تساعد ريماس في وقف النزيف ..
دارينا : وش صار لها ..
ريماس تبعد شعر يارا عن وجهها : حاولت تحميني .. أخذت الضربة عني ..
دارينا : وليه ما توقفين النزيف ..
ريماس بحدة : حاولت مو راضي يوقف ..
دخلت ارينا وفي يدها حقيبة .. قربت من يارا .. كانت ريماس حاضنتها ومو راضية أحد يقرب منها ..
ارينا : وش صار ..
ريماس : حمتني .. رمت نفسها في وجه النار علشاني .. وما قدرت اعالجها ..
ارينا : ريماس خليني أشوف جرحها ..
ساعدتها ريماس .. وقلبوا يارا على جنبها .. عاينت ارينا الجرح .. ورجعت الى حقيبتها .. طلبت من دارينا بعض الأعشاب وصارت تخلط وتمزج مواد كثيرة .. وريماس ماسكة يد يارا وتبوسها.. ويدها الثانية على شعرها ..
ريماس بحزن : ليه يارا .. قلت لك لا تتحركين من مكانك ..
خلصت ارينا من علاجها ..
ارينا : ريماس قلبيها بشويش ..
قلبت ريماس يارا .. ودهنت ارينا المزيج اللي عملته على الجرح .. صارت يارا ترتعش وتأن.. ريماس تبوس راسها ..
ريماس : اوشش حبي .. بتصيرين بخير ..
بعد ما خلصت ارينا .. غطت الجرح بنسيج خاص يساعد على شفائه ..
ريماس : بتشفى ..
ارينا : سويت اللي علي ..
مسكت ريماس ذراع ارينا وشدت عليها : وش قصدك سويت اللي عليك ..
ارينا : ريماس .. هذه فاركس ..
ريماس : وش يعني ..
ارينا : هذا أقوى سم موجود في الصحرا .. حتى الهايبرد ما تنجى منه بسهولة .. لو أصابك ..
ريماس بحدة : مو مهم أنا .. هي .. المهم هي .. راح تعيش ..
ارينا تواسيها : ريماس ..
ريماس تصارخ : لا ..
فجأة ظهرت ريهانا وبعدت ارينا عنها .. وواجهت ريماس .. كانت عيون ريماس مليانة دموع حمراء .. ريهانا لاحت ريماس بعيد .. ريماس اصطدمت بالجدار وطاحت وهي تبكي .. ارينا عصبت من ريهانا وركضت هي ودارينا لعند ريماس ..
ارينا بعصبية : وش سويتِ ..
ريهانا تأشر بيدها : كانت بتضربك ..
ارينا : ما راح تضربني ..
ريهانا رافعة حاجبها : أجل وش كانت بتسوي ..
ارينا تأشر على يارا : يارا تعرضت لطعنة قوية ..
التفتت ريهانا على يارا : مين ..
ريماس تقوم وتقرب من يارا وتاخذ يدها تبوسها : كانوا يقصدوني أنا .. وهي حمتني ..
ريهانا : وش صابها ..
ارينا : فاركس ..
سيرين بذعر : فاركس ..
التفتوا عليها .. سيرين شافت يارا على السرير .. وركضت بتروح لها .. لكن ريهانا مسكتها ..
ريهانا بهدوء : لا تقربين منها الحين ..
سيرين بخوف : وش صار لها ..
ارينا حكت لها وش صار ليارا وريماس ..
سيرين اخنقتها العبرة : وما في علاج لهالزفت ..
ارينا : قدرت اسكر الجرح .. لكن السم داخل جسمها وما أقدر أطلعه ..
سيرين باستنكار : وبتظلون واقفين وما تسوون شيء ..
ريهانا تهديها : سيرين هدي .. مو شايفة بعينك حال ريماس ..
سيرين بحدة : ما يهمني .. سووا أي شيء علشانها ..
ريماس ولا تسمعهم وقاعدة تكلم يارا : روحي .. قلت لك لا تطلعين .. ليه ما سمعت كلامي ..
..... : لأنها تحبك ..
