أنا مين ؟!

١٥ - مقابله غير موفقه

فى كافيه ما فى احد انحاء وسط البلد

دلال : انا اللى عندى قوتله يا وائل مفيش اى حاجه هتحصل غير لما تخف مى

وائل : نعممم يا اختى ، هو حد قالك اننا هنتجوز بكرا ، دى قرايه فاتحه و دبلتين

دلال : هو ده  اللى عندى

وائل بمكر : طب انا عندى حل قومى معاياا

دلال : على فييبن ، استنى

و اتجهوا الى  المستشفى و تحديدا غرفه مى او جسد شهاب

وبعد ساعه وصلوا الى المستشفى

حنين بابتسامه : كويس انكم جيتوا ، كنت لسه هتواصل معاكم

وائل : خير فى حاجه ولا ايه

حنين : لا ابدا ، بس المفروض ان دكتور فخرى هيعمل النهارده جلسه مع شهاب و مى سوا مع بعض

دلال : الاتنين مع بعض

حنين بقلق : هو ربنا يستر انا مش مطمنه اصلا

وائل : لا خير ان شاء الله ، هما فين دلوقتى اكيد مى هتكون محتاجه دلال مع حضرتك

حنين : هى فعلا مى كانت عاوزه دلال ، بس فخرى مانع اى حد يدخل معاهم

دلال : وهما بقالهم قد ايه جوا

حنين وهى تنظر الى ساعتها : تقريبا ربع ساعه

قطع حديثهم وصول اسر و المحمدى

المحمدى : اسفين للتاخير ، هما بدءوا يا دكتوره

حنين : يعنى بقالهم ربع ساعه ، بس دكتور فخرى مانع حد يدخل

اسر : يعنى ايه مانع يدخل ،هو هيستهبل

دلال متدخله ف الحديث: معلش يا استاذ هو اكيد اعلم بشغله

وائل وهو يقبض عل كف يديها : طب يا دكتوره احنا تحت ف  الكافتيريا ، لما الدكتور يخلص عرفينا ، بعد اذنكم

وبعد ان ابتعد وائل و دلال قليلا

دلال : ااايه ، ايدى سبها بقي

وائل بغيظ : انتى بتتحشرى فى الكلام ليه

دلال بانكار : اااانا ، فين ده

وائل وهو يمثل انو يعطيها ما يسمى بوكس : اضربك اضربك يعنى

دلال بدلع : واهون عليك يا وائل

وائل : هااا

دلال وهى تحاول ان تكتم ضحكتها : مش هننزل تحت فى الكافتيريا

وائل على نفس الحال : كافتيريا ايه ،انا عاوز الماذون

دلال بحرج وهى تتركه راكضه

وائل : انتى يا بت خدى هنا ، استنى وبعد انا امسكها ، اكمل بمكر ، ده من امتى الكسوف ده

دلال : ااانا يعنى ،هو 

وائل : جمعى يا ماما الاول

دلال : عاوزه اشرب عصير

وائل بغيظ : عصير!

دلال بابتسامه : فرواله ،عاوزه اشرب عصير فرواله

وائل بابتسامه : طب يلا قدامى


فى نفس ذلك الوقت

كان اسر يتابع حديثه مع المحمدى و حنين حين قطع الحديث تواجد امجد

امجد : صباح الخير يا محمدى بيه ،صباح الخير يا بمشهندس ، اخبار حضرتك ايه يا دكتوره

حنين برسميه : الحمد الله يا دكتور

اسر : يااا صبر ايووب

المحمدى : مالك يا بنى

امجد : احم ، بعد اذنك كنت عاوز حضرتك فى كلمه يا دكتوره

اسر : الدكتوره مش فاضيه ، انت مش شايفها واقفه معايا قصدى معانا

امجد : معلش يا بمشهندس ، موضوع خاص شويه

حنين : بعد اذنكم

المحمدى بضيق : ااااسر

اسر بغيظ : نعمم

المحمدى : ايه حكايتك بالظبط ، انت اخرتك ايه عاوز اعرف

اسر : اخرتى خير ان شاء الله

المحمدى : طب تعالى ننزل نفطر تحت

اسر : اسبق انت انا مش جعان

المحمدى بامر : يلا قدامى يا اسر

اسر بلا حيله : طيب

فى ذلك الوقت فى الردهه الخاصه بالممر كان يسيران كلا من امجد وحنين

حنين : اؤمر يا دكتور

امجد : احم هو يعنى ، دكتور صلاح متكلمش مع حضرتك فى حاجه يا دكتوره

حنين هو تمثل عدم الفهم : حاجه بخصوص ايه يا دكتور

امجد: يعنى ، كان موضوع كده اتكلمت مع دكتور صلاح يعنى

حنين : اه وانا دخلى ايه مش فاهمه يا دكتور ، ممكن حضرتك توضح اكتر

امجد : يعنى الموضوع بخصوص

قطع حديثهم طلب الممرضه من حنين متابعه حاله ما

حنين : انا اسفه يا دكتور ، ممكن نكمل كلامنا فى وقت تانى

امجد : ااه طبعا يا دكتوره اتفضلى

وبعد ذهاب حنين

امجد بغيظ : هو ده وقته

★★★★★★★★★★★★★★★★★★★★★★★★★★

فى ذلك الوقت فى احد الغرف بالمستشفى

حيث يجلس كلا من شهاب و مى و فخرى

حيث كانت الغرفه اشد بمعركه مشتعله حين وجدت مى ، ان شعرها لم يكن بمثل حالته

مى : اااايه ده ، هو ايه اللى حصل فى شعرى

فخرى : مجرد بس تعديل بسيط وفقا لحاله شهاب يعنى

مى : بلا شهاب بلا قبقاب على دماغكم ، مين اللى بوظ شعرى

شهاب : انا اللى قصيته ، عندك اعتراض

مى : انت انت انت

شهاب : اااايه انتى علقتى

مى : انت ازاى تعمل كده يا متخلف انت

شهاب : لا غلط همد ايدى عليكى ، بس وشي ملهوش ذنب الصراحه

مى : مستفز

فخرى : ممكن تقعدوا و نتكلم شويه بعد اذنكم

مى / فخرى : اسكت انت

فخرى برفعه حاجب : اتفضلوا اقعدوا لو سمحتم

مى : انت فاكر نفسك ايه يا بنى ادم انت علشان ايدك دى ، عاااااااا، انت قصيت ظوافرى ، عيااااالى

شهاب : تافه

مى بغيظ : انا تافه ، طيييب ، ثم اخذت تبحث عن اى اله حاده حتى وجدت موس

فخرى : انسه مى اهدى مينفعش كده

مى : هشيل دقنه زى ما بوظ شعرى

شهاب بملل: اقعد يا دكتور سيبك منها ، مش بدل ما تشكرنى انا قصيت ليها سلك المواعين ده

مى بصدمه : سلك مواعيين !

فخرى : ممكن تتنيلوا و تقعدوا بقى

مى بعد ان تركت الموس : بص انت دكتور عقبال لما تفرج ، بس هعقد علشان انا عاوزه اقعد مش علشان انتى قوتلى اقعد

شهاب بملل : ابتدينا

فخرى : اول حاجه انا حابب اعرفكم ببعض ، انسه مى على حسب التقرير بتاعك انتى خريجه هندسه بس بتشتغلى مذيعه فى الراديو صح وليكى برنامج اسمه ميوشه المنكوشه صح

شهاب والذى لم يستطيع كبح ضحكاته

مى بغيظ : منكوشه ، اسمه ميوشه للحكاوى النعنوشه

شهاب باستفهام : ااااه انتى بقي صاحبه البرنامج التافه ده

مى : ولما هو تافه ، بتسمعه ليه

شهاب : اللهى اتطرش لو كنت بسمعه

مى وهى ترفع يديها : يااارب ، امال عرفته منين من الهوا

شهاب : ده المتخلف اسر اللى سمعنى حلقه ، وكانت حلقه سودا سمعتها من هنا و عملت الحادثه من هنا

فى ذلك الوقت

اسر : كح كح كح

المحمدى : خد اشرب مايه ، مالك شرقيت. ليه

اسر : تقريبا حد بيجيب فى سيرتى

عوده الى شهاب و مى

مى : سودا على دماغك

شهاب بردح : ما ياختى فعلا كانت سوده ع دماغى ، حد قالك انى معجب باللى حصلى

فخرى بملل : خلاص اكمل بقى

شهاب / مى : ارغى ، ثم نظروا الى بعضم وقالو فى نفس الوقت ، بطل تقلدينى

شهاب / مى : ااانا

فخرى : حلو اووى كده استمروا

القى شهاب و مى على فخرى نظره مميته

فخرى : احم احم ، و ده المهندس شهاب ، ابن المهندس المحمدى فهيم ، صاحب شركه المحمدى جروب

مى بسخط : تشرفنا

فخرى : دلوقتى انا عاوزه اقول كلمتين ، لازم يكون فى تعاون بينكم اكتر من كده مش معقوله اول مقابله بينكم ويبقى بالاسلوب ده

شهاب بتريقه : يعنى عاوزينى اعمل ايه اخدها فى حضنى ولا ابوسها بوستين

مى : يعع ، باستك عقربه حوله يا بعيد ، مع الاعتزار للعقربه

شهاب : ماشى يا سحليه

فخرى : طب انا بقول كفايه اووى كده ونكمل يوم تانى

مى / شهاب : احسن

مى : يووووه انت بطل تقليدنى

شهاب : اتنيلى ، انا رايح الاوضه بتعتى بلا هم

مى : وانا كمان هروح

شهاب : عرفيتى مين بيقلد التانى

فخرى بتفكير بعد ان رحل كلا من شهاب و مى اتجه مباشره الى مكتب دكتور صلاح

★★★★★★★★★★★★★★★★★★★★★★★★★★

شخص ما ( صابر) : رياض باشا

رياض : خير

صابر : فى حاجه حصلت يا باشا غريبه

رياض بتركيز : حصل ايه يا زفت

صابر : من شويه لقيت شهاب بيه معاه بنت وكان ماشيه فى ممر المستشفى بس كانت حالتهم غريبه

رياض : غريبه ازاى يعنى

صابر : مش عارف اوصفلك يا رياض بيه ، بس زى ما يكون شهاب بيه مش زى الاول فى حاجه غلط

رياض : قدامك ١٠ دقايق و تجيلى ع الفيلا تفهمينى فى ايه

صابر: و فى خبر تانى يا بيه

رياض : ارغرى

صابر : شيرين يا بيه

رياض باستغراب : مالها

صابر : شوفتها رايحه على عنوان مشيت وراها زى ما حضرتك امرت ، ولما سئلت عرفت انها طلعت عند

رياض : انجز طلعت عند مين

صابر : عند عمران الشاذلى

رياض : ااااايه

يتبع .....