ظلت ريماس بجنب يارا إلى أن تأكدت أنها نامت .. اسحبت نفسها بهدوء .. وغطت يارا .. وباست جبينها ..
ريماس بهدوء : راجعة لك حبي ..
اختفت ريماس .. وارجعت لعالمها .. جفار كان في استقبالها.. قرب منها جفار وانحنى يحيها ..
جفار : welcome back princess
ريماس : thanks.. قولي لي .. وش صار على اللي أرسلناهم ..
وهم يمشون في اتجاه جناح ارينا .. خبرها جفار بكل شي صار معهم .. وعن الذراع اللي رجعها دميترس .. والمسرحية اللي صارت بين ارينا ودميترس ..
ريماس تضحك : ما ألومها .. طلع لها قرون في راسها من بروده ..
جفار : هو يحبها .. لكنه خايف ..
ريماس : خايف من ايش ..
جفار : خايف من الإرتباط ..
ريماس تهز راسها : who's not
ابتسم جفار " قريب نسمع عن ارتباطك مولاتي ".. اوصلوا إلى جناح ارينا .. دقت الباب ريماس.. افتحت لهم ارينا .. كان باين عليها التعب والإجهاد ..
ريماس باهتمام : سلامات .. وش فيك ..
ارينا تدلك جبينها : يسلمك .. طول الليل ما نمت ..
ريماس : وش عندك ..
ارينا بابتسامة حزينة : أشّرح هديتي .. وأشوف تركيبها ..
اضحكت ريماس .. تغيظها : امممم ما أدري ليه زعلانه .. أنت عالمة وهو جاب لك شيء في مجال تخصصك واهتماماتك..
ارينا تطالعها بنص عين : لا تعليق ..
اضحكت ريماس بصوت عالي ..اشرت لهم ارينا يتبعونها إلى المختبر .. ادخلوا المختبر .. وشافوا الذراع على الطاولة .. مشرحة .. قربوا منها .. اخذت ارينا قفازات .. وبدت تشرح لريماس الأشياء اللي اكتشفتها ..
ريماس تستمع لها باهتمام .. حجم الذراع كبير .. والأظفار عبارة عن مخالب ضخمة .. وحادة .. واعطتها رسمة لتركيب الذراع الداخلي ..
ريماس تناظر الرسمة .. تذكرت رسمة يارا .. ابتسمت " متى راح تخلصها " .. انتبهت أن ارينا تكلمها .. ريماس تهز راسها ..
ريماس : عفواً .. ما سمعتك ..
ارينا تغمز لها : princess ركزي معنا .. ولاحقة على الحب بعدين ..
ريماس تناظرها : طيب .. أسمعك ..
ارينا تشرح : فحصت الدم تبعه .. ولقيته غريب ..
ريماس : كيف غريب ..
ارينا تاشر لها تتبعها .. اوقفوا عند طاولة عليها مجهر.. ارينا تعرض لريماس عينه دم الكائن .. شافتها ريماس ..
ريماس مو فاهمة : طيب ..
بدلت ارينا العينة .. وعرضت عليها عينه ثانية .. شافتها ريماس .. للحين مو فاهمة .. واعرضت عليها عينه ثالثه ورابعة .. ريماس تتمالك نفسها .. مو عارفة سبب هالعرض ..
ريماس : ما فهمت .. ممكن اعرف سبب عرضك لكل العينات ..
ارينا تشرح : هذه العينة اللي من الكائن ..
وتركبها في مجهر .. بعدين اخذت العينات الثلاث واخلطتهم مع بعضهم .. وركبتهم في مجهر ثاني .. واطلبت من ريماس تشوف العينة وتقارن بين الثنتين .. ريماس للحين مو فاهمة .. لكنها سوت اللي اطلبته ارينا .. في المجهر الأول عينة الكائن .. و في المجهر الثاني تركيب العينات الثلاث .. تفاجأت ريماس .. مو مصدقة اللي تشوفه .. ارجعت تشوف العينات مرة ثانية ..
التفتت على ارينا .. ريماس بحيرة : نفس التركيب ..
ارينا تهز راسها : هذا اللي اكتشفته بالصدفة ..
ريماس : طيب كيف .. والعينات الثلاث لمين ..
ارينا تشرح : هذه عينة ذكر صحاري ( منهم ) .. وهذه عينة حيوان الريتز ( حيوان يشبه الديناصور ) .. وهذه عينة خميدس ..
جفار باستغراب : خميدس ..
ريماس تربط الأمور ببعض :الكائنات خليط من عدة عينات .. وخميدس بالذات ..هذا يعني ..
ارينا تكمل عنها : سحر ماركاس ..
ريماس بعصبية : كنت أظن أنهم أُبِيدوا في أخر حرب مع عشيرة كاتان .. يعني ما خلصنا من شرهم ..
ارينا : السحر هذا قوي .. هم ياخذون ذكور صغار .. ويلعبون بجيناتهم .. حتى يصيرون ( تأشر على الذراع ) مثل هالشي ..
جفار يستنتج : هذا يفسر اختفاء الأطفال الذكور في السنوات الأخيرة .. من عدة عشائر مو بس عشيرتنا ..
ريماس : والكل كان يظن أن العشاير الثانية هي اللي تخطف الأطفال ..
جفار : علشان يضربونا ببعض .. ويتفرغون لعملهم المقزز ..
ريماس تكلم ارينا : طيب ما عرفت نقطة ضعفهم .. فرسان أقوياء وشرسين ما اقدروا عليهم ..
ارينا تفصخ القفاز : بسبب جينة خميدس .. ما هي تعمل مثل regenerate .. إذا جرح أو انبتر منه عضو ينمو له واحد ثاني ..
جفار : هذا يفسر سبب قوتهم .. وعدم مقدرة أحد على قتلهم ..
ريماس : لأنك مهما طعنته وقتلته راح ينبعث من جديد .. ويقوم ..
جفار يفكر : كيف نتخلص منهم ..
ارينا تاشر على راسها : بقطع الراس ..
ريماس باستغراب : قطع الراس ..
ارينا تهز راسها : الماركاس ما يموتون إلا بقطع الراس ..
ريماس تفكر : لازم نعرف من ورا العملية القذرة .. يشوهون أطفال ويحولونهم إلى وحوش .. what's for .. وش نواياهم ..
ارينا تخمن : سرقة .. نهب ..
جفار : أغلب القرى تعرضت للتخريب .. لكن الأشياء الثمينة لم يسرق منها شيء ..
ارينا : طيب وش هدفهم ..
ريماس تناظر الذراع .. وتفكر يا ترى ابن من أنت اللي احرموك من أهلك واحرموهم منك ..
ريماس لا شعوريا : فوضى ..
جفار وارينا : فوضى .. ليه ..
التفتت عليهم ريماس تبتسم : ايفانا ..
