اقعدت ريماس على الصوفا : خفي علي من الأسئلة .. توني واصلة ..
يارا اقعدت على طرف السرير : أبغى أعرف كل شيء عنك .. قبل ما تختفين مرة ثانية .. أنا حتى اسمك ما اعرفه ..
ريماس تضحك : معك ريماس ..
يارا تبتسم : معك يارا ..
ريماس : أدري ..
يارا لفت وجهها : صح نسيت أنك كنت معي طول 3 شهور ..
ريماس تبتسم : مضايقك هالشيء ..
يارا تهز راسه : كنت حاسة أن في أحد معي بالغرفة .. لكن ما احد صدقني .. الكل يظن أني مجنونه .. والحين أكيد راح تتاكد شكوكهم .. لما يسمعوني أتكلم معك ..
ريماس : ما راح يسمعون ..
يارا التفتت عليها : كيف ..
ريماس تشرح لها : لما أكون معك .. يكون حولنا مثل دائرة شفافة .. تحمينا وتمنع اصواتنا تطلع.
يارا : يعني ما أحد راح يسمعني وأنا أكلمك ..
ريماس تهز راسها .. يارا بحماس : حتى لو صرخت ..
ريماس تبتسم : حتى لو صرخت ..
يارا أخذت نفس طويل .. بعدين اصرخت بأعلى صوتها .. ما في احد جاء .. ابتسمت وقعدت تفكر .. هي من زمان ودها تغني بصوت عالي .. لكن خايفة من تعليقات بنات خالها .. وبدت تغني أغنية سكر العيون لراشد الماجد ..
يارا بصوت رخيم : أذوب بعينك الحلوة وسكرها وحتى الدنيا.. انساها ولا أذكرها .. أنا اللي سكر عيونك يذوبني دخيلك ..لا تذوبني وسكرها .. أنا أدري ذوبتهم نظرة عيونك .. وصاروا من حلاوتها يحبونك .. وادري اني لوحدي لوحدي ساكن في كونك ..ولعيوني جميع الناس تنكرها..
ريماس كانت تناظر يارا وتبتسم .. لكنها أول ما اسمعتها تغني .. فز قلبها وصار يدق بسرعة .. صوتها عذب .. حتى تعابير وجهها مع الأغنية عذاب .. أخذت قلبي .. كلمات الأغنية نفسها تعكس حالتي معك .. عيون ريماس تغير لونها إلى الذهبي .... انتبهت ريماس لنفسها .. وحاولت تتماسك .. ما تبغى تخوف يارا .. هي ما صدقت تتقرب منها .. لكن لازم تتطلع من هنا .. وإلا راح تخسر يارا أكيد ..
انتبهت يارا لريماس .. وقفت غناء .. والتفتت عليها مستغربة من ردة فعلها ..
يارا بحزن : ما اعجبك صوتي ..
ريماس عاضة أسنانها " ما اعجبني .. كيف ما يعجبني .. كلك على بعضك عاجبتني .. أنا ماسكة نفسي عنك بالغصب " .. وقامت ..
يارا : أسفة إذا ضايقتك ..
ريماس بعدت عنها : ما ضايقتني ..
يارا قامت وقربت منها : أجل ليه بتروحين ..
ريماس تبتسم : عندي شغل ..
يارا بتردد : لكن .. لكني ما أبغاك تروحين ..
ريماس : أسفة ..
وقبل ما تختفي ريماس .. اركضت يارا لعندها وشبكت معها .. ريماس اختفت وما انتبهت أن يارا ماسكة يدها إلا وهي في الجو .. يارا مو مصدقة نفسها .. قاعدين يطيرون فوق المباني والناس والسيارات تحتها .. قعدت تصارخ بخوف ( نزليني .. نزليني ) .. ريماس حاضنة يارا بذراعها .. وشعرها ملتف على جسم يارا ..
ريماس تضحك عليها : أنت اللي شبكت فيني ..
يارا مغمضة عينها وماسكة ذراع ريماس بكل قوتها : ما لي شغل .. نزليني .. نزليني ..
ريماس : طيب .. طيب لا تصحين علينا ..
انزلوا على أقرب سطح .. يارا للحين ماسكة ذراع ريماس وتتحس الأرضية برجلها .. بعدين اتركتها .. ريماس ميتة عليها من الضحك .. يارا تناظرها بنص عين ..
يارا : وش يضحكك ..
ريماس : ما كنت أظنك جبانة إلى هالدرجة ..
يارا تدافع : ماني جبانة .. لكن تفاجأت ..
يارا انتبهت لنفسها .. أنها على سطح أحد المباني .. وما عليها عباية .. صارت تضم روحها .. خايفة أحد يشوفها .. قربت منها ريماس ..
ريماس : تطمني .. ما أحد راح يشوفك وأنت معي ..
يارا بحذر : متأكدة ..
ريماس تبتسم : متأكدة ..
شافوا pipe كبير .. راحوا لعنده وقعدوا عليه .. يارا التفتت على ريماس ..
يارا : ليه كنت بتروحين ..
ريماس تتهرب : قلت لك كان عندي شغل ..
يارا نزلت راسها : قولي أنك مليت مني .. ما راح أزعل ..
التفتت عليها ريماس .. وامسكت ذراع يارا بقوة : مليت منك .. أنت وش قاعدة تقولين ..
يارا تحاول تسحب ذراعها : آي .. عورتيني ..
انتبهت ريماس لنفسها .. واسحبت يدها .. نزلت راسها : أنا أسفة .. ما كان قصدي ..
يارا تدلك ذراعها " وااو جداً قوية ".. ريماس ارفعت يدها تدلك ذراع يارا .. " لازم أحذر لما أكون معها .. مهما كان هي تظل انسية ".. ريماس تتجنب تحط عينها بعين يارا ..
يارا تراقب عيون ريماس : ممكن أعرف سبب تغير مزاجك .. كنت رايقة معي مساع .. بس غنيت .. قلب مزاجك فجأة .. وكأن عيونك تغير لونها ..
ريماس ابلعت ريقها وقامت : قومي .. خليني أرجعك لغرفتك ..
بعدت عنها يارا.. باصرار : ما راح أروح إلا لما أعرف ..
ريماس بهدوء : ما راح يعجبك جوابي ..
يارا مكتفة يدينها: أنا اللي أقرر إذا يعجبني أو لأ ..
قربت ريماس من يارا .. وارفعت يدها تتحس وجه يارا باصبعها .. ومررت اصبعها على شفايف يارا .. وشعرها التف حول ساق يارا .. يارا احمر وجهها ..
ريماس : يارا كل شيء فيك يجذبني لك .. وجهك .. عيونك .. شعرك .. ولما سمعتك تغنين .. ما قدرت أمسك نفسي .. كنت خايفة أسوي شيء يزعلك مني ..
يارا ببراءة : وش اللي راح تسوين ويزعلني ..
قربت ريماس من يارا وباستها .. بعدت عنها يارا بسرعة .. يارا ارفعت يدها تحسس شفايفها ..
ريماس بحزن : قلت لك .. راح تزعلين مني ..
يارا تبتسم : ما زعلت .. بس ..
قربت منها ريماس : بس ايش ..
يارا نزلت راسها : I'm afraid
ريماس بحنان : I know babe
يارا بخوف تترجى : don't rush me
امسكت ريماس وجه يارا وارفعته .. تبتسم : I won't
هزت يارا راسها وابتسمت .. تنفست ريماس الصعداء .. وضمتها بقوة .. " راح أنتظرك لأخر يوم في عمري "..
بدا الجو يبرد .. يارا كانت لابسه بيجامه خفيفة .. قربت من ريماس اكثر .. علشان تدفيها ..
ريماس : خلينا نرجع لغرفتك ..
يارا ماسكة قميص ريماس : ما يضايقك اذا طرنا فوق المباني ..
ريماس : ما راح تخافين ..
يارا ماسكتها : لا هالمرة راح اتهيء نفسياً ..
ريماس تبوس جبينها : طيب ..
