ظهرت ريهانا عند ارينا .. شافت أختها سيرين منسدحة على الكنب ورجلها ملفوفة .. قربت لعندها بسرعة ..
ريهانا : وش صار لك ..
سيرين : طحت على الثلج ولويت رجلي ..
ريهانا : تعورك ..
سيرين بتأفف : لا ما تعور ..
ريهانا : أجل وش فيك ..
سيرين : يارا اختفت فجأة ..
ريهانا : وين اختفت ..
سيرين : شكلها راحت الى عالمها ..
ريهانا : طيب وين المشكلة ..
سيرين : راح بروحها .. وحاسة أنها في خطر ..
دخلت ارينا وهي تتأفف .. قامت ريهانا وضمتها ..
ريهانا : وش فيك حبيبي ..
ارينا : يارا اختفت ..
ريهانا : قالت لي سيرين ..
ارينا : راحت لحالها .. ما انتظرت الحراس يلحقونها ..
ريهانا : يارا ما عليها خوف .. ناسية أنها ميت هايبرد ..
ارينا : ما نسيت .. لكن في هايبرد ثانية تلاحقها ولا ناسية ..
ريهانا : ايفانا ..
ارينا : ومن في غيرها .. ارسلت وراها دميترس ومعه جنود ..
ريهانا : وريماس وينها ..
ارينا : ريماس في مهمة .. وما ادري اذا حست فيها او لا ..
دخل دميترس معصب ويسب .. شافته ارينا ..
ارينا باستغراب : ما رحتوا الى الحين ..
دميترس : حاولنا نعبر البوابة لكنها مغلقة ..
ارينا : شلون مغلقة ..
دميترس يشرح : عليها spell قوي ..
ريهانا بين أسنانها : ايفانا ..
ارينا بخوف : يعني يارا لحالها هناك معها ..
سيرين : ريماس الحقتها أخيراً ..
التفتوا على سيرين .. وناظروها باستغراب ..
ارينا : وش عرفك ..
سيرين تهز راسها : ما أدري .. لكن ريماس عندها ..
يارا تمسح دموعها : أنت ما عندك شغل غير تلاحقيني ..
ايفانا تبتسم : بلى عندي .. لكن حالياً ما عندي غيرك ..
يارا تمشي : انا مع ريماس الحين .. شوفي لك غيري ..
اختفت ايفانا وظهرت أمام يارا بثانية .. يارا تراجعت خطوات وأشرت بيدها .. ايفانا طارت بعيد لكنها قدرت تهبط على رجولها برشاقة .. ابتسمت وهي تناظر يارا .. ميت الهايبرد تكتسب بعض صفات الهايبرد بعد الـ mating .. ويارا ماخذة من ريماس الكثير .. لكن في شيء ثاني .. يارا متغيرة عن أخر مرة شفتها فيها ..
يارا تهدد : ايفانا هالمكان ما يصلح لك ..
ايفانا : ليه خايفة علي ..
يارا : ومن أنت علشان أخاف عليك ..
ايفانا تقرب : شخص يموت فيك .. ويتنفس هواك ..
يارا تحذرها : bad move
ايفانا تتنهد : عطيني فرصة بس ..
يارا رافعة حاجبها : أنت عارفة أنه مستحيل يكون بينا شيء ..
ايفانا : صدقيني ريماس ما تستاهلك ..
يارا : ما يخصك ..
ايفانا : لو كانت حريصة عليك .. ما خلتك تجين هنا بروحك ..
يارا : ماني بحاجة الى حراس معي .. وعارفة طريقي ..
ايفانا تبتسم : تعجبني ثقتك بنفسك ..
يارا : وأنا موعاجبتني صفاقتك ..
ايفانا تضحك وتقرب خطوات : وعاجبني طول لسانك ..
يارا : لا تقربين أكثر .. ما أبغى اذيك ..
ايفانا تناظر البحر وتلتفت على يارا : خايفة علي ..
يارا : ما أبغى أضرك .. وماني ناسية أنك أنقذتيني مرتين ..
ايفانا : حلو .. متذكرة يعني ..
يارا : ماني من اللي ينسى معروف احد ساعدني ..
ايفانا تبتسم : عارفة .. كل شيء فيك يجذبني لك اكثر وأكثر .. والحين فيك شيء غريب .. something pure and beautiful
يارا مو فاهمة وتبغى تنهي الحوار مع ايفانا .. حاولت تختفي لكنها ما اقدرت .. أشرت لها ايفانا بيدها وتبتسم ..
ايفانا : البوابة مغلقة مؤقتاً ..
