دخلت المكتب وتوجهت الى ميار .. كان قاعد يشتغل ويرد على بعض الرسائل .. ويراجع ملفات ومطويات كثيرة على المكتب .. جلست على الكرسي المقابل له ..
كهرمانة : أبغى أقابل الملكة ..
ميار عيونه على الورق : مو موجودة ..
كهرمانة : وين راحت ..
ميار رافع حاجبه : تبيني أسألها وين بتروح ..
كهرمانة تبتسم : علشان تطير رقبتك ..
ميار : هذا أنت قلتيها ..
كهرمانة بقلق : خايفة عليها ..
ميار يكتب على ورقة : ما ينخاف عليها .. ولا ناسية انها الملكة ايفانا ..
كهرمانة تتنهد : ماني ناسية .. لكنها متغيرة مؤخراً ..
ميار : أدري أنها متغيرة ..
كهرمانة بعصبية : أخ بس لو تطيح بيدي ..
ميار رفع راسه . بتعجب : الملكة ..
كهرمانة تناظره : الانسية ..
ميار يلف الورقة : الانسية لريماس ..
كهرمانة : وش دعوة بتفرق معها ..
ميار : هذا شيء خاص بالـ hybrid ما أحد ياخذ الـ mate حقته .. وان حاولت تبعدهم .. هي الخسرانة في النهاية ..
كهرمانة تزفر : قول هالكلام لايفانا ..
ميار : هي أول وحدة عارفة .. لكن شيء في هالانسية .. ما أدري .. شيء يجذب ..
كهرمانة : كملت .. صف معهم أنت بعد ..
ميار يأشر بيده : لا .. ماني قد hybrid علشان أقرب من her mate ..
كهرمانة : ابغى اشوف بنت الانس هذه ..
ميار يضحك : ومن يقدر يقرب منها الحين .. ريماس عاملة حماية شديدة حولها .. أي شخص يقرب من محيطها .. ( يطرق باصابعه ) يُقتل فوراً ..
كهرمانة رافعة حاجبها : وأنت وش عرفك ..
ميار بفخر : لي مصادري الخاصة ..
كهرمانة : وريماس ليه ما تاخذها ونرتاح ..
ميار : ما راح ترتاحين ..
كهرمانة : وليه ..
ميار يقوم : لأنه يا ذكية .. وقتها راح تكون أمام الملكة وقريبة منها .. ولا تبين أذكرك أننا حنا ضعاف في عالم الانس ..
كهرمانة توها تستوعب .. بحدة : هذه بتجيب لي المرض ..
كانت نايمة في حضن ريماس .. وتتبع باصبعها على جرح قديم على صدر ريماس .. ريماس تلعب بشعر يارا .. وشعرها ملتف على جسم يارا ومغطيه ..
يارا بتعب : you are a bad .. bad girl
ريماس تضحك : علشان ما تعيدينها مرة ثانية ..
يارا بتحدي : نشوف ..
ضمتها ريماس أكثر وباست جبينها : لازم نروح لصحرا ..
بعدت يارا : الحين ..
ريماس تهز راسها : ما له داعي التأجيل ..
يارا بخوف : بس .. أهلي .. صديقاتي .. حياتي ..
قاطعتها ريماس وضمتها : راح تتركينهم في النهاية .. ما أحد دايم لأحد .. وكلن بيروح في طريقه ..
يارا اخنقتها العبرة : لكني ما راح أشوفهم مرة ثانية ..
ريماس : تقدرين ترجعين في أي وقت وتشوفينهم ..
يارا : لكنهم ما راح يشوفوني .. بيعتقدون أني ميتة ..
ريماس تمسح دموعها : كذا أفضل للجميع روحي .. تبينهم يقلقون عليك ويحاتون وين رحتِ ووين اختفيتِ ..
يارا تهز راسها : لا ..
ريماس : وبعدين راح ناخذ غرفتك هذه كلها معنا ..
يارا باستغراب : شلون ..
ريماس بثقة : شلون هذه خليها علي .. ولا ما تبين ..
يارا بحماس : إلا ابغى ..
ريماس : خلاص اجل .. نقوم الحين ..
يارا : لحظة .. أبغى أودع جدتي وأسلم عليها ..
ريماس : طيب .. وأنا راح أجهز كل شيء ..
قامت يارا ولبست ملابسها .. وصلت عند الباب ووقفت .. أخذت نفس طويل وطلعت .. وهي نازلة الدرج صارت تفكر في مستقبلها مع ريماس .. بتروح معها الى عالم جديد عليها وغريب.. راح تترك أهلها وحياتها وصديقاتها .. هل بترتاح هناك .. شلون بتتكيف مع عالم غريب عنها .. والمشكلة ما تقدر تقول لأحد .. ( ضحكت ) بيفكرونها انجنت ..
