فتحت ريماس عيونها .. كان صوت يارا يصحيها .. فتحت عيونها .. لقت نفسها نايمة على سرير يارا .. يارا قاعدة جنبها .. ناظرتها ريماس .. كانت يارا لابسة بنطلون جنز سكيني .. وقميص أبيض ..
يارا تبتسم : صح النوم ..
ريماس بنعاس : صح بدنك ..
يارا : ما ظنيت أني لي كل هالتأثير ..
ريماس : نظرة منك تجيبني الأرض ..
يارا احمر وجهها : لا تبالغين ..
قامت ريماس : ما أبالغ ..
انتبهت ريماس أنها بملابسها .. وناظرت يارا بملابسها .. " واللي صار من تو .. لا .. لا .. مستحيل يكون حلم ".. !!!
يارا : مجرد ما سويت لك مساج نمتِ .. وما حبيت أزعجك .. كان باين عليك الارهاق ..
ريماس يدها على راسها : يعني كل اللي صار .. كان مجرد حلم ..
يارا مو فاهمة : وش اللي صار ..
ناظرتها ريماس : ها .. ولا شيء ..
يارا : وش فيك ريماس .. باين أنك تعبانة ومرهقة حيل ..
ريماس : كنت جاية أودعك ..
يارا بخوف : تودعيني .. يعني ما راح ترجعين ..
ناظرتها ريماس .. واخذت يدها وباستها : بارجع حبي .. ( تغمز لها ) ما راح تتخلصين مني بهالسهولة ..
يارا : أجل ليه بتودعيني ..
أخذت ريماس نفس عميق .. وحكت ليارا عن الأحداث اللي قاعدة تصير في عالمها .. وتجاوب على أسئلة يارا .. بقد ما تقدر .. وتبسط لها أسلوب معيشتهم المعقد ..
يارا : وأنتِ متأكدة أن هذه ايفانا .. هي ورى هالكائنات وهجماتها ..
ريماس : أتمنى يخيب ظني .. لكن كل الادلة تشير لها .. وهي الكسبانة من اللي قاعد يصير ..
يارا : قصدك أنها تبغى تنتقم ..
هزت ريماس راسها : أكيد .. وتعيد اللي كانت تبغاه من قبل ..
يارا : وش هو ..
ريماس : تمد نفوذها .. وتعيد أمجاد عشيرتها ..
يارا : الى هالدرجة عشريتها قوية ..
ريماس : فوق ما تتصورين .. سحرهم لحاله ما له حدود ..
يارا : أجل وش خلاهم ينقرضون .. أنتِ قلتِ أنهم تقريباً انقرضوا ..
ريماس تشرح : لأن استخدام سحرهم .. يتطلب طاقة وتركيز شديدين .. وياخذ من أجسادهم ..
يارا تناظرها مو فاهمة .. ريماس ابتسمت : لما يستخدمون سحرهم .. ياثر على أجسادهم .. ويهرم الجسم بسرعة ..
يارا تهز راسها : ويموتون ..
ريماس : صح .. ومع ذلك في منهم من يستخدمه بحكمة ..( قابضة يدها ) لكن القوة تغري ..
يارا : تغري ..
التفتت عليها ريماس : أكيد .. وبسببها تقوم حروب ..( بحزن ) ويموت الكثير بدون ذنب ..
يارا : قصدك حبيبتها ..
ريماس تتنهد : أي .. كانت حامل .. عمري ما راح أنسى نظرة ايفانا وقتها وصرختها .. لما اقتلوها قدام عينها ..
يارا بحزن : هي ما لها ذنب ..
ريماس : كانوا يبغون يعذبون ايفانا أكثر ..
يارا : وهذه الحين رجعت تنتقم ..
ريماس : ما ألومها .. ويمكن لو كنت مكانها سويت أكثر ..
ناظرتها يارا باستغراب : تسوين أكثر ..
أخذت ريماس يد يارا وباستها : حبي .. أنا hybrid .. مشاعرنا تكون مضاعفة .. لما نحب نعشق بجنون .. وتكون حياتنا كلها موقفة على اللي نحبها .. ننفذ رغباتها .. ونحرص على حمايتها .. يكون بينا رابط قوي .. نحس بألمها .. ولما يتم mating نكون مثل الجسد الواحد..
يارا تناظرها : يعني أي شيء في بالها تعرفونه ..
ريماس تضحك : لا مو إلى هالدرجة .. لكن نشعر لما تكون خايفة .. متضايقة .. تعبانة .. لما تكون في خطر .. لما تفرح .. تغضب ..
يارا : يعني ما في خصوصية ..
ريماس تضحك بصوت عالي : لا حبي .. نكون جسد واحد ..
يارا : ما أتخيل حياة .. ما فيها خصوصية .. كل ما تحسين بشيء .. يعرفه اللي قدامك ..
ريماس : يحس فيه ..
التفتت عليها يارا : وأنتِ ما عندك mate ..
ريماس عيونها تغيرت للذهبي : لقيتها وهذه قدامي ..
احمر وجهها يارا : شلون .. وحنا مختلفين ..
ارفعت ريماس يدها تلمس خد يارا : ما يمنع .. انا أمي انسية ..
يارا متفاجأة : انسية .. يعني مثلنا ..
ريماس تبتسم بحزن : أي ..
يارا بحماس : شلون راحت عندكم .. وشلون عايشة معكم .. وأهلها ..
ريماس بحزن : مو عايشة .. أمي توفت من زمان ..
حطت يارا يدها على يد ريماس : أسفة .. ما كنت أعرف ..
ريماس : أقول لك قصتها مع أبوي بعدين .. ( تقوم ) الحين لازم أروح ..
يارا للحين ماسكة يد ريماس : متى راح ترجعين ..
نزلت ريماس على ركبها : في أقرب فرصة .. يمكن تاخذ ثلاث اسابيع عندكم ..
يارا بحزن : راح أنتظرك ..
امسكت ريماس راس يارا .. وباست جبينها : راح أرجع لك حبي ..
وقفت ريماس بتروح .. قامت معها يارا : انتبهي لنفسك .. ولا تخاطرين ..
ريماس تبوسها : أمرك حبي ..
يارا تذكرت شغلة : انتظري لا تروحين ..
راحت يارا عند التسريحة .. وافتحت صندوق الاكسسورات .. وطلعت اسوارة .. ورجعت لها .. ريماس تناظرها باستغراب ..
يارا مستحية : تقبلين مني هذا ..
أخذت يارا يد ريماس .. ولبستها الاسوارة .. رفعت ريماس يدها تبوس الاسوارة ..
ريماس تناظر يارا : أكيد .. دامها منك ..
يارا : ما هي ذهب .. لكن ...
قاطعتها ريماس ببوسة : يكفي أنها منك ..
يارا احمر وجهها : اهم شيء أنها عجبتك ..
ضمتها ريماس وباست خدها : شلون ما تعجبني .. وهي منك ..
بعدت ريماس خطوتين واختفت .. يارا ظلت واقفة تناظرها .. قربت من المكان اللي اختفت منه ريماس .. واقعدت على ركبها .. المست اثار الرمل .. اللي خلفته ريماس .. وادمعت عينها ..
" معقولة حبيتها .. توها رايحة .. واشتقت لها already .. أحبك ريماس .. أحبك " ..
