اسمعت ايفانا تنهدات يارا المتألمة .. مد ميار يده بيسحب يارا .. صرخت عليه ايفانا .. بعد بسرعة .. قربت منها ونزلت الى مستواها .. بعدت خصلات شعرها عن وجهها .. تسمرت ايفانا بمكانها .. ومررت أصابعها على خد يارا .. " وش هالجمال " .. فتحت يارا عيونها بصعوبة .. كانت تعتقد ايفانا ريماس .. لأنها شافت شعرها الطويل .. حاولت ترفع يدها لكن ضربها ألم قوي.. اصرخت من قوته ..
ايفانا بحنان : لا تتحركين ..
يارا بألم : ريـ ... ريماس ..
نزلت ايفانا راسها تشوف العمود واصابات يارا الثانية .. ومو معطية انتباه لصراخ ريماس وسبها لها .. بدت يارا تستعيد وعيها .. كانت تتألم بشدة .. وما تقدر تحرك جسمها .. حست نفسها بتختنق وصار الدم يطلع من فمها .. انتبهت للي قاعدة تتحسس جسمها .. وتشوف أماكن الإصابات .. فكرتها في البداية ريماس .. لكن هذه غير .. طويلة وعريضة .. وبيضاء وعلى جانب وجهها رسمة باهتة .. وشعرها أحمر طويل .. كان يلامس خد يارا بحنان .. كانت تدور بعينها على ريماس .. ما شافتها وخايفة أنه ممكن صار لها شيء .. لكنها اسمعت صوت صراخها وهي تتوعد وتهدد .. حاولت تلف وجهها على مصدر الصوت .. لكنها ما اقدرت ..
قربت ايفانا من يارا : لا تتحركين ..
يارا بخوف وألم : من أنت ..
ايفانا تبتسم : ما راح أذيك .. لا تخافين .. راح أساعدك ..
يارا تحاول تتحرك : لا .. ما أبغى ..
لكنها صرخت بقوة .. قربت ايفانا منها وحطت يدها على خد يارا .. حست يارا بشيء بارد ينتشر في جسمها .. كانت تحس براحة وخفة في جسمها .. وأن كل الآلام اللي تحس فيها بدت تروح .. ما هي قادرة تفتح عيونها .. أهدابها ثقيلة .. غمضت عينها واستسلمت لنوم طويل ..
قرب ميار من ايفانا اللي كانت مشغولة بمعالجة يارا .. بعدت العمود باشارة من يدها .. وبمجرد خروج العمود نزف الجرح دم غزير .. لكن ايفانا حطت يدها على الجرح .. وطلع نور أزرق من يدها .. على اثره التئم الجرح .. وصارت تمرر يدها على كل مكان مكسور أو مجروح في جسد يارا .. حتى الاصابات الداخلية كانت تشفى بسرعة .. وأخر شيء كان جرح على جبين يارا .. حطت ايفانا يدها عليه .. والتئم الجرح .. ظلت تناظر يارا لثواني .. ونزلت راسها تبوس مكان الجرح اللي باين لونه وردي باهت .. كانه جرح قديم ..
ميار اللي كان واقف قريب من ايفانا .. ومستغرب من اللي قاعدة تسويه .. المفروض أنها تقتل الانسية مو تعالجها .. كان باين من جروحها أنها شديدة وخطرة .. وايفانا استهلكت الكثير من طاقتها علشان تعالجها .. وش صار لها .. بس شافتها انقلب كيانها .. لمح بطرف عينه ريماس وهي تفك الخيوط .. عرف أنها مسألة دقايق وتفكهم .. وبعدين راح يخسرون .. مثل هالفرصة ما تتفوت ..
ميار : مولاتي .. هذه فرصة سانحة لنا نتخلص من ريماس ومن ال mate حقتها .. ونقدر....
حس ميار أن الهواء انقطع عن رئته .. رفع يده على رقبته .. كأن في شيء يضغط عليها ويخنقه.. طاح على ركبه ..
ميار بصعوبة وبألم : مولاتي ..
ايفانا تمرر أصابعها على خد يارا : ما أبغى أسمع تهديد لها .. ( بتهديد ) ألحقك باللي سبقك ..
ميار بصوت مخنوق : أمرك مولاتي ..
شهق ميار بصوت عالي .. وهو يتنفس طبيعي .. كان بيختنق .. " وش صار لها .. ليه هالاهتمام المفاجئ لإنسية .. كانت تبغى تقتلها قبل شوي ".. التفت على جهة ريماس وشاف أنها قدرت تمزق الخيوط .. وعيونها متغيرة إلى الذهبي .. وحس بالجو .. في أحد غيرهم .. وقريب يوصلون لمكانهم .. لف على ايفانا .. اللي كانت حاضنة يارا .. وتلعب بشعرها .. " ولا كأنها حاسة بشيء "..
