استمر صوت البوق لثلث ساعة تقريباً يتوقف ويعاد مرة اخرى .. تجمع الشعب في الساحة ينتظرون حضور الأميرة ريماس .. وكان من ضمن الحضور ارسلان وأمه زليخة .. لم يكن المتحدي شخص واحد بل ثنين من كبرى عائلات المنطقة .. بالرغم من معرفتهم بنتيجة القتال .. الا أن التحدي لوحده دليل على قوة المتحدي وشجاعته .. وابراز لنفوذ عائلته .. مما يصب في مصلحة مخطط زليخة .. فهي من سعى الى تحريض البلاط على ريماس خاصة بعد احضارها ليارا .. مستغلة تصرفات ريماس الأخيرة ..
ارسلان بصوت واطي : أنت عارفة انهم راح يخسرون ..
زليخة تبتسم : أكيد .. من يقدر يغلب هايبرد ..
ارسلان : وريماس ما تقدر تقتلهم بسبب نفوذ عائلتهم ..
زليخة تضحك : راح تواجهه معضلة كبيرة .. إذا قتلتهم واجهت عائلتهم ونفوذها القوي .. وإن اعفت عنهم بينت للكل أنها ضعيفة ..
ارسلان : في كلا الحالتين هي خسرانة ..
زليخة : وحنا الرابحين .. ما راح نقدر نواجه ريماس مباشرة .. لكننا نقدر نقلب الراي العام عليها..
ارسلان : وراح يسهل علينا نتخلص منها ..
زليخة تزفر : مو بهالسهولة .. لكن هذا كافي لزعزعة نفوذها ..
ارسلان : كنت أظن أن هذا مخططك علشان نتخلص منها once and for all ( نهائياً ) ..
زليخة بهدوء : ما راح تقدر تتخلص من هايبرد بهالسهولة ..
ارسلان : ما يهمني .. كل اللي أبغاه أنها تطلع من الصورة ..
زليخة : اللي يسمعك يقول راح يخلى لك الجو لو راحت ريماس .. أنت ناسي ستيبان ..
ارسلان : ستيبان ما منه خوف .. توه راجع البلاط .. وش يقدر يسوي ..
زليخة تفكر : يقدر يسوي الكثير .. ما هو ولد الملك الأول .. وكان المرشح الوحيد لولاية عهده..
ارسلان : وجات ريماس وأخذت مكانه .. وتحداها في مبارزة وانهزم .. وبسبب الهزيمة رحل عن المدينة .. وتوه راجع ..
زليخة تفكر : ورجعته هذه ما هي عبث ..
ارسلان : حتى وان كان ولد الملك .. هو ما له نفوذ قوي في البلاط وصار له عقود غايب عن المدينة .. راح نقدر نتخلص منه بسهولة ..
زليخة سكتت والتفتت على الساحة لما دخل ريبان متحدي ريماس ووراه ولد عمه فابيان .. وتصفيق الجمهور لهم .. ينتظرون حضور الأميرة ريماس ..
الملك يدخن : من هم ..
سفان : ريبان وفابيان ..
الملك يزفر : ناسين من هي ريماس .. بكل صفاقة يتحدون ولية عهدي ..
سفان : هذا عرف متبع عندنا .. أي شخص يقدر يتحدى اللي يبغاه حتى لو كان رويالتي ..
الملك بحدة : لكن ريماس ما هي أي شخص .. هي هايبرد وولية عهدي ..
سفان : احمم .. عفوك مولاي .. أقدر أتكلم براحتي ..
الملك : وش عندك ..
سفان : مولاي الأميرة في الاونة الأخيرة ما كانت على طبيعتها .. وانهزت صورتها أمام الشعب.. هذا غير انها اتخذت لها انسية كميت لها ..
الملك وقف وتقدم نحو سفان .. اللي كان يبلع ريقه ..
الملك بنبرة : الهايبرد ما تختار الميت تبعها .. دمها هو اللي يطلب ..
سفان يبلع ريقه : عفوك مولاي .. هذا الكلام اللي يتداولونه ....
قاطعه الملك بحدة : بدل ما تعطي اذنك لكلام فلان وعلان .. وجه طاقتك هذه الى شيء أهم .. شيء مصيري يهم الشعب والصحرا كلها .. ولا ما عندك خبر ان ايفانا تحشد جيشها لغزونا ..
سفان ما يدري : العيون خبرتني أنها تعاني خسارة كبيرة بعد تدمير أكبر معاملها ..
الملك رافع حاجبه : والعيون ما قالوا لك أن لديها مخزون كبير من الأسلحة .. وعدد لا يستهان به من الجنود..
سفان احمر وجهه : عفوك مولاي ..
الملك : أبغاك تتحرك فوراً وتعقد اجتماعاتك مع الوزراء وقادة الجيش .. لازم نخطط من الان للدفاع عن أرضنا ..
وقف سفان وهو مو عارف وش يسوي .. صرخ فيه الملك بحدة : تحرك ..
سفان بارتباك : أمرك مولاي ..
انحنى وطلع ..
