سافرت ريماس مع مجموعة من الجنود .. متجهة الى جبل خيدان .. مروا على عدة قرى .. لقتها فاضية .. وأثار الدمار واضح للعيان .. بيوت مهدمة ومحترقة .. وجثث مشوهة ..
ريماس باشمئزاز : مدمرين كل شيء ..
جفار : حتى الحقول حارقينها ..
ريماس : فوضى ..
دميترس : صاروا أكثر دموية وعنف ..
جفار ياشر بيده : راح نخيم هناك .. قريب من النهر.. والتلة راح تحمي ظهرنا ..
هزت ريماس راسها : طيب .. جفار انصب لنا مخيم هناك .. أنا راح أخذ لي لفة على المكان ..
وكزت ريماس حصانها .. ولفت عنهم .. جفار أشر لدميترس .. فهم له دميترس ولحقها .. ريماس انتبهت أن دميترس يلحقها ..
ريماس تنادي : ماني بحاجة الى حارس ..
دميترس يلحقها : just companion , princess
ابتسمت ريماس : هذا اذا قدرت تلحقني ..
وكزت ريماس حصانها .. علشان يسرع .. ولحقها دميترس .. ادخلوا الغابة .. قرب دميترس من ريماس .. ناظرته ريماس بطرف عينها ..
دميترس : 2 فوق الشجر اللي على اليسار ..
ريماس تبتسم : وواحد ورانا .. وثنين جهة اليمين ..
دميترس : راح اخذ اليسار ..
ريماس: وانا الباقي ..
دميترس يسوى نفسه زعلان : مو عدل ..
ريماس تضحك : اذا سبقتني .. راح أخلي لك الي ورى ..
دميترس ضحك .. وكز حصانه .. ولف يسار .. ريماس كملت طريقها بسرعة .. الى ان وصلت الى أرض مفتوحة .. قفزت من حصانها واختفت فجأة ..
قناص 1 يتلفت : وين اختفت ..
قناص 2 متفاجئ : كانت قدامنا .. فجأة اختفت ..
قناص 1: dame .. وين راحت ..
قناص 2: حصانها موجود ..
بسرعة خاطفة .. نزلت ريماس عن غصن الشجرة اللي قاعد عليه قناص 1.. تفاجئ فيها .. سحب سيفه يقاتلها .. لكن ريماس سبقته بطعنه في الصدر .. طاح على الأرض .. الثاني التفت عليها ورماها بعدة خناجر صغيرة .. وهو يبعد الى الأشجار الثانية .. ريماس تتفادها ببراعة .. اختفت فجأة .. وطلعت خلفه .. لكنه لف عليها وهاجمها بالسيف .. اسحبت ريماس سيفها بسرعة .. واهجمت عليه .. طاحوا على الأرض .. ريماس نزلت على الأرض برشاقة .. وواجهت القناص .. ظلوا يتقاتلون مدة .. إلى أن اطعنته ريماس في الصدر .. وطاح على الأرض ..
التفتت تدور الثالث .. كانت حاسة بوجوده .. لكنه مختفي .. وشكله أقوى من هالثنين .. وقفت وسيفها بيدها بوضعية الهجوم .. غمضت عينها .. وركزت حواسها الباقية على مصدر القناص الثالث .. قاعد يتحرك بسرعة وبخفة .. " سحر أكيد ".. افتحت ريماس عينها بسرعة واقفزت .. كان القناص الثالث تحت الأرض .. وطلع من ظلها .. أشاحت ريماس بسيفها تجاهه .. لكنه تفادها ببراعة واختفى .. صارت ريماس أكثر حذر .. وتلتفت بهدوء .. وتركز على اتجاه الريح .. التفتت فجأة في اتجاه اليمين .. ظهر لها القناص .. اهجمت عليه .. لكنه اختفى ببراعة وهو يضحك بخبث ..
القناص 3 يضحك : نهايتك على يدي ..
ريماس تتحدى : اظهر نفسك يا جبان .. ولا تحب الغدر ..
ضحك القناص .. وقرب من ريماس بسرعة .. جرحها بكتفها .. التفتت ريماس بتضربه بالسيف لكنه اختفى .. صار يهجم عليها من مختلف الاتجاهات .. قدرت ريماس تصد بعض هجمات .. لكنه قدر يصيبها بخدوش بس .. عصبت ريماس منه .. ألقت بـ spell .. لكنه قدر يصدها ..
القناص 3 يضحك : nice try, princess
التفتت ريماس تدوره .. بعدين ابتسمت خفيف .. عرفت كيف تقدر تتغلب عليه .. ظلت واقفة ومغمضة عينها .. ومنزلة سيفها .. كان القناص يراقبها بحذر .. واستغل الفرصة .. راح يقتلها بسرعة وهدوء .. خاصة انها ما راح تعرف في أي اتجاه راح يهاجمها .. استل خنجره وهجم عليها بسرعة .. ريماس واقفة بهدوء .. ويدها على سيفها اللي منزلته .. فجاءة افتحت عينها .. وارفعت سيفها بخفة .. ووجهته الى خلفها .. أصابت القناص في القلب مباشرة .. سقط وهو ينازع.. حاول يقوم مرة ثانية .. ما قدر .. الى أن استسلم ..
