وبعد انتهاء الصراع بين امجد و اسر و خروج امجد من غرفه دكتور صلاح بغضب و عصبيه ، و فى الوقت ذاته كان دكتور صلاح يجاهد مع ابنه اخيه مى بان تتحكم باعصابها نتيجه دخول المعالج النفسي اليها
فى غرفه مى
دخل فخرى بدون استأذن : اهلا وسهلا بيكى ، يا انسه انا عارف طبعا انى مشهور و معروف مفيش داعى للانبهار بيا ، خدى نفس شهيق زفير ، واحد اتنين ، هوب هوب
عم السكون قليلا و مما جعل فخرى ينظر ع وجهم بحيره فوجد منهم من كان مندهش مما حصل و كان ذلك حنين و منهم من كان يدعى لفخرى بالرحمه و كان هذا صلاح نظير علمه بما سوف يحدث له من مى و منهم من كان لا يفهم ما هذا الاسلوب الذى يحدث من طبيب مثله و بالطبع كان هذا المحمدى واخيرا كان يوجد من يشتاط من الغضب و اقسم بداخله ان هذا المعتوه سوف يجاور صديقه الغرفه الملحقه بيها و كان هذا بالطبع اسر
فخرى بحيره : ايه فى ايه ياجماعه مالكم ، " ثم نظر على وجه اسر الغاضب واكمل حديثه " طب مبدئيا كده المحترم اللى هناك ده يخرج بره
كان اسر على وشك الفتك به ولكن مى هى من تصرفت هذه المره
مى : ده مين العبيط ده
فخرى باندهاش : عبيط ، اناااا عبيط ، انا دكتور فخرى مبستم سعيد الضحاك يتقال ليه عييط من واحده مش معروفه راجل ولا ست ، انتى انتى بتتضحكى ليه
مى بعد ان افاقت من هستريه الضحك بسبب نطق اسمه
مى : طب انا مش معروفه راجل ولا ست ، انت بقي جنس مليتك ايه بقي بصوت الضفادع اللى محشوره فى زورقك ده ، ده انا لولا انى فى الوضع اللى انا فيه كنت عرفتك انا مين
اسر بفرحه طفل : اديلواااا ، ده طلع عين امى
صلاح : مى انا قولت ايه
مى : طب انا راضيه زمتك يا كابتن ياللى هناك انت
اسر وقام بالمشاوره ع نفسه :انا
مى : ايوا انت هيكون عفريت العلبه ده يعنى
فخرى : لو سمحتى يا انسه ، احترمى نفسك شويه
حنين : خلاص بقي يا مى ده راجل كبير برضو
فخرى : مين ده اللى كبير يا دكتوره ، ده انا فى ريعان شبابى
اسر : شباب مين يا ابو الشباب ، ده انت خارج من التربه ساعتين زمن وراجع تانى
فخرى :دكتور صلاح كده كتير ، ده كده عدم احترام ليا ولا لمجهودى
مى : مجهود ايه يا عم انت هو انت عملت حاجه لسه ، ده منظر دكتور ، ده يعرف يعالج نمله مطلقه من اكتائبها حتى
اسر : طب والله ده اللى انا قولته ، استهدى بالله بقي و خلينى ارجعك لتربتك تانى
صلاح وهو يضرب كف ع كف : يا شيخه حسبى الله ونعم الوكيل ، بهدلتى الراجل
مى : بتحسبن عليا يا صلوحه ، ماشي
المحمدى : لا انا كده اطمنت اووى ، ان موت الدكتور ده هيبقى على ايد مى مش شهاب ، ربنا يستر و شهاب ميعملش جنايه
اسر : والله انا من موقعى هذا ، ان البتاع اللى هناك ده بيلعب بعمره بمفك مصدى
فخرى : قصدك ايه يا محترم انت
اسر :ياعم انت فلقتنى ب ام محترم دى ، انا واحد مهزق عندك مشكله
فخرى : كل اناء ينضح بما فيه ، ورحم الله امرؤ عرف قدر نفسه
اسر بشك : بص انا مش متاكد ، بس انت بتشتم صح
مى : اه شتم و شتم الست الوالده كمان
صلاح : ااااه يابنت المجانيين
اسر : طالبها و نالها فخرى ابن ام فخرى
★★★★★★★★★★★★★★★★★★★★★★★★★★
بدايه يوم جديد و حلقه جديده بس للاسف دلال مش معانا النهارده فى حلقتنا
" هذه كلمات قالها وائل بعد اعتزار دلال له عن مجئيها الشغل و مشاركته فى الحلقه نظير شعورها بالتعب قليلا"
ومرت الساعه بملل ع وائل على غير المعتاد ف ل اول مره يشعر ان الحلقه بالفعل ممله بسبب عدم وجود دلال بيها ولم يكن هو ايضا يشعر بهذا فكان المستمعون يشعرون بملل و لم يأخذ اتصالات كثيره ع غير المعتاد
وانتهت حلقتنا وان شاء الله فى حلقه جديده و يكون دلال معانا باذن الله
كانت فى هذه اللحظه تستمع الى الحلقه من داخل غرفتها ، وقطع تركيزها اتصال وائل عليها فقد ارسلت له رساله على احدى وسائل التواصل الاجتماعي اخبرته بيه عن عدم ماجئيها و اخذ يتصل عليها ولكن دلال لم ترد
ولكن لم ييئس واخذ يبعت لها رساله صوتيه : لو مردتيش عليا دلوقتى هتلاقينى قدام بيتكم
وعلى الفور قامت بالرد عليه على نفس البرنامج كتابتا : انا مش قادره للكلام دلوقتى
وائل : دلال قدامك دقيقه لو مردتيش عليا فون ، شوفى ايه اللى هيحصل
وبالفعل قام بالاتصال وقامت بالرد عليه
وائل بعصبيه : فى ااايه عمال اتصل مالك فيكى ايه مش بتردى ليه
دلال : انت بتزعق ليه دلوقتى ، تعبانه متعبش يعنى
وائل : واللى تعبان مبيروحش للدكتور ليه ، انا اصلا كمان شويه و هكون عندك
دلال باستغراب: عندى ليه
وائل : دلال مش ناقصه غباء ، انا جى اطمن عليكى واشوفك روحتى للدكتور ولا لا
دلال مسرعه : لااا متجيش
وائل : ليه ، دلال فى ااايه
دلال بشجاعه : اناا مش عيانه
وائل : فى ايه يا دلال
دلال : انا جيلى عريس
وائل وقد اصدر اطار سيارته صوت عالى نظير الاحتكاك: نعمممممم يا اختى
دلال بخوف : وائل انت كويس
وائل : انا زفت ، ايه بقي اللى انتى بتقوليه ده
دلال : ايه الغريب يعنى ، عريس وجى هيتقدم ايه المشكله
وائل بعد ان قام بوقف سيارته على الطريق : ومن امتى بيجيلك عريس و تغيبى علشان الشغل يعنى ، من امتى اصلا عريس يجيلك و بتوفقى
دلال بحزن ولكن لم يبدو على صوتها : لا ما انا هوافق المره دى يا وائل
وائل بدون رد
دلال : وائل ، وائل انت معايا
ولكن انقطع الاتصال
دلال ببكاء : انت اغبى واحد يا وائل ، انت غبى و متخلف كمان ومعندكش دم غبى غبى
دخلت والدتها مسرعه : انتى لسه بتعيطى يا دلال فى ايه بس
دلال : يا ماما مش معنى انا بابا مات ان خالو عمران يتحكم فيا ، انا مش عاوزه اتجوز فارس هو بالعافيه مش عوزااااه
فلاش باااك
سميه بترحاب : انا مصدقتيش نفسى لما البت دلال كلمتنى وقالتى انك هنا سبت كل حاجه وجيت جرى
عمران وهو يحضن اخته : وحشتينى اووى يا ختى
سميه : نورت البيت يا حبيبى ونورت بلدك ، قومى يابت جهزى العشا لخالك
عمران : ولا اكل ولا حاجه انا جاي فى مةضوع بخصوص دلال
سميه وهى تنظر ل ابنتها : مالها دلال يا اخويا
عمران : فى عريس متقدم ليا
سميه بفرحه : لوووولووى ، يا الف نهار مبروك ، مين يا اخويا ابن مين
دلال : فى ايه يا ماما ، خالو انا مش بفكر ف. الجواز دلوقتى
سميه : اسكتى يا بت
عمران : لا اللى عوزاه دلال هنفذه ، العريس وأهله جاايين بكرا ، اعقدى معاه و شوفيه الاول
دلال : بس يا خالو
سميه : بس يابت ، يجيوا يا حبيبى ينورو وان شاء الله هيحصل قبول
باااك
دلال : انا مش عاوزه التحكمات دى
سميه " ام دلال " : يابنتى متقوليش كده ، خالك عاوز مصلحتك ، و بعدين ده روحه فيكى يا بنتى ، وفارس ده هو اللى مربيه من بعد ما ابوه اتوفى يا قلبي عليه و هو بيعتبره ابنه
دلال : انا مش بحبه يا ماما
سميه : اتنيلى هو انتى كنت شوفيته اصلا ، بلا وكسه ، ده واحد حليوه خالك ورانى صورته ، انا هروح اشوف الاكل ع النار على الناس اللى جايه
دلال : انتى فين يا مى انا محتجالك
يتبع ....
أنت تقرأ
أنا مين ؟!
Humorهبدء معاكوا حكايه غريبه معتقدتيش انها ممكن تحصل لناس كتير يحصل ايه لو دخلت جوا بوق واحد 😂😂 اه والله زى ما بقول ليكم كده طبعا انتوا بتسئلوا أنا مين ، اهو ده نفس السؤال اللى أنا بسئله لنفسى من ساعه اللى حصل أنا مين ؟!! روايه أنا مين ؟!! Dêrôó كو...