وصلت ايفانا الى قصرها المخبئ بين الجبال .. دخلت الجناح ووضعت يارا برفق على السرير.. واستدعت قابلة تحضر بسرعة .. كانت تحس بالم يارا وتنهداتها .. قعدت جنبها وبعدت خصل شعرها عن وجهها .. نزلت راسها تبوس جبينها .. ويدينها تلعب بشعرها ..
ايفانا بحنان : يارا حبيبي ..
تنهدت يارا بألم .. الرحلة تعبتها والبيبي زايدة حركته ومو قادر يسوي شيء .. ايفانا مسيطرة عليه .. فتحت عينها بثقل .. ناظرت السقف واستغربت من المكان .. التفتت وشافت ايفانا .. حاولت تقوم وتبعد عنها .. لكن بمجرد ما تحركت صرخت من ألم ضربها أسفل بطنها ..
ايفانا تهديها : يارا لا تتحركين .. الحين تجي القابلة وتعطيك شيء للألم ..
يارا تحاول تهدي نفسها : ما أبغى شيء ..
ايفانا بقلق : الرحلة تعبتك .. وأبغى أطمن عليك وعلى ولدنا ..
يارا تقعد وبحدة : ما في شيء اسمه ولدنا .. وما في شيء يربطنا ببعض ..
ايفانا تبتسم : أدري أنك معصبة مني .. لكن مع الأيام بتتعودين .. وانا راح انتظرك لأخر العمر..
يارا ببرود : بتنتظرين كثير ..
ايفانا رفعت يدها بتلمس خد يارا .. لكن يارا بعدتها ..
يارا بألم : بعدي ولا تقربين ..
ايفانا لاحظت ألم يارا .. وقامت بسرعة فتحت باب الجناح وصرخت بالقابلة والجواري .. ثواني دخلت القابلة وثلاث جواري .. قربت القابلة من يارا علشان تفحصها .. لكن يارا صرخت فيها تبعد ويدها على بطنها .. قربت منها ايفانا وحضنتها غصب .. حاولت يارا تبعدها لكنها ما قدرت..
ايفانا : لازم تفحصك وتشوف وضع البيبي .. ولا ناسية أنك على وقت ولادة ..
يارا تقاوم : أنا بخير .. ماني بحاجة لأحد..
ايفانا تهمس لها : ما راح أسمح لأحد يضرك أو يضره .. لكن اذا استمر ألمك أكثر .. ممكن يضره ..
التفتت عليها يارا وبقلق : يضره ..
ايفانا : المفروض ما تنتقلين وأنت على وشك ولادة .. هذه غلطتي .. بس كانت فرصتي الوحيدة..
يارا يدها على بطنها وتترجى : سوي اللي تبين فيني .. بس لا تقربين له ..
ايفانا يدها على يد يارا : وأنا أقدر اذيكم .. اللي يقرب منكم انهيه ..
يارا خايفة على ولدها .. وألمها يزيد .. هي تحت رحمة ايفانا ولازم تجاريها .. هي تعرف ان ايفانا مستحيل تأذيها .. لكنها مجنونة .. تتصرف معها كأنها حبيبتها .. حتى البيبي تسميه ولدها.. وينك ريماس .. وش هالورطة .. صرخت يارا من الم اسفل بطنها .. مسكتها ايفانا واسندتها ..
ايفانا : حبي لا تعاندين ..
يارا استسلمت لها وادمعت عينها .. ما في يدها شيء .. همها الأول ولدها ما تبغاه يتأذى .. لازم تساير ايفانا الى أن تنقذها ريماس ..
يارا بخوف : متأكدة ما راح يتأذى ..
مسكت ايفانا يد يارا وباستها : وعد ما أخلي احد يقرب له ..
حست يارا بالاشمئزاز لما باست يدها ايفانا .. لكنها لازم تسايرها علشان سلامة ولدها .. أشرت ايفانا للقابلة تقرب .. فحصت يارا وطمنتها أنها بخير .. وان موعد ولادتها خلال اسبوع تقريباً .. ووصفت لها اعشاب تاخذهم علشان الالم .. طلعت القابلة والجواري .. وظلت يارا مع ايفانا لحالهم .. كانت يارا تعبانة وحاسة بارهاق شديد .. ودها تنام لكنها ما تقدر .. هي في مكان غريب ولحالها .. وما تدري وش ممكن يصير لو نامت ..
ايفانا : نامي وارتاحي ..
يارا : ما فيني نوم ..
قربت منها ايفانا واسدحتها غصب .. غطتها باللحاف ..
ايفانا : شكلك عنيدة .. لا تقاومين تعبك .. جسمك بحاجة الى الراحة ..
يارا منسدحة لكنها تقاوم ..
ايفانا : لا تخليني أنومك غصب ..
يارا تتنهد : ما أبغى أنام ..
مسحت ايفانا دمعة نزلت من عين يارا : ما راح أذيك صدقيني ..
يارا يدها على بطنها : ما أبغاه يتاذى ..
ايفانا تبتسم : ما أحد بياذيكم هنا .. ولا تنسين أنك الملكة هنا ..
ناظرتها يارا باستغراب : ملكة ..
نزلت ايفانا راسها وباست جبين يارا : yes my mate
يارا تسمرت مكانها .. ايفانا مجنونة رسمي .. شلون أكون ميتها .. سايرتها يارا لفت وجهها علشان تنام .. لكنها ما قدرت .. الى ان جات القابلة بالاعشاب .. ترددت يارا تشرب في البداية.. لكن ايفانا اخذته وشربت قبلها .. وبعدين اشربته يارا .. حست بارتياح لما شربته .. والالم بدا يتلاشى .. غمضت عينها ونامت ..
غطتها ايفانا باللحاف وتاكدت أنها بخير .. كانت قاعدة تتأمل يارا .. " ارتاحي الحين وبس تصحين راح أوريك غرفة البيبي .. أكيد راح تعجبك "..
