كانت ريماس تلبس ملابسها .. فجأة حست باحساس غريب .. ( بخوف ) يارا .. اختفت وظهرت في جناحها .. صارت تدور في الجناح .. شافت يارا طالعة من الحمام لابسة بس روب .. راحت لها وضمتها ..
ريماس : وش فيك روحي ..
يارا تبعدها : ما فيني ..
ريماس باصرار : بلى فيك شيء ..
يارا دخلت غرفتها .. لحقتها ريماس لكن يارا سكرت الباب في وجهها .. فتحت ريماس الباب بعصبية .. دخلت وهي تدلك جبينها ..
ريماس بعصبية : وش فيك ..
قعدت يارا على التسريحة : أبغى أسوي شعري ..
ريماس تقرب : وش فيك علي .. وش هالبرود ..
يارا تنشف شعرها : يُفضل أنك تتعودين عليه ..
مسكت ريماس يد يارا واسحبتها لعندها .. حاولت يارا تفك نفسها لكن ريماس أقوى منها .. نزلت ريماس راسها الى رقبة يارا ..
ريماس تبوس رقبة يارا : you smell so good
يارا بقرف : بعدي ..
تركتها ريماس : يارا وش فيك علي ..
اخذت يارا ملابس من الدولاب .. وبدون ما تلتفت على ريماس ..
يارا : ممكن تطلعين ..
ريماس باستغراب : ليه ..
يارا : أبغى ألبس ملابسي ..
ريماس تأشر بيدها : ما منعتك ..
يارا : ما أبغى ألبس وأنتِ موجودة ..
ريماس تبتسم : ما هي أول مرة تلبسين قدامي ..
التفتت عليها يارا : صح .. هذاك أول .. الحين غير ..
ريماس ماسكة نفسها : يارا وش فيك منفسة اليوم ..
يارا تاخذ ملابسها : راح أبدل في الحمام ..
طلعت يارا ووراها ريماس .. مدت ريماس يدها بتمسك يد يارا .. لكن يارا ناورتها وبعدت عنها.. ريماس تناظرها باستغراب .. كأن يارا تشمئز مني ..
يارا : لا تقربين مني ..
ريماس تقرب : وش فيك .. ولا تقولين ما فيك شيء ..
يارا ناظرتها : اسألي نفسك ..
ريماس : ما فهمت ..
يارا يدها على خصرها : وين كنتِ حضرتك ..
ريماس بتجاوبها .. لكن يارا قاطعتها : ولا تكذبين علي تقولين كان عندك شغل مع الوزير الفلاني ولا النائب العلاني ..
ناظرت ريماس عيون يارا .. " معقولة تكون عرفت .. أنا محذرتهم ومهددتهم بالنفي لو أحد تكلم"..
يارا مكتفة يدينها : أنتظر جوابك ..
قعدت ريماس على السرير : أظنك عارفة جوابي ..
يارا تأشر بيدها وبحدة : يعني تعترفين أنك كنتِ معهم ..
ريماس بهدوء : هم الجواري تبعي ..
يارا تصارخ : وبكل بجاحة تقولينها ..
ريماس : ما له داعي الصراخ ..
يارا تصارخ : بأصارخ بكيفي .. ما يحق لك ...
وقفت ريماس : بلى يحق لي .. ولا ناسية أني هايبرد ..
يارا : ما نسيت .. لكنك شكلك انت اللي ناسية ..
ريماس تفصخ ملابسها وتزفر : يارا أنت مو فاهمة شيء ..
يارا تأشر على نفسها : شنو اللي مو فاهمته .. بعيوني شفتك مع ثلاثة مو وحدة ثلاثة ( تصارخ) ريماس .. ثلاثة ..
التفتت عليها ريماس : طبيعي أكون مع اكثر من وحدة ..
يارا : وأنا وش صفتي هنا .. دامك معهم وش لزمتي هنا ..
ريماس : وش قصدك ..
يارا يحدة : أبغى أرجع بيتي .. ما أبغى أقعد عندك هنا دقيقة وحدة ..
ريماس تحاول تهديها : يارا أنت الحين معصبة .. وما راح نقدر نتفاهم ..
يارا باصرار : ما في بينا تفاهم .. أبغى أرجع .. وهذا قراري النهائي ..
ريماس تطلع : باخليك الى ان تهدين .. وبعدين نقدر نتفاهم ..
يارا بعصبية : شايفتني مجنونة ..
