دارينا تستقبلها : princess
ريماس : خير .. وش فيه ..
دارينا : مولاي طلبك أكثر من مرة ..
ريماس تبدل ملابسها : وش قلتِ له ..
دارينا : أنك بجولة على المنطقة .. تتفقدين الجنود .. لكن اكيد وصله خبر أنك كنت خارج الصحرا ..
ريماس : مشكورة .. راح أشوفه وش يبغى .. ( بتأفف )
دارينا تهديها : princess حاولي تتمالكين نفسك ..
ريماس عند الباب : راح أحاول ..
( ريماس أميرة الصحراء .. وممكن تكون ملكتها في يوم من الأيام .. طويلة وحنطية .. شعرها اسود على بنفسجي .. طويل يوصل إلى ساقها .. وتقدر تتحكم فيه .. محاربة من الطراز الأول .. ماهرة في استخدام السيف .. ورمي السهام .. عيونها مثل لون شعرها .. لكنها اذا عصبت أو ... يتغير لونها إلى الذهبي .. على جانب وجهها رسمة كانها وشم .. كل شعب الصحرا عنده رسمات على وجهه لكن بتفاصيل مختلفة .. ما راح أذكر عمرها لأنهم مختلفين عنا والباقي راح تعرفونه مع الرواية )..
ادخلت ريماس مكتب أبوها .. الملك جهار قاعد يتناقش مع وزيره سفان .. ريماس تكره ما تطيق تشوفه .. انحت تحي ابوها .. سفان قام وانحنى يحيها .. ريماس ما تعطيه وجه ..
ريماس : مولاي .. طلبتني ..
جهار ياشر لسفان يروح .. سفان استاذنهم وطلع ..
جهار يطالع اوراق قدامه : متى راح تفهمين مدى جدية منصبك ..
ريماس تقعد : وأنا وش سويت ..
جهار يرفع راسه : روحاتك لعالم الإنس كثرت ..
ريماس تهز اكتافها : وش فيها ..
جهار يحاول يتمالك نفسه : لا تنسين خطورة ذاك المكان علينا ..
ريماس : لا تخاف .. عاملة احتياطاتي ..
جهار بحدة : ريماس لا تنسين أنك hybrid وهذا نادر في عالمنا .. هذا غير الأعداء اللي يتربصون بنا ..
ريماس تتافف : لكني ما احب احبس نفسي في مكان واحد .. وعالهم حلو ومثير..
جهار يكمل : وخطير ويمكن احد اعدائنا يسوي لك كمين .. خاصة أنك للحين ما اخذت لك mate .. وهذا لحاله يكفي .. أنت ولية عهدي .. لازم تحافظين على استمرارية نسلنا ..
ريماس : مو بالغصب .. ما راح أخذ وحدة بس علشان تجيب لي أولاد .. لازم أحبها ..
جهار بحدة : أنت ما عندك luxury علشان تتشرطين .. قدامك بنات كثير أشكال والوان اخذي وحدة منها .. وحبي بعدين على كيفك ..
ريماس قامت بسرعة : أنا ماني مثلك .. إذا كنت راح أخذ لي mate لازم أحبها أول .. بعدين افكر إذا راح اجيب أولاد ولا لأ..
جهار يضرب الطاولة بقوة : أنت ناسية نفسك .. أنت أميرة الصحرا .. في يوم من الأيام راح تكونين ملكتها .. سوالف المراهقين .. ما تنفع معك .. لازم تكونين قد المسؤولية ..
ريماس بحدة : وأنا متى قصرت في مسؤولياتي .. قايمة بواجباتي على أكمل وجه .. لكن قلبي ملكي أنا .. وما راح اتخذ لي mate بناء على مصالح سياسية ..
جهار : ريماس .. نبهتك اكثر من مرة احترمي زوجتي هي ملكة الصحرا ..
ريماس بهدوء : بتقول لي أنك تحبها ..
جهار يتهرب : الحب يجي مع العشرة ..
ريماس رافعة حاجبها : هذا منطقكم أنتم .. أما انا فلا .. مسألة أني أخذ بنت أختها لمصالح سياسية .. انسى .. يكفي أنها من عشيرتهم .. هذا سبب كافي لرفضي لها ..
ريماس التفتت ومشت تجاه الباب .. وأبوها يهدد ويتوعد ..
